15 mendate itxi dituzte elurraren ondorioz Euskal Herrian
Euskal Herria astintzen ari den elur eta euri denboralearen ondorioz, 15 mendate, denak bigarren mailakoak, zirkulaziora itxi behar izan dituzte, Ertzaintzak eta Foruzaingoak eitb.eus-i jakinarazi diotenez. Hain justu, elurra dela eta, abisu horian daude Euskal Autonomia Erkidegoa (EAE) eta Nafarroa.
EAEn 12 dira itxitako mendateak (19:30eko egoera): hiru Bizkaian (Barazar, Dima eta Urkiola) eta launa Gipuzkoan (Arantzazu, Artikutza, Elosua, Karabieta eta Elgeta) eta Araban (Azazeta, Opakua, Herrera eta Urduña). Nafarroan, honakoak dira zarratutakoak: NA-7510a (San Miguel de Aralar, laugarren kilometrotik aurrera), NA-2011 (Salazar-Frantzia, 7. kilometrotik) eta NA-2012a (Otsagabia-Irati, 7. kilometrotik aurrera). A-15 autobidea ere itxita dago Irurtzun eta Leitza artean.
Horrez gain, autoek kateak behar dituzte Altuben eta Kurtzetan (Araba). Nafarroan, beste hainbeste gertatzen da NA-138an (Iruñea-Frantzia, Alduides), NA-2520 (Olague-Zubiri), NA-1740 (Irurita-Eugi) eta NA-137 (Burgi-Izaba-Frantzia, 45. kilometrotik aurrera) errepideetan.
Errepide sare nagusia zabalik dago, baina elurra kentzeko makinak etengabe ari dira lanean. Ertzaintzak eta Foruzaingoak arretaz gidatzeko eskatu dute, batez ere bigarren mailako errepideetan.
Hamaika istripu eta arazo
Goizean goizetik arazoak izan dira A-15ean, Berastegin (Gipuzkoa); AP-68an, Altuben (Araba); BI-633 errepidean, Mallabia parean (Bizkaia); GI-2639 errepidean, Elgetan (Gipuzkoa), eta mendateetan. Elurra kentzeko makinen lanari esker, hobera egin du egoerak. Baina arratsaldean berriro egin du okerrera denboraleak eta beste hainbat istripu izan dira errepideetan.
Araban, elurrak mugikortasun arazoak sortu ditu hiriburuan. Hori horrela, atzerapenak eta ibilbide aldaketak izan dira Gasteizko autobus zerbitzuan.
BIDEOA | 300 metrotik gora hainbat herri zuritu ditu elurrak Gipuzkoan eta Bizkaian
BIDEOA | Hiru mendizale erreskatatu dituzte Gorbeia mendian
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.