Urkullu, txertaketa global eta solidarioari laguntzeko prest
Iñigo Urkullu lehendakaria Jose Manuel Barroso Covax mekanismoko presidenteari zuzendu zaio, idatziz, Eusko Jaurlaritzak covid-19aren kontrako txertaketa global eta solidarioa lortzen laguntzeko prest dagoela adierazteko, eta hala jasota gera dadin.
Txertoetarako GAVI patronatuak (Munduko Osasun Erakundeak sustatutakoa) sortu du Covax mekanismoa. Horren xedea da koronabirusaren kontrako txertoa herrialde txiroenetara eta ahulenetara heltzea.
Europako Batzordeko presidente ohiari bidalitako gutunean, Urkulluk esan du txertaketa globalaren garrantziaz jabetzeko "elkartasun eta gizatasun printzipioak nahikoak ez balira, 'berekoiagoak'" diren printzipioak ere izan litezkeela. Hildo horretan, "pandemia, edo mundu osoan gainditzen da, edo ez da gainditzen". Herrialde bakoitzaren segurtasuna, ekonomia eta osasun publikoa ez dira salbu egongo immunitatea kontinente eta herrialde guztietara iristsi ezean".
Idatziz zuzendu zaio Urkullu Barrosori astelehen honetan, eta argi utzi nahi izan dio Eusko Jaurlaritzak "inplikazio aktiboa" duela txertaketa planetako biztanle guztiengana iristeko helburuan, eta txertoa, batez ere, herrialde txiroenen artean eta, beren osasun-sistemen ikuspuntutik, ahulenak direnen artean banatuko dela.
"Urtebeteko konpromiso solidarioa"
Lehendakariak jakinarazi dio duela gutxi Jaurlaritzak, lehenik, eta Legebiltzarrak, ondoren, babes publikoa eta irmoa eman diotela estrategia horri. Urkulluren iritziz, "helburu hori nazioartean partekatu beharko litzateke, modu multilateralean eta elkartasun eta gizatasun printzipioekiko konpromisoagatik".
Lehendakariak otsailaren 27an babestu zuen OMEko zuzendariak eta Europako Kontseiluko kideek otsailaren 25ean egindako adierazpena.
"Pandemiaren urte honetan, Euskadik konpromiso solidarioa duela erakutsi du, eta baliabideak eskaini dizkie beste autonomia erkidego batzuei, Peruri, esaterako. Orain, pandemia global baten aurkako borrokan, osasunaren aldeko lankidetza aldeanitza indartu nahi du, txertaketa global eta solidario baten bidez ", adierazi du astearte honetako Gobernu Kontseiluak onartutako oharrean.
Horretarako, Eusko Jaurlaritzak bi konpromiso hartzen ditu bere gain. Lehenik eta behin, Covaxen nazioarteko ahaleginak babestea; eta, bigarrenik, txertoak baliabide gutxien dituzten herrialdeetara iristen laguntzea, zuzenean eta horretarako behar diren bideak erabiliz.
Amaitzeko, Iñigo Urkulluk bere idatzian Barroso presidenteari bere Exekutiboak "ekarpen ekonomiko bat" egiteko duen "borondatea eta erabateko aurrejarrera" adierazi dio, datozen asteetan zehaztuko dena.
Ildo horretan, Barrosori eskatu dio "bide argi" bat jartzeko bai Jaurlaritzak baita espainiar Estatukoak ez diren beste Gobernu batzuek "txertaketa global eta solidario bat lortzeko ekarpena egin dezaten".
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.