Lau urte eta erdi, Tafallan autobus bat lapurtu eta kontrako noranzkoan gidatzeagatik
Tafallan autobus bat lapurtu eta ausarkeriaz gidatu zuen gizon bati lau urte eta erdiko zigorra berretsi dio Nafarroako Auzitegiak. Iragan martxoan, Iruñeko Zigor Arloko 4. Epaitegiak lau urte erdiko kartzela zigorrera kondenatu zuen, auzipetuak beste gidari batzuen bizitza arriskuan jarri zuela iritzita.
Espetxe-zigorraz gain, epaileak 1.800 euroko isuna ezarri zion kondenatuari, ibilgailu motordun bat osteagatik, eta 3.960 euroko isuna, ostera, bide-segurtasunaren aurkako delituengatik, ausarkeriaz gidatzeagatik, besteen bizitza mespretxatzeagatik, lesio delitu batengatik, eta baimenik gabe gidatzeagatik.
Nafarroako Auzitegiko magistratuek instantziako epailearen arrazoiak babestu dituzte eta haren ondorioak "egokiak" izan zirela gaineratu dute, auzipetuak "besteen bizitzarekiko mespretxua" agertu zuelakoan. Era berean, Auzitegiak errefusatu egin du drogen eraginpean egoteagatik aringarriak ezartzea.
Epaian irakur daitekeenez, 2018ko azaroaren 18an, 09:25ean, 20 urteko auzipetua Tafallako Abaco kaleko autobus aparkalekura joan zen, eta bertan autobus batera sartzeko giltza hartu zuen. Ondoren, ibilgailua martxan jarri zuen, gidabaimenik izan ez eta drogaren eraginpean egon arren.
Akusatuak "gehiegizko abiaduran" gidatu zuen autobusa, eta, ondorioz, hainbat ibilgailuk gelditu egin behar izan zuten edo maniobra arriskutsuak egin behar izan zituzten harekin talka ez egiteko. Bere bidean, auzipetuak autoak, kamioiak eta bide-seinaleak jo zituen, ez zituen seinaleak errespetatu, eta kontrako noranzkoan gidatu zuen, bidean ez ezik, baita biribilgune batean ere.
Gainera, ez zion jaramonik egin gelditzen agindu zion Foruzaingoaren patruila bati.
09:42an, Guardia Zibilaren patruila batek eta Foruzaingoaren ibilgailu batek bidea itxi ziotenean, auzipetuak bat-batean frenatu zuen eta autobusak Foruzaingoaren autoa jo zuen.
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.