Osakidetzak PCR proba masiboak abiatu ditu Azkoitian eta Gasteizko Sansomendi auzoan
Osakidetza asteazken honetan hasiko da PCR proba masiboak egiten 17 eta 60 urte bitarteko herritarrei, Azkoitian, eta ostegunean hasiko da proba egiten Gasteizko Sansomendi auzoan. Asintomatikoen kopurua eta beste parametro batzuk aztertzeko prebentziozko baheketak dira.
Eusko Jaurlaritzako Osasun Sailak eta Osakidetzak PCR proba egitera deitu dituzte 17 eta 60 urte bitarteko Azkoitiko bizilagun guztiak. COVID-19aren pandemia kontrolatzeko egiten ari diren zaintza neurrien baitan egin dute deialdia.
PCR proba egin nahi duten herritar guztiek hitzordua hartu beharko dute aurretik, Azkoitiko osasun-zentrora edo 943 00 76 10 / 900 203 050 telefono-zenbakietara deituta. Behin txandak emanda, Azkoitiko Gurea frontoian egingo dituzte probak asteazkenetik aurrera.
Euskal Osasun Zerbitzuak Gasteizko Sansomendi auzoko 17 eta 60 urte bitarteko bizilagunei ere PCR proba egitera joateko deia egin die. Baheketa bihar, osteguna, arratsaldean hasiko da Arabako Unibertsitate Ospitalean (AUO).
Herritarrek hitzordua eskatu beharko dute auzoko osasun-zentroan eta Osasun Kontseiluaren telefonoan, eta, ostegunetik datorren astelehenera arte, aurrez hitzordua eskatu gabe ere joan ahalko dira Arabako Unibertsitate Ospitalera (AUO). Sansomendik 20.000 bizilagun inguru ditu.
Bi kasuetan, emaitzak SMS bidez bidaliko dizkiete, Euskal Osasun Zerbitzuak zehaztu duenez.
Azkoitia eta Sansomendi aukeratzeko irizpideak
Bestalde, Ignacio Garitano Osasun Saileko Kontrol eta Zaintza Programako eta Osakidetzako koordinatzaileak azaldu duenez, azken 14 egunetan positibo tasarik handienak bi toki horietan detektatu dituztelako erabaki dute test prebentiboak Azkoitian eta Sansomendin egitea.
Probak 17 eta 60 urte arteko herritarrei zuzenduta egoteari dagokionez, Garitanok zehaztu du kasu positibo gehienak adin tarte horretan ematen ari direla.
Baheketa selektiboen helburua sintomarik ez duten, baina COVID-19arekin gaixorik dauden pertsonak identifikatzea eta kutsatze kateak "ahalik eta azkarren" etetea dela azpimarratu du.
Horrela, bada, Azkoitiko eta Sansomendiko bizilagunei PCR proba egiteko deia luzatu die.
BIDEOA | Gasteizko Sansomendi auzoan ostegunetik aurrera egingo dituzte PCR probak
Zure interesekoa izan daiteke
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.
Igorreko Udalak loteriaren saria kobratu ez dutenen arazoa "lehenbailehen" konpontzea espero du
Gabonetako Loterian saria egokitu eta kobratu ezinik geratu diren ehundik gora lagunen salaketak jaso ditu jada Ertzaintzak. Igorreko errugbi taldeak iruzurra egin duen argitzeko ikerketa martxan da.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
52 apaizek Juan Carlos Elizalde gotzainaren aurka egin dute, “agintekeriaz” jokatzea leporatuta
Apaizetako baten arabera, seminarioaren “erdia kikoen esku” utzi du gotzainak. Elizalderen esanetan, apaiz batzuek “denbora gehiegi dute inkordiatzeko”.
Albiste izango dira: Duranako ikasturte amaierako bidaia, hantabirus agerraldia gurutzaontzian eta Igorren loteriaren saria kobratu ez dutenak
Gaurkoan Orain-en albiste izango direnen laburpena, bi hitzetan.
Dagoeneko 107 dira Arratiko Zekorrak taldeak saldutako loteria txartelen auzian salaketa jarri duten herritarrak
Behar baino 225 partaidetza gehiago saldu zituela aitortu du Arratiko Zekorrak errugbi taldeak. 2,2 milioi euroko zuloa dago, saritutako txartel bakoitzari 9.600 euro dagozkio eta. Kaltetuak plataforma batean elkartzekotan dira.
Arratiko Zekorrak taldeak saldutako loteria txartelen auzian kaltetutakoen artean ziurgabetasuna eta haserrea da nagusi
Igorreko errugbi klubari loteria-partaidetzak erosi eta Gabonetako zozketan sarituak gertatu ostean, dagozkien diru-kopurua jaso ez duten kaltetuek haserre eta ziurgabetasun handiz bizi dute egoera. Dagoeneko salaketak jarri dituzte, eta gehienek uste dute iruzur egin dietela.