Asier Niebla hiltzeagatik zigortutakoak helegitea aurkeztu du EAEko Auzitegi Nagusian
Asier Niebla urnietarra hiltzeagatik zigortutako gizasemearen defentsak helegitea aurkeztu du EAEko Auzitegi Nagusian epaiaren kontra. Gipuzkoako Lurralde Auzitegiak 12 urte eta 11 hilabeteko kartzela zigorra ezarri zion dolozko homizidio delitua eta genero astungarria egotzita.
Biktima, Asier Niebla (28 urte), 2018ko urriaren 11n hil zen, bi hilabetez Donostiako Ospitalean koma egoeran egon ostean. 2018ko abuztuaren 12an ospitaleratu zuten, buruan kolpe handi bat zuela.
Gertakaria egun hartako 05:00ak aldera izan zen, Donostiako Aste Nagusiko jaietako lehen egunean. Niebla neska batekin hizketan ari zela, Parte Zaharreko Perujuantxo kaleko taberna baten kanpoaldean, neskaren bikotekide ohiak jo eta lurrera bota zuen.
Aurkeztutako helegitean defentsak argudiatu duenez, gertakariak hobeto egokitzen dira zuhurtziagabekeriazko homizidio delituari. Horrez gain, genero larrigarria baztertu du, horrek "ezinbestean emakume baten kontrako kalte edo min fisiko, sexual, psikologiko edo ekonomikoak egotea dakarrelako".
Era berean, hainbat aringarri kontuan hartzea eskatu du zigortutakoaren abokatuak: droga eta alkoholaren eraginpean egotea, haserrealdi betean egotea, bere borondatez aurkeztu izana, egindako kaltea erreparatu izana eta prozesuan justifikaziorik gabeko atzerapenak egotea.
Dolozko homizidioari buruz, defentsak dio "agerikoa" dela zigortutakoak ezin zuela "imajinatu ere" egin "ukabilkada bat emateak —kale egin zuen, gainera— Asierren heriotza eragingo zuenik", ezta "buruan egindako edozein eraso homizidio saiakera izango litzatekeela, eta erasotzailea kartzelan buka zezakeela" ere.
Helegitean, Urnietako Udalak prozesuan izandako jarrera kritikatu du defentsak. Horren ustez, herri akusazioak jarrera "ausartegia, partziala eta axolagabea" eduki zuen epaiketan, eta "hilketa delituari eutsita, auzitegiko medikuen lan bikaina hutsaldu zuen", betiere defentsako abokatuaren ustez.
Zure interesekoa izan daiteke
Asier Iragorri, Basauriko alkatea: "Gaur egun ere entzuten dira indarkeria matxista existitzen ez dela dioten diskurtsoak"
Basauriko alkateak "irmo" gaitzetsi du udalerrian gertatutako hilketa matxista, eta deitoratu du oraindik ere herritarren artean diskurtsoak entzuten ari direla indarkeria matxista "ez dela existitzen" edo arazoari garrantzia kentzen diotela esanez. Horregatik, uste du arlo guztietatik lan egin behar dela gaiari heldu ahal izateko.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen. EITBk galdetutako ikerketaren iturrien arabera, axilotuak askotan urratzen zuen urruntze agindu bat zegoen.
Basauriko talde feministek elkarretaratzea deitu dute gaur arratsalderako
Hilketa matxista honen aurrean kalera irteteko eta gaitzespena adierazteko eskatu diete Basauriko Asanblada Feministak eta Emakumeok Bat Koordinadorak herritarrei, "terrorismo matxistaren aurrean" mobilizazio soziala funtsezko tresna dela ziurtatuta.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.