A-15a itxiko dute, San Lorenzo-Larre eta Belabieta tunelen egokitze lanak direla eta
San Lorenzo-Larre eta Belabieta tunelen instalazioak hobetze aldera, A-15a itxi egingo dute, eta, Gipuzkoako Foru Aldundiak azaldu duenaren arabera, honek bi norabideetan izango du eragina.
Aldundiaren esanetan, Andoaingo noranzkoan egingo den itxiera Berastegiko loturatik egingo da; Iruñeko noranzkoan egingo dena, berriz, Sorabillatik egingo da, Andoaindik. Errepidea astearteko 22:00etatik asteazkeneko 06:00ak arte egongo da itxita.
Andoaingo noranzkoan doazen autoek Berastegitik joan beharko dute; bertan, GI-2130etik Tolosaraino iritsi, eta, han, A-15a hartu ahal izango dute Sorabillako lotunetik.
Bere aldetik, Iruñeko noranzkoan doazen autoek Sorabillan bira egin beharko dute N-1 errepidean sartu ahal izateko. Horrela, GI-2130 errepidea hartu, eta, Tolosa eta Ibarratik igaroz, A-15 errepidean sartu ahalko dira Berastegitik.
Gipuzkoatik Nafarroara ibilbide luzeak egiteko, Altsasuraino N-1 errepidea hartzea gomendatzen dute, ondoren, Sakanako autobidetik jarraitzeko.
Beste alde batetik, Gipuzkoako Foru Aldundia Olandixo tunela (Arrasate) ixteko sistema hobetzen ari da, eta, beraz, G1-2620 errepidea erabat itxiko dute Mugarrietako eta Markuleteko biribilguneen artean.
Gauez itxiko dute, azaroaren 9ko 22:00etatik azaroaren 10eko 06:00etara. Agintariek gomendatu dute G1-2620 errepidea hartzea ordezko ibilbide gisa, Mugarrietako eta Markuleteko biribilguneen artean.
Zure interesekoa izan daiteke
Talde animalistek protestak egin dituzte Bilbon eta Iruñean, ehizaren eta ehiza-txakurren erabileraren aurka
Espainiako Estatuko 44 hiritan eta beste 41 herrialdetan izan da mobilizazioaK, Galgoaren Munduko Egunarekin bat eginez.
Diru bilketa abiatu dute Aroztegia auzian zigortutako zazpi kideei jarritako isunei aurre egiteko
Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Joko areto baten aurka protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Gizon batek bikotekidea hil du Pontevedran
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Guardia Zibila gizonaren bila ari da atxilotzeko.
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.