Gizon bat hil da Aloña mendian, maldan behera erorita
42 urteko gizon bat hil da larunbat honetan Aloña mendian, Oñatin (Gipuzkoa), Segurtasun Sailak eta Aldundiko suhiltzaileek jakitera eman dutenez. Hildakoa Garikoitz Baños Movistar Team txirrindularitza talde profesionaleko masajista da.
Iturrien arabera, istripua 14:00ak aldera gertatu da. Gizona maldan behera erori da.
Bikotekidearekin ibilbide bat egiten ari zen biktima, ezbeharra izan duenean. Emakumeak berak eman du abisua.
Larrialdi zerbitzuak, suhiltzaileak eta Ertzaintzako mendi erreskate taldea bertaratu dira, gorpua erreskatatzeko.
"Garikoitz Baños Gary gure masajistaren heriotza baieztatzen dugu atsekabe handiz", azaldu du Movistar Team txirrindularitza taldeak ohar batean. Oñatiarra 2021an hasi zen Movistar Team taldean, Contentpolis eta Caja Rural taldeetatik pasa ondoren.
"Abarca Sportseko taldekide guztien artean oso maitatua eta errespetatua zen, bereziki emakumezkoen taldean, izan ere, 2018an sortu zenetik funtsezkoa izan da", erantsi du txirrindularitza taldeak.
"Gary-ren inplikazio izugarriak, umoreak eta begikotasunak, eta txirrindularitzarenganako eta txirrindularienganako maitasunak itzala utzi du gure taldean, arlo profesionalean zein, batez ere, pertsonalean", azpimarratu du.
Azkenik, "Gary-ren taldekide guztiek Idoia haren bikotekideari, familiari eta lagunei babesa adierazi nahi diegu une zail hauetan", adierazi du taldeak.
Zure interesekoa izan daiteke
Ramadanaren amaiera jendetsua Euskal Herrian
Ehunka musulman bildu dira Gasteizen eta Zumarragan islamaren hilabeterik sakratuenari agurra emateko. Otsailaren 17tik martxoaren 19ra bitartean, musulmanek erabateko abstinentzia egin dute egunez. Argia egon den orduetan zehar, ez dute jan, ez dute edan (ezta urik ere), ez dute erre eta, besteak beste, ez dute sexu-harremanik izan.
Athleticeko presidenteak jazarpena eta mehatxuak salatu ditu
Jon Uriartek Ertzaintzaren aurrean salatu duenez, futbolarekin lotutako gazte erradikalak bere etxeko atarian sartu dira eta mezu iraingarriak utzi dizkiote.
Luzaiden dantzan, Korrikaren lekukoa eskuan!
Arnegitik Luzaiderako bidean, Luzaideko Bolantak taldeak dantzan hartu du Korrikaren lekukoa. 126. kilometroan izan da, 04:00ak aldera. Azken urteotako tradizioari eutsiz, dantzan jarri dira lekukoa hartu dutenean.
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.