Cony Carranza hezitzaile feministak jaso du Emakunderen 2019ko Berdintasunaren saria
Emantzipazio metodologietan eta ekonomia feministan aditu den Cony Carranza hezitzaile feministak jaso du Emakunderen 2019ko Berdintasunaren saria astearte honetan Gasteizen egin duten ekitaldian. Sari horrekin, Carranzak 20 urteko ibilbidean emakumeen ahalduntze feministaren alde, bereziki egoera zaurgarrienetan bizi direnen mesedetan, egindako borroka goratu nahi izan dute.
Iñigo Urkullu lehendakariak eman dio saria Lehendakaritzan egin duten ekitaldian. Bertan izan dira baita, Beatriz Artolazabal Berdintasun, Justizia eta Gizarte Politiketako sailburua eta Izaskun Landaida Emakundeko zuzendaria.
Carranza zoriondu ostean, lehendakariak eskerrak eman dizkio "berdintasunaren alde egindako ekarpenagatik, emandako ereduagatik eta erakutsitako konpromisoagatik". "Ekarpen pertsonala, jarraibide kolektiboa eta gizartearentzako eredua da", adierazi du.
Ildo horretan, baieztatu du gizarteak "inoiz baino gehiago" emakumeen eta gizonen arteko berdintasuna aldarrikatzen duela, eta nabarmendu du Eusko Jaurlaritzak erantzuna eman nahi diola haziz doan eskaera sozial horri.
Urkulluren hitzetan, "asko dago oraindik egiteko", baina "aurrera egiteko bitartekoak ditugu: gobernuaren konpromisoa, koordinazioa, ebaluazioa, araudia, egiturak eta lantaldeak, programak eta batez ere asmo ona".
Cony Carranza
Saria jaso duenean, Cony Carranzak bere herrialdea (El Salvador) izan du gogoan. Halaber, garrantzia eman dio hezkuntzan El Salvadorren egindako lanari, eta gogor kritikatu du Europak emakume migratzaileekin duen jarrera, "atzerritarrei buruzko legeak eta arrazismo sozialak haien gizarteratzea eragozten duelako".
Albiste gehiago gizartea
5.000 metro karratu kiskali dira zereal-zelai batean, Gerendiainen, sute baten ondorioz
Dirudienez, traktore batek eta paketatzeko makina batek su hartu dutenean piztu da sutea. Nafarroako suhiltzaileak izan dira lanean eta, inguruko nekazarien laguntzarekin, gune beroak itzali dituzte.
Iritsi dira Iruñera aurtengo sanferminetako entzierroetako lehen zezenak
Iritsi dira sanferminetako lehen zezenak Iruñera. Fuente Ymbro eta Victoriano del Rio ganadutegietakoak dira, uztailaren 7ko eta 10eko entzierroen protagonistak. Momentuz, Gaseko ukuiluetan daude atseden hartzen.
Bizkaia zubia martxan da berriro, matxura konpondu ondoren
Erabiltzaileek beste aukera batzuk bilatu behar izan zituzten larunbatean Getxotik Portugaletera edo/eta Portugaletetik Getxora joateko, matxura konpondu zuten arte.
2.000 bat ezkontza parekide egin dira Hego Euskal Herrian sexu berekoen arteko ezkontzak baimentzen zuen legea onartu zutenetik
2005eko irailaren 3an egin zen Hego Euskal Herrian lehen ezkontza parekidea, Gasteizko udaletxean. Lortutako aurrepausoak, baina, arriskuan daudela ohartarazi, eta olatu atzerakoiari aho batez erantzuteko eskatu dute.
LGTBIQ+ Harrotasunak Euskal Herriko kaleak hartu ditu, askatasunaren alde eta faxismoaren kontra
Dozenaka jarduera egin dira lurralde osoan zehar LGTBIQ harrotasunaren egunean. Martxa garrantzitsuenak Bilbon (/eguerdian), eta Gasteizen, Donostian eta Iruñean (arratsaldean) izan dira, eta milaka lagun batu dira horietara.
Gizon bat atxilotu dute Almerian, emaztea labankadaz hil ostean
63 urteko emakumea hilik aurkitu dute haren etxebizitzan, arma zuriz eragindako zauriekin. Ustezko hiltzailea erietxean atxilotu dute, bere buruaz beste egiten saiatu ostean, ospitaleratuta dagoelako.
Elkarretaratzea egin dute Hernanin, jaietan izandako eraso arrazisten aurka protesta egiteko
Astearte goizaldeko eraso ugariez gain, asteazkenean beste eraso bat izan zen, eta, Txozna Batzordeak salatu duenez, ez dira Hernanira soilik mugatu. "Ultraeskuinaren gorakadaren" ondorioa direla uste dute, eta "ez dira gertakari isolatuak" izan.
Adierazi gabeko alergenoak dituzten Bingqi Foods markako galletak Hego Euskal Herrian saltzen ari direla ohartarazi dute
Esnea, soja edo sulfitoak dituzte. Espainiako Elikagaien Segurtasunerako eta Nutrizio Agentziak (Aesan) alergia edo intolerantzia duten pertsonei gomendatu die ez kontsumitzeko. Produktu horiek kontsumitzeak ez du arriskurik gainerako herritarrentzat.
Ehgam-ek transfobian jarri du arreta aurten bere sariak banatzeko ekitaldian
Ehgam Euskal Herriko Sexu Askapenerako Mugimenduak Loratuz Lotu, Lumagorri, Anitzak eta SuminTrans kolektiboei eman die Urrezko Hirukia saria, Gurutzetako Ospitalearen Genero Identitatearen Unitateak pertsona transak artatzeko erabiltzen duen modua salatzen egindako lanagatik. Bestetik, feminista "transbaztertzaileek" Bilbon egin zituzten jardunaldiei eman diete Larruzko Espartina "antisaria", haur eta nerabe transak jomugan jartzeagatik.
Metro Bilbaok uztailaren 1ean jarriko du martxan udako ordutegia, maiztasunak egokituta
Ostiral eta larunbat gauetako zirkulazioa zerbitzu bereziekin osatuko dute, horren ibilbidean dauden udalerrietako jaiez eta kultura-ekitaldiez gozatu ostean etxera itzuli ahal izateko.