Donostialdeko Metroaren gainkostua gizarte arloan inbertitzeko eskatu du EH Bilduk
Donostiako EH Bilduren taldeko bozeramaile Reyes Carrerek "erantzukizuna" eskatu dio Eusko Jaurlaritzari Metro Donostialdearen beharraz "hausnartzeko", eta lan horietarako aurrekontua eremu sozialean inbertitzeko galdegin du.
Dozenaka pertsonak EH Bilduk deitutako elkarretaratze batean hartu dute parte, Donostiako Kontxako Pasealekuan, Metro Donostialdearen lanak gelditzeko eskatzeko, "Erokeria gelditu" eta "Ez handitu zuloa" lelopean.
Carrerek esan duenez, Mirakontxa-Easo zatiaren lizitazio berriak, Zubieta kalean agertutako bi zuloen ostean, milioi askoko "gainkostua" sortuko du, "herritarrek ordaindu beharko dutena", "beharrezkoa ez den lan faraoniko batengatik, eta, gainera, lanen bukaera 2025era arte atzeratuko du, printzipioz".
Eusko Jaurlaritzaren kudeaketa "negargarriak eta arduragabeak ondorio garrantzitsuak eta larriak ekarriko dizkie donostiarrei", esan du.
Carrerek esan duenez, honakoa "Donostia osoak, eta ez zati batek bakarrik", behar duen mugikortasun eredua zein den ikusteko "momentu egokia izan daiteke", baita ikertzeko "non inbertitu daitezkeen gainkostuko milioiak".
EH Bilduren ustez, gainkostua "beste modu batez" kudeatu daitezke, "gaur egungo egoeran behar sozial asko daude eta".
Horregatik, Eusko Jaurlaritzari eskatu dio "hausnartzeko eta buelta bat emateko" mugikortasun beharrei, eta esan du dirua beste eremuetan inbertitzeko "aukera" dagoela.
"Gainkostua ezin da oinarritu lur azpian ura eta harea agertu dela esanez", esan du Carrerek. Bere ustez, hori esatea "adarjotze" bat da donostiarrentzat.
Bestalde, Satorralaia mugimenduak sinadura bilketa bat hasi du Eusko Jaurlaritzak "inposatutako" proiektua gelditzeko eskatzeko.
Zure interesekoa izan daiteke
BiomaGUNEk ohartarazi du aspartamoa "kaltegarria" izan daitekeela bihotzerako eta garunerako
Aspartamoa pisua galtzen lagun dezakeen edulkoratzaile artifiziala da, baina azukrea baino 200 aldiz gozoagoa da.
Hego Euskal Herrian premiazko txertaketa baimendu dezala eskatu dio Espainiako Gobernuak Europar Batzordeari, dermatosi nodularrari aurre egiteko
Frantziako estatuarekiko mugatik hurbil dauden eskualdeetan txertatu nahi ditu Espainiako Gobernuak abelburu guztiak, hau da, Euskadin, Nafarroan eta Aragoin. Izan ere, azken orduetan foku gehiago agertu dira Frantziako Estatuan, mugatik hurbil, gainera. Neurri horren helburua da gaixotasunaren hedapena eten eta gainerako erkidegoetara ez iristea.
Osakidetzak markak hautsi ditu: 34 transplante egin dituzte azaroan Gurutzetako Ospitalean
Zentroak 25 giltzurrun-transplante eta 9 gibel-transplante egin ditu hilabetean, eta arlo horretan Estatuan eta nazioartean duen lidergoa sendotu du.
Esquadra Mossoek eta Guardia Zibilak IRTA-CReSA laborategiaren egoitza miatu dute, txerri-izurri afrikarra dela eta
Zero gunetik gertu dagoen eraikinean sartu dira gaur goizean, epailearen aginduz. Inguru hori susmopean dago, txerri-izurri afrikarra zabaltzea eragin omen zuen ihesaldi bat ikertzeko.
Mancisidor hautatu dute ararteko, EAJ, PSE-EE eta PPren babesarekin, eta EH Bilduren oposizioarekin
Haren aurrekoak, Manuel Lezertuak, ekainaren 19an formalizatu zuen karguari uko egin ziola, eta, harrezkero, Ines Ibañez de Maeztu izan da jarduneko arartekoa.
Hiru pertsona zauritu dira BI-637 errepidean, Erandion, hiru ibilgailuk eta autobus batek izandako istripuan
Ezbeharra 07:50 aldera gertatu da, eta ezkerreko eta erdiko erreiak itxi behar izan dituzte. Ondorioz, hiru kilometroko auto-ilarak sortu dira.
Bizkaibusen Mugi txartela erabilita ibili ahal izango da aurrerantzean
Horrela, hiru lurraldeetako edozein garraio-txartel (Bat, Barik eta Mugi) erabilita, erabiltzaileek Bizkaibusean ibiltzeko aukera izango dute, ordainketa-sistema integratu eta homogeneo baten bidez.
Albiste izango dira: EITB Maratoia, Talgo Euskadira itzuli da eta 2026rako aurreikuspen ekonomikoa
Gaurkoan Orain-en albiste izango direnen laburpena, bi hitzetan.
Baserritar jantziak, maileguan: “Sarerik ez duten familiak etortzen dira gehienbat”
Orioko Herri Ikastolan baserritar jantziak maileguan uzteko egitasmoa antolatu dute, bigarren urtez jarraian, "piztu eta eragin" ekimenaren baitan. Arropak berrabiltzea du helburu, baita herrian sarerik ez duten familiei laguntzea ere. Abarkak, gonak, zapiak, artilezko galtzerdiak... Denetarik bildu dute, eta egunotan familiak hurbilduko dira behar duten hori jasotzera.
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.