Gipuzkoako Foru Aldundiak eta ZAS!-ek zurrumurruen kontrako kanpaina aurkeztu dute
Gipuzkoako Foru Aldundiak eta Euskadiko Zurrumurruen Aurkako Sareak (ZAS!) kanpaina berri bat abiarazi dute sare sozialetan, "estereotipoak desegin eta kultur aniztasunaren potentziala argitara emateko", euskal gizartean eragin eta bizikidetzarako espazioak sortzeko asmoz.
Ekimenaren sustatzaileek adierazi dutenez, ekimenaren bidez garatutako mezuek eta ekintzek "gure gizartean kultur aniztasuna indartzeko eta diskriminazioak prebenitzeko zirimiria" sortu nahi dute.
Ion Gambra Giza Eskubideen eta Kultura Demokratikoaren foru zuzendariak eta Andrea Ruiz eta Xabier Aierdi ZAS! Zurrumurruen Aurkako Euskal Sareko kideek kanpaina berria aurkeztu dute Donostian. Azaldu dutenez, webgune berriak modu erakargarri eta intuitiboagoan plazaratuko ditu sarearen hiru lan-ardatzak: dibulgazio-ardatza, diskurtso-ardatza eta prestakuntza-ardatza.
Webgune berriaren helburua herritarrek "eduki horiek bere egin ditzaten eta zurrumurruen aurkako eragile gisa duten estrategiarekin bat egin dezaten" beharrezkoak diren materialak eta ekitaldien albisteak eskaintzea da.
"Usteak, ustel!" saila nabarmentzen da bertan, hainbat arlotako adituri egindako 14 elkarrizketa bildu dituena, migrazioarekin eta zurrumurruekin lotutako ohiko zalantzei erantzuteko.
Halaber, Aldundiaren eta ZAS! sarearen arteko lankidetza datozen egunetan gauzatuko da. Hamar infografia argitaratuko dira sare sozialetan, honako gai hauetan zentratuta: generoa, hezkuntza, babesa, bakarrik dauden adingabeak, zurrumurruak desegiteko komunikazio-trebetasunak, arrazismoa, migrazioa eta errealitate soziodemografikoa.
Bestalde, ZAS!-eko ordezkariek azaldu dutenez, zurrumurruen aurkako estrategia sare sozialetatik haratago garatzen ari dira. 2020an egindako jardueren artean, sareak "genero-islamofobia" eta "adierazpen-askatasuna eta gorroto-diskurtsoak" ardatz dituzten solasaldiak egiten jarraitu du.
Prestakuntzari dagokionez, sarea akordio batera iritsi da Tokikom euskarazko tokiko komunikabideen sarearekin, eta bi mintegi egin ditu, komunikabideen alorreko 13 profesional datuen testuinguruaren eta informazio-tratamenduaren inguruan trebatzeko.
"Desberdintasunei muga jartzea"
Gambraren hitzetan, Gipuzkoako gizartea "irekia eta solidarioa da, eta aniztasunarekiko errespetua" agertzen du. Gainera, bi erakundeek "desberdintasunei muga jartzeko" konpromisoa dutela gehitu du. Gizarte gisa, guztion artean korronte xenofoboen aurrean euste-horma bat eraiki behar dugu, pertsona guztiak aukera-berdintasunean bizi ahal izateko testuinguru bat sortuz, generoa, sexu-orientazioa, jatorria eta sinesmenak kontuan hartu gabe", azpimarratu du.
Zure interesekoa izan daiteke
AEK-k Korrikatik kanpo utzi du CCOO sindikatua, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, "Erroldarik gabe ez naiz existitzen" lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.
Espainiako Estatuko herritarren % 79k uste dute "posible" dela etorkizunean gerra batean arma nuklearrak erabiltzea
CISen inkesta baten arabera, herritarrak gehien kezkatzen dituen beste beldur batzuk dira gertuko senide bat galtzea, osasuna galtzea, itsu geratzea eta minbizia hartzea.