Europak abenduaren 21ean aztertuko du Pfizerren txertoaren azken baimena
Sendagaien Europako Agentziak (EMA) astearte honetan baieztatu duenez, litekeena da abenduaren 21ean amaitzea Pfizer eta BioNTech enpresek garatutako covid-19ari aurre egiteko txertoaren ebaluazioa, egun horretan giza sendagaien batzordeak (CHMP) antolatutako ezohiko bilera batean.
Agentziak baieztatu duenez, atzo arratsaldean jaso zituen CHMPk txertoa garatu duten konapiniei eskatutako datu gehigarriak, eta, "kalitateari, segurtasunari eta eraginkortasunari buruzko datuak behar bezain sendoak eta osoak badira", datorren astelehenean txertoa babestuko duela iragarri du.
Txertoari oniritzia emateko ezohiko bilera abenduaren 29rako zegoen aurreikusita, baina enpresa-farmazeutikoari eskatutako informazio gehigarria atzo jaso zutenez, batzarra aurreratzea erabaki dute. Edonola ere, 29rako deitutako bilerarako deialdiari eutsiko diote, badaezpada.
Gaur goizean Alemaniako Bild egunkariak zabaldu du txertoa datorren astelehenean onartu dezaketela, eta Jens Spahn Alemaniako Osasun ministroak ere baimena lehenbailehen emateko deia egin du.
Informazio eta adierazpen horien ondotik iritsi da Sendagaien Europako Agentziaren oharra, txertoa ebaluatzeko azken batzarra abenduaren 23an egingo dutela iragarriz. Hori bai, berretsi egin dute txertoa "kalitatezkoa, segurua eta eraginkorra" bermatu behar dute lehendabizi.
Hala dela egiaztatzeko, informazio osagarria behar zuten eta datu horiek atzo jaso zituzten enpresa-farmazeutikoaren eskutik. Ezustekorik ezean, agentziak datorren astelehenean emango dio bere oniritzia Pfizer eta BioNTech konpainiek egindako txertoari, eta ondoren Europako Batzordearen ardura izango da txertoa merkaturatzeko baimena ematea.
Baimen hori egun gutxitan emango dutela agindu du Bruselak eta, beraz, urtarrila hasieran hasiko litzateke txertoaren banaketa Europar Batasuneko herrialdeetan.
Zure interesekoa izan daiteke
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.
Arabako eta Gipuzkoako etxebizitzetan lapurretak egin zituen gaizkile talde bat desegin dute
Estatu osoan indarra erabiliz 25 lapurreta egin izana egozten diete, eta Araban lapurreta bat egin ondoren atxilotu dituzte taldea osatzen omen zuten lau kideak.
Mugimendu sismikoak izan dira Andaluzian, denboralearen ondorioz
Intentsitate txikiko lurrikarak izan dira Cadizko mendilerroan eta Malagako hainbat udalerritan.
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.