COVID-19aren aurkako txertoa 92 herrialdera zabaltzeko operazioa abiatu du Unicefek

2021ean 2.000 milioi dosi garraiatzeko logistika aztertzen dabil, eta horretarako airelinea nagusienekin eta sektore horretako 35 bazkiderekin bildu da.

Erizain bat, txertoa prestatzen. Argazkia: EFE

AGENTZIAK | ERREDAKZIO

2020/11/23 - 10:54

Azken eguneratzea

2020/11/23 - 11:17

Airelinea nagusienekin eta garraio enpresa handienekin lan egiten hasi da Unicef, COVID-19aren aurkako txertoak 92 herrialdera zabaltzeko asmoz. Inoiz egin duten operazio handiena izango da.

Ohar batean, NBEren haurrentzako agentziak azaldu du 2021ean 2.000 milioi dosi garraiatzeko logistika aztertzen dabilela, eta horretarako airelinea nagusienekin eta sektore horretako 35 bazkiderekin bildu dela; itsas garraioaz arduratzen diren konpainiekin baita.

"COVID-19aren kontrako txertoak bilatzen dabiltzan bitartean, txerto horiek mundu osotik modu arin eta seguruan nola zabaldu aztertzen ari da Unicef", esan du ohar horretan Etleva Kadilli agentziako Hornikuntzen Banaketako zuzendariak.

Egundoko operazioa

Unicefen arabera, kolaborazio horrek ziurtatu behar du inoiz egin duten operazio handiena burutzeko gai direla.

Datozen asteetan, Unicefek garraio aukera guztiak aztertuko ditu bidean gerta litezkeen arazoak eta beharrak aurretik identifikatzeko.

Hala, Unicefek berak, Osasunaren Erakunde Panamerikarrarekin batera, erosi eta banatuko ditu txertoak diru-sarrera txikiak eta ertainak dituzten 92 herrialdetan.

Esperientzia handia

Unicefek esperientzia handia dauka gisa horretako kanpainetan. Izan ere, munduko txerto erosle handiena da.

Urtero, 2.000 milioi dosi erosten ditu gaixotasun ezberdinei aurre egiteko, eta ehunka herrialdetan zabaltzen ditu horiek.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, espazio publiko itxietan, garraio publikoan eta udalerri eta hiri nagusietan da derrigorrezkoa.

Albiste gehiago gizartea

Arantzazura eraman dituzte jada Donostian kalean bizitzen egon diren Maliko 50 migratzaileak

Gurutze Gorriak Oñatira eraman ditu gaua Donostian igarotzen zuten Maliko migratzaileak, aldi baterako ostatu batera. Amara auzoan kalean zeuden 50 afrikarrei Arantzazuko aterpean eman diete ostatu, asilo eskaria bideratu bitartean. Ostiral honetan abiatu da lekualdaketa Amara Berri ikastetxe publikotik, Donostiako Kofradien plazatik gertu.

Joxe Mari Kortaren Bidetik Fundazioak amaiera eman dio bere ibilbideari, enpresaburua hil eta 25 urtera

Gaur 25 urte bete dira ETAk Joxe Mari Korta enpresari zumaiarra hil zuenetik. Haren familiak eta lagunek omenaldi xume bat egingo diote Arroako hilerrian. Urteurren borobil honekin bat eginez, bukatutzat emango da berak ordezkatzen zituen balioetatik abiatuta sortutako fundazioaren lana.

Bidarten chikungunya bigarren kasu autoktonoa antzeman dute, tigre-eltxoek transmititzen duten gaixotasuna

Ipar Euskal Herriko autoritateek herria fumigatuko dute larunbat goizaldean, abuztuaren 9an, 03:00etan.

18:00 - 20:00

Gizon bat atxilotu dute Bilbon, Atxuri auzoko eraikin bateko fatxadari su emateagatik

Suak ez du inor zauritu. Sutea telefono mugikor batekin grabatzen topatu dute inguru horretan atxilotutako gizona.

Aner Uriarte Bilboko epaile dekanoak ukatu egin du euskararen aurkako epailerik dagoenik: "Asmakeria bat da"

Lan-eskaintza publiko batzuek ezarritako euskara-baldintzak aldatu dituzten azken epaiei dagokienez, Aner Uriarte Bilboko epaile dekanoak ukatu egin du justizia-administrazioan euskararen aurkako ideia "hitzartua" dagoenik.

Gasteizko Mugimendu Feministak "intentsitate handiko" bi sexu-eraso salatu ditu ostegun gauean

Elkarretaratzea larunbat honetan izango da, 20:00etan, Andre Maria Zuriaren plazan. Azken erasoak salatzeaz gain, erasotzaileengan jarri nahi dute arreta.

Detalle de la vértebra cervical infantil de un niño o niña de entre 2 y 5 años con marcas de corte que evidencian prácticas de canibalismo por parte de sus congéneres.

Neolitoko kanibalismoaren aztarna berriak aurkitu dituzte Atapuercan

Ikertzaile talde batek gutxienez 11 pertsonaren aztarnak aurkitu ditu Atapuercako aztarnategian. Azaldu dutenez, aztarnek 5.700 urte inguru dute, eta larrutu, hezurra eta haragia bereizi, kozinatu eta kontsumitu izanaren markak dituzte.

Atun gorria gizentzeko Getariako uretan Aztik eta Balfegok dituzten kaioletan lehenengo 50 hegalaburrak sartu dituzte

Hegalaburraren lehen 50 aleak Getariako gizentzeko itsas haztegiko bi kaioletan daude dagoeneko. Tunidoak sardina eta berdel izoztuekin elikatuko dituzte urriaren amaierara arte, eta hil horren amaieran sakrifikatuko dituzte. Hartuko dituzten kiloak gantza dira, atunaren haragian sartzen den koipea.

Donostiako Amara auzoan kalean bizi diren 50 pertsona migratzaileei Arantzazun ostatu emango diete

Gipuzkoako Foru Aldundiak, Donostiako Udalarekin lankidetzan, aldi baterako ostatu bat prestatu du Oñatin.

Edurne eta Zeledon Txikiren jaitsierak Andre Maria Zuriaren plaza bete du txikien egunean

Aiora Diaz, Los Alegrios kuadrillako 12 urteko neska, eta Eñaut Saenz de Viteri, Galtzagorri kuadrillako 10 urteko blusa, izan dira aurtengo Edurne eta Zeledon Txiki. Eguerdian, txupinazoarekin batera, Zeledon Txikiren eta Edurneren panpinak San Migel elizako dorretik jaitsi dira. Ondoren, Aiora eta Eñaut elizako balkoira itzuli dira eta, handik festaz gozatzeko deia egin diete Gasteizko haur guztiei.