Estatuko covid-19 intzidentzia datu okerrenetarikoak dituzte EAEk eta Nafarroak
Covid-19an 56.118 kutsatze berri izan dira apirilaren 1etik, Aste Santua hasi zenetik, Espainiako Estatuan, eta 14 eguneko intzidentzia metatua 27,3 puntu igo da epe horretan. Hala, Espainiako Osasun Ministerioak ostiral honetan emandako datuen arabera, 100.000 biztanleko 182 kasukoa zen batezbesteko intzidentzia atzo. Euskal Autonomia Erkidegoak eta Nafarroak nabarmen gainditzen dute adierazle hori.
Intzidentzia metatua 394,5koa da Nafarroan, Estatu osoko hirugarren altuena. Datu horien arabera, Ceuta (465) eta Melilla (494) daude aurretik, eta Madril (324,3) zein Euskal Autonomia Erkidegoa (295,3) atzetik. Hala ere, Eusko Jaurlaritzaren Osasun Sailaren eguneroko buletinean 371,96 intzidentzia metatua erakusten zuen atzo EAEn, eta, beraz, datua are okerragoa izango litzateke iturri hori kontuan hartuta.
Beste muturrean, egoera hoberenean, Valentziako Erkidegoa legoke, 34,9 kasurekin, "normaltasun berrirako" ezarrita dauden 50 kasu baino gutxiagorekin. 50 eta 150 artean daude, berriz, Balear Uharteak, Kanariak, Kantabria, Gaztela-Mantxa, Extremadura, Murtzia eta Galizia.
Ospitaleetako datuei dagokienez, 2.050 gaixo zeuden ostiral honetan Estatuko zaintza intentsiboetako unitateetan.
Ospitaleetako okupazioa % 7,4koa da, batez beste, Estatuan, eta ZIUetako okupazioa % 20,4koa. Euskal Autonomia Erkidegoa % 23koa da ZIUetako okupazioa, eta Nafarroa % 22,6koa, "arrisku ertaineko" egoeran daude beraz. "Muturreko arriskuan" (ZIUak % 25etik gora covid gaixoz okupatuta) hiru lurralde daude: Katalunia ( % 39,6), Madril ( % 39,2) eta Errioxa ( % 37,7).
Guztira, 76.328 pertsona hil dira pandemia hasi zenetik.
Albiste gehiago gizartea
Dolu eguna Erriberagoitian, Vilorian gizon bat indarkeriaz hil eta gero
Udalak elkarretaratzea deitu du gaurko, 20:00etan, hilketa gaitzesteko; Ertzaintzak ikerketa zabalik du.
Lagako hondartza hustu dute, uretatik atera duten 25 urteko emakume bat helikopteroz ospitalera eramateko
Gertakaria 19:00ak aldera izan da, Lagako hondartzako sorosleek uretan arazoak zituen 25 urteko gazte bat ikusi dutenean. Erreskatatu ostean, bihotz-biriketako bizkortze-maniobrak egin dizkiote. Bertaratutako osasun-langileek suspertze-maniobrekin jarraitu dute, ospitalera eramateko helikoptero bat iritsi den bitartean.
Zarrakazteluko sutea inguratzeko lanean jarraitzen dute suhiltzaileek
Larunbat gauean Nafarroako Zarrakaztelu herriko baso-paraje batean piztutako sutea ez dago oraindik inguraturik. Suhiltzaileek lurretik eta airetik lanean jarraitzen dute gauean aireko baliabideak alde egin aurretik.
Bi pertsona atxilotu dituzte Getxon gizon bat sastatzeagatik
Erasoa gaur arratsaldean gertatu da, 14:20 aldera, Getxoko Algorta auzoan.
Iruñeko mendizale bat hil da Russell tontorrean, Aragoiko Pirinioetan
26 urteko gaztea Posets-Maladeta Parke Nazionalean aurkitu zuen GREIMek, lur malkartsuan erori ondoren.
Bero handiak ez ditu kikildu ehunka pirata Donostian
17:00etan 225 ontzitan zihoazen 1000 pirata inguru Donostiako portutik abiatu dira Kontxako hondartzara bidean. Beroa gorabehera, giro ona nagusitu da zeharkaldian zehar.
Hiru gizon atxilotu dituzte Gasteizen: bat genero-indarkeriagatik, beste bat sexu-erasoagatik, eta hirugarrena exhibizionismoagatik
Gertakari bat ostiralean izan zen eta beste biak larunbatean. Genero-indarkeria kasua eta Sexu-erasoa Arabako hiriburuan gertatu ziren. Bestalde, Gasteizko Udaltzaingoak 66 urteko gizonezko bat atxilotu zuen adingabeei genitalak erakusteagatik.
Getxoko Udalak azpimarratu du lan egin beharko dela sokamuturraren etorkizunari buruz ados jartzeko
'Sokamuturra Ez!' plataformak elkarretaratzea egin du jardueraren ordu berean, Algortako Portu Zaharrean, Getxoko jaietan animaliak erabiltzeari utz diezaioten eskatzeko.
Zarrakazteluko sutea "giza ekintza batek" eragin zuela baieztatu dute
Amparo Lopez Nafarroako Gobernuaren bozeramaile eta Barne, Funtzio Publiko eta Justiziako kontseilariak adierazi duenez, larunbat gauean Zarrakaztelun piztutako sutea nola sortu zen "ikertzen" ari dira, eta "Poliziaren lana errespetatu" behar dela esan du. "Badakigu giza ekintza batek eragin" zuela sua. Halaber, "nekazaritza eta basogintzako edozein jarduera" egitea debekatu dute.
Kezka nagusi Zarrakaztelun, arratsaldean ekaitz lehorrak botako dituelako sutearen inguruan
Jon Diez de Eure Nafarroako suhiltzaileen sarjentuak EITBri azaldu dionez, Zarrakaztelun piztutako sutea "ezin da kontrolatutzat jo".