Zergatik izena du 'Eta' azken ekaitz tropikalak?
Kariben sortu zen 29. depresio tropikalak mendebaldera egingo du eta "Eta ekaitz tropikala" da jada. Astelehenen, berriz, urakana izango da eta Nikaraguako zein Hondurasko kostaldean sentituko dute.
Fenomeno atmosferiko hauei izena jartzen hasi zirenetik lehen aldia da ekaitz bat izendatzeko 'Eta' izena erabiltzen dela. Eta zein da arrazoia? Zerrenda ofizial edo tradizionala agortu egin dela, beraz, beste zerrenda batera jo dutela.
Munduko Meteorologia Erakundeak (OMM) alfabetikoki ordenatutako izenen zerrenda bat egiten du zikloiak izendatzeko. Atlantikoko zerrendak 21 izen maskulino eta femenino ditu urtero, eta txandakatu egiten dira. Zerrenda agortzen bada, alfabeto grekoarekin jarraitzea aurreikusten da. Eta horixe gertatu da 2020 urte berezi honetan, 28 ekaitz tropikal izan dira dagoeneko; eta beraz, zerrenda ofizialean aurreikusitako izenak amaituta, alfabeto grekoarekin hasi dira.
Horrelakorik ez da 2005etik gertatzen, eta adituek ohartarazi dutenez, oraindik azaro osoa geratzen denez urakan denboraldia ofizialki amaitzeko, 2020ak errekorra egingo du gai honetan ere. Hala, urteetan errepikatuko ez diren izen gehiago egongo dira, ziur aski.
1953az geroztik, zikloi tropikalei izena jartzen zaie haizearen indarra 120 km/h-tik gorakoa denean. Nazioartean, eta bereziki profesionalen artean, fenomeno meteorologiko arriskutsu horiek ondo identifikatzeko helburuarekin jaio zen izendapen sistema hori, baina badu baita beste onura bat ere. Hain suntsigarria izan daitekeen fenomeno batek izen propio bat duenean biztanleria kontzienteagoa dela eta ondorioz, babes neurriak hobeto beteko dituela uste da.
Zure interesekoa izan daiteke
Iraungitako dosiarekin txertatutako haurtxo baten amak salatu du "segurtasunik eza" ematen diola egoera horrek
Iraungitako Hexabalente txertoaren dosi bat jaso zuen haurtxo baten amak deitoratu du egoera horrek "segurtasunik eza" eragiten diola, beti pentsatu izan baitu Osakidetzak dena ondo egiten duela. Barkamena eskatu diotela eta adingabeari txertoa berriro jartzeko hitzordua eman diotela ziurtatu du.
Adi Bilbo inguruko errepideetan, seik izena aldatu dute eta, A-8a barne
Gidariek eta nabigatzaileek izen berriekin ohitu beharko dute orain. Garai bateko Hegoaldeko saihesbideak BI-10 izena hartuko du, eta Txorierriko igarobidea BI-30 izango da aurrerantzean.
Osakidetzak asteon bukatuko du iraungitako dosia jaso zutenen birtxertaketa
Hexabalentearen kasuan, gaizki txertatutako 30 lagunetatik gehienek jaso dute dosia, eta bestela, gaur-biharretan izango dute. Tetrabalente eta hirukoitz birikoari dagokionez, asteon amaituko dutelakoan dago Osakidetza.
Tolosako inauterietan bigantxak izango dira azkenean
Gipuzkoako Aldundiak behin-behinean baimendu ditu inauterietan bigantxekin egiten diren ekitaldiak eta sokamuturra. Abenduan, Frantzian dermatosi nodular kasuek gora egin zutelako erabaki zuten Jaurlaritzak eta Nafarroako Gobernuak abelburuen joan-etorriak mugatzea eta behi erakusketak, idi probak eta sokamuturra debekatu zituen, agindu bidez.
Iaz 80 pertsonak jaso zuten eutanasia EAEn, aurreko urtean baino % 62k gehiagok
Eutanasia eskaerak 120 izan ziren, eta aurreko urtean, 74.
EAEko ikastetxeetan aurrematrikula egiteko gida
Gaurtik otsailaren 13ra arte egin ahal izango da aurrematrikula online zein aurrez aurre, eta hemen jaso dugu jakin beharreko informazio guztia.
EH Bilduk iraungitako txertoen inguruan egindako ohartarazpena "sobera" zegoen, Osasun Sailaren ustez
Lore Bilbao Osakidetzaren zuzendari nagusiak ETB1eko "Egun On" saioan azaldu duenez, familiei "mezu argi bat" helarazi nahi zieten, eta, horretarako, txostenak eskatu zituzten. Horien zain zeudenean egin zuen EH Bilduk eman zuen auziaren berri. "10 egun lehenagotik baldin bazekiten, zergatik ez zuten ezer egin? Kasu honetan guk bagenekien, baina zer gertatuko litzateke jakin izan ez bagenu?", galdetu du.
Jaiotza kopurua % 0,1 jaitsi da berriro Euskadin, bi hiruhilekotan gora egin ondoren
Lurraldeka, urtebetean % 3,2ko hazkundea izan zen Araban, 547 jaiotzarekin; Bizkaian % 4,7 jaitsi ziren, 1.616 jaiotzarekin; eta Gipuzkoan % 5,5 igo ziren, 1.129 jaiotzarekin.
Bikotekidea hiltzea egotzita atxilotutako emakumea espetxera bidaltzeko agindu du epaileak
55 urteko emakumeak Basurtuko Ospitalean jarraitzen du eta sendagiria jasotzen duenean eramango dute espetxera.
Santurtzi eta Barakaldo arteko aldirietako tren-zerbitzua eten dute, matxura baten ondorioz
Santurtzitik Barakaldorako joan-etorrian dabiltzan tren guztiek Desertu-Barakaldo geltokitik hasi eta amaituko dute ibilbidea, eta erabiltzaileek autobus zerbitzua izango dute helmugara iristeko.