Goizalde hotz-hotza Errege egunean: termometroak ia -15 ºC-raino jaitsi dira
Euskal Autonomia Erkidegoan (EAE) eta Nafarroa abisu horian daude gaur eta bihar muturreko tenperatura baxuengatik eta izozteengatik. Errege eguneko goizaldea hotz-hotza izan da eta leku askotan zeroz azpiko tenperaturak neurtu dituzte. Abisu horia urtarrilaren datorren ostiralera arte egongo da indarrean, urtarrilaren 8ra arte.
Euskalmet Euskal Meteorologia Agentziak emandako datuen arabera, 07:00etan -14,8 ºC markatzen zituen Iturrietako estazioak (Agurain), eta hortik apur bat beherago udalerri horretako beste leku batean dagoen estazioak (-12,4 ºC). Erroitegin (Arraia-Maeztu) edo Eginon (Asparrena), biak ala biak Araban, -11,8 ºC eta -10,6 ºC zenbatu dituzte. Berastegin (Gipuzkoa) zeroz azpitik 4,6 gradu harrapatu ditu termometroak. Kostaldean ere zeroz azpitik izan dira tenperaturak: Miramongo estazioan -0,5 ºC neurtu dituzte.
Euskalmeten eguraldi iragarpenaren arabera, gaur, Errege-egunean, hotz egiten jarraituko du, baina ez da prezipitaziorik espero. Hodeitza isurialde atlantikoan pilatuko da batez ere, bereziki kostaldean, eta gainerako lekuetan ostarteak irekiko dira. Kostaldean baliteke euri pixka bat egitea. Haizea ahul ibiliko da, ekialdetik kostaldean eta norabide finkorik gabe gainerakoan. Hotz egingo du eta zeropeko balioak neurtuko dira barnealdean eta Gipuzkoako kostaldeko zenbait lekutan eta Ipar Euskal Herrian izotza egin dezake.
Ostegunean ildo beretik jarraituko du aroak. Prezipitaziorik ez, baina ia denean izotza botako du. Litekeena da kostaldeko txoko askotan zeropeko balioak izatea eta barnealdean izotz handia botatzea. Ostarteak irekiko badira ere, negu beteko eguraldiarekin jarraituko dugu. Haizea ahul ibiliko da eta goizean ipar-ekialdetik finkatuko da. Arratsaldean, berriz, hodeitza handituz joango da, bereziki ipar partan. Nafarroa hegoaldean, zerua ia erabat estalita mantenduko da egun guztian.
Ostiralean zerua hodeitsuago egongo da, batez ere isurialde atlantikoan. Hodeien babesean, tenperatura ez da hainbeste jaitsiko, baina berriro ere barnealdean izotza botako du eta Araban eta Nafarroan gogorrak izan daitezke. Baliteke hodeitza honek, isurialde atlantikoan, bereziki mendebaldean, lekuren batean zirimiri edo prezipitazio txikia uztea. Elur-kota 300-400 metro inguruan egongo da, baina prezipitazioak puntualak izango dira. Ipar-ekialdeko haizea.
Zure interesekoa izan daiteke
30 urteko gazte bat hil da Sopuertan, trafiko istripu bat izan ostean
Eusko Jaurlaritzako Segurtasun Sailak jakitera eman duenez, istripua 02:10 aldera gertatu da; gidatzen ari zen ibilgailua errepidetik atera da eta horma baten kontra jo du. Gurutzetako Unibertsitate Ospitalean hil da handik ordu batzuetara.
A-12 errepidea moztu dute Mañeru parean, etxe batean piztutako sutea mendira zabaldu ondoren
Bi etxe kaltetu dira, eta hainbat hustu behar izan dituzte. Sutea kontrolpean hartu dute suhiltzaileek, baina ke handia zabaldu da errepidean.
Iñaki Dorronsoro Eusko Ikaskuntzako presidente ohia hil da
1947an Ataunen jaioa, gaur egun, Gaindegia behatokiko presidentea eta Jakiundeko akademiako ohorezko kidea zen.
Tenperatura altuek gorabeherak eragin dituzte
Muskizen, Arena hondartzatik gertu, sute txiki bat izan da, eta horrek ikuspena zaildu du. Bestalde, Metro Bilbaoren zerbitzua eten egin da beroak arazo teknikoak eragin baititu.
Polemikaz inguratura itzuli da Sokamutura Eibarrera, zortzi urteren ostean
Eibarren azken sokamuturra egin zutenetik 8 urte igaro direnean, gaur berriro egin dute halako bat bertan. Udalak aurten festetako egitarauan sartzea erabaki du, eta polemika handia izan da aurreko asteetan. Hala ere, arazorik gabe egin da. Parte hartzaile asko izan dira, batez ere gazteak, eta sokamuturren aurka dauden dozena bat lagun ere bertaratu dira, protesta egiteko.
Arenako hondartzatik gertu sastraka batzuek su hartu dute, eta kea A-8raino heldu da
Sastraka batzuek su hartu dute Muskizen, Arenako hondartzatik gertu, eta A-8raino heldu da kea. Larrialdietarako zerbitzuek jakitera eman dutenez, A-8ko zati bati ere eragin dio, eta, ondorioz, zirkulatzeko arazoak izan dira. Suhiltzaileak bertaratu dira sua itzaltzera, inguruko beste sail batzuetara zabal ez zedin.
Bizirik topatu dute Gasteizen desagertutako 56 urteko emakumea
Desagerpenak kezka sortu zuen eta mobilizazio handia eragin zuen sare sozialetan.
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.
Eusko Jaurlaritzaren "kriminalizazio kanpaina" eta Ertzaintzaren "basakeria" salatu dute milaka pertsonak Bilbon
Milaka lagun eta gizarte eragile, Global Sumud Euskal Herriako kideak tartean, bildu dira arratsaldean Bilbon, "Poliziaren zigorgabetasunaren eta errepresioaren aurka" protesta egiteko. Eusko Jaurlaritzak "herri mugimenduaren aurka egindako kriminalizazio kanpaina" eta "Ertzaintzaren basakeria" salatu nahi izan dute, eta EAJk "protestarako eskubidea bere interesekoa denera mugatzen duela" ohartarazi dute.
Ia 48.000 pertsonak hartu dute parte Osakidetzako EPEaren bigarren egunean, eta beste 43.000ren txanda izango da igandean
Ostiralean hasi eta igandera bitartean, bederatzi kategoria profesionaletako aztekerketak ari dira egiten BECen. 101.000 hautagai dira orotara, 3.764 lanpostu betetzeko.