Azkoitian eta Sansomendin egindako baheketetan positiboen tasa % 1 ingurukoa izan da
Azkoitian eta Gasteizko Sansomendi auzoan egindako baheketetan antzemandako positiboen tasa % 1 ingurukoa izan da.
Pandemiaren bilakaera aintzat hartuta, Eusko Jaurlaritzaren Osasun Sailak Azkoitian baheketa bat egitea erabaki zuen. Hala, 17 eta 60 urte arteko herritarrei borondatezko PCR probak egin zizkieten urriaren 7tik 10era bitartean. Astearte honetan emandako datuen arabera, 3.069 emaitza jaso dituzte eta horietatik 35 lagunek eman dute positibo, hau da, % 1,14k.
Sansomendin urriaren 8an hasi ziren eta datorren ostirala arte arituko dira PCR probak egiten. Oraingoz, 1.846 testen emaitzak eskuratu dituzte eta 18 positibo izan dira. Beraz, positiboen tasa % 0,98koa da.
Hori bai, aipatu datuei beste bide batzuetatik detektatutako kasuak gehitu behar zaizkie, osasun zentrora sintomak dituztelako joan diren herritarrena, adibidez.
Osasun Sailak gaur emandako datuen arabera, azken 14 egunetan 100.000 biztanleko 988 kasu antzeman dituzte Azkoitian –EAEko tasarik altuena- eta 559 kasu Sansomendin.
Bestalde, Eusko Jaurlaritzak jakinarazi du datorren ostegunean beste baheketa bat abiatuko duela Azpeitian. Borondatezko PCR probak 17 eta 40 urte arteko herritarrei zuzenduta egongo dira.
Azken bi asteetan 100.000 biztanleko 763 kasu detektatu dituzte eta astelehenean 18 pertsona kutsatu ziren.
Azken orduetan kasu positiboen kopuruak gora egin du Araban, Bizkaian eta Gipuzkoan. 529 lagun gehiago kutsatu dira eta positiboa tasa % 7,8ra igo da.
Albiste gehiago gizartea
Aurkikuntza arkeologiko oso garrantzitsua Iruñean: Barbazan dorrearen barruan dagoen Kalonjeen atea
Iruñean, arkeologia aurkikuntza bat da albiste. Katedral ondoan dago eta Joseba Asiron alkateak eta urbanismo batzordeak bisitatu berri dute. Aurkikuntza ikusgarri eta garrantzitsuaz mintzatu da Iñaki Sagredo arkeologoa. Nahi izanez gero, bisita gidatua egiteko aukera dago.
Giza Eskubideen Behatokiak kereila bat bultzatu du 1974ko Asturiagako segadagatik
Iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzagatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu-esplotazioa eta sexu-eraso saiakera bat egitea leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.