Durangok trenbideko lursailen proiektua gelditzea erabaki du galdeketa ez loteslean
6.680 durangar (% 94,4) 'Peri 1 Trenbidea' proiektua gelditzearen eta irtenbide bideragarri baten azterketa abian jartzearen alde agertu dira herri galdeketa ez loteslean. 372 hauteslek (% 5,3), ostera, kontrako botoa eman dute, eta 24 boz baliogabe (% 0,3) utzi dituzte. Hala ere, parte-hartze txikia izan da; izan ere, erroldaren % 28,57k soilik bozkatu du.
Trenbidea lurperatu ondoren libre geratu diren lursailen etorkizunaren inguruan erabakitzeko herri galdeketako parte-hartzea % 23,41ekoa izan da 18:00etara arte. 14:00etara arte parte-hartzea % 14,25ekoa izan da.
Bozketa mahaiak 20:00etan itxi dituzte Landako pabiloian. "Egun historikoan" parte hartu duten herritar guztiei eskerrak eman dizkie Udalak.
Ima Garrastatxu (EH Bildu) alkateak bozketaren emaitza betetzeko konpromisoa hartu du.
Garrastatxuk ostegunean ziurtatu zuenez, EH Bilduk eta Herriaren Eskubidea plataformak osatzen duten udal Gobernuak galdeketaren emaitza beteko du, nahiz eta legez loteslea ez izan.
Durangoko 18 urtetik gorako ia 24.700 biztanlek parte hartzeko aukera dute. Ministroen Kontseiluak galdeketa egiteko baimena eman zuen ekainaren 23an.
17 bozketa mahai Landakon
Udalak 17 bozketa mahai prestatu ditu Landako pabiloian. Hirigintza proiektuarekin ados dauden ala ez erantzun behar dute herritarrek. Beste aukera bideragarri bat adosteko, prozesu parte-hartzaile bat martxan jartzeko aukera dago mahai gainean.
EH Bilduk eta Herriaren Eskubideak galdeketan “baiezko” erantzuna eskatu dute, Udaletik at antolatutako ekimenetan. Ondorioz, hirigintza egitasmoa atzera botatzearen alde agertu dira. 18 solairuko bost etxebizitza eraikin egitea aurreikusi du proiektuak.
Bestalde, EAJ abstentzioaren alde azaldu da, eta Durangoko PSE-EEk “iruzurra” dela uste du.
Jendetzarik handiena bildu daitekeen ordu tarteak saihesteko gomendioa eman die udal Gobernuak 75 urtetik gorako herritarrei.
Igande osoan zehar Udalak doako mikrobus zerbitzua eskaini du, boto-emaileak Landakora hurbiltzeko.
50 bat boluntario eta Udaleko sei behargin lanean izan dira igandean, herri galdeketaren antolaketan.
Zure interesekoa izan daiteke
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.
Espainiako Estatuko herritarren % 79k uste dute "posible" dela etorkizunean gerra batean arma nuklearrak erabiltzea
CISen inkesta baten arabera, herritarrak gehien kezkatzen dituen beste beldur batzuk dira gertuko senide bat galtzea, osasuna galtzea, itsu geratzea eta minbizia hartzea.