Bruselak txertoak entregatzeko egutegi "argia" eskatu dio AstraZenecari
Europako Batzordeak estatu kideei txertoa bidaltzeko egutegi argia eskatu dio AstraZenecari, konpainia farmazeutikoko ordezkariekin bildu ostean. Batzarra "eraikitzailea" izan dela, baina urrratsik ez dutela egin azaldu dute.
"Zoritxarrez, bidalketen inguruan egutegi argirik ez dagoenez, egitasmo argi bat eskatzen diogu AstraZenecari, lehenengo hiruhilekorako hitzartutako txertoaren dosiak azkar banatzeko", azaldu du Stella Kyriakides Osasun komisarioak sare sozialetan zabaldu duen mezu batean.
Txipreko agintariak azpimarratu du Pascal Soriot AstraZenecaren ordezkari kontseilariarekin izandako bilera "eraikitzailea" izan dela, eta EBk "elkartuta eta sendo" jarraitzen duela farmazia enpresari sinatutako konpromisoak betearazteko.
Bileraren aurretik, Europar Batasuneko zentroetan covid-19ari aurre egiteko dosiak ekoizteko arazoak baldin baditu, Erresuma Batuko lantegitik helarazi diezazkiola eskatu dio gaur Bruselak AstraZeneca konpainiari.
Enpresa-farmazeutikoak lau zentro ditu: bi Erresuma Batuan eta bana Belgikan eta Alemanian. Azken bi horietako batean ekoizpen arazoak izan dituela eta, Europar Batasunarekin adostutako dosiak zehaztutako epean bidali ezingo dituela iragarri zuen joan den astean AstraZenecak eta horrek Europako Batzordearen haserrea eragin du.
Bruselaren arabera, bidalketak konpainia horrek Erresuma Batuan, Belgikan eta Alemanian dauzkan lau lantegietatik egingo dituela jasotzen da bi aldeek egindako itunean.
"Ez dago mailarik zentroen artean. Kontratuan lau zentroak aipatzen dira eta ez du ezberdintasunik egiten Erresuma Batukoen eta Europar Batasunekoen artean", azpimarratu du Osasun komisarioak.
"Kontratuan ez da zehazten herrialde batek, edo Erresuma Batuak, lehentasuna izango duenik akordioa lehenago sinatu duelako. Hiru hilabeterako egutegia adostu dugu eta (herrialde bati lehentasuna eman nahi bazion) AstraZenecak klausula batean jarri behar zuen", erantsi du.
"Lehenengo iristen denak lehentasuna izan behar duenaren logika baztertzen dugu. Herri bateko harategian horrela funtzionatu daiteke, baina ez horrelako salerosketa kontratu batean", berretsi du.
Europar Batasunak 400 milioi dosi erosteko akordioa egin zuen AstraZenecari eta kontratua publiko egin dezala eskatu dio enpresa-farmazeutikoari.
AstraZenecak eta Oxfordeko Unibertsitateak landutako txertoak oraindik ez du Europar Batasunaren baimena jaso, baina Medikamentuen Europako Agentziak ostiral honetan bertan eman diezaioke bere oniritzia.
Bruselaren eta AstraZenecaren arteko haserreak gora egin du konpainiak adostutako dosiak baino gutxiago helaraziko dizkiola jakinarazi zuenetik.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.