Athleticen finalaren atarian arduraz jokatzeko eskatu du Segurtasun Sailak
Eusko Jaurlaritzak kontzientziazio-kanpaina bat jarri du abian, herritarrak "ardutsu" jokatzeko eta osasun-araudiak bete ditzaten eskatzeko, Athleticek larunbat honetan Sevillan Bartzelonaren aurka jokatuko duen Errege Kopako finala dela eta.
Eusko Jaurlaritzako Segurtasun sailburu Josu Erkorekak azaldu du helburua dela herritarrei "arduratsu" jokatzeko beharra dagoela esatea eta pandemiari aurre egiteko osasun neurriak errespetatzea "pertsona ororen betebeharra" dela gogoraraztea.
Kontzientziazio-kanpainaz gainera, Segurtasun Sailak segurtasun-dispositibo berezi bat iragarri du, eta neurri bereziak ezarriko ditu taldea Sevillara abiatzen denerako, ez daitezen errepika apirilaren 1ean gertatu ziren pilaketak. Orduan ez bezala, Athletic taldeak ez du bidai-plana iragarri, hain zuzen ere jendea ez dadin irteera horretara joan.
Hala, Ertzaintzak eta Udaltzaingoek filtroak ezarriko dituzte eta errepideak itxi; gainera, sarbide batzuetan kontrolak ere jarriko ditu jende asko elkartzea eragozteko. Bizkaiko Trafikoko Lurralde Unitateak lagunduko dio taldeari aireporturaino, auto edo motor ilararik sor ez dadin.
Segurtasun Sailak dei egin die zaleei ez gerturatzeko Athleticen Lezamako instalazioetara, ezta Aireportura ere. Era berean, dei egin dute osasun-araudiak errespetatzeko, eta esku-hartze zorrotzak iragarri dituzte arau-hausteak egiten dituztenentzat. Gogorarazi du, gainera, kontuan izan behar dela udalerri batzuk, Bilbo bera besteak beste, itxita daudela perimetralki.
Asier Erkoreka Euskadiko Udaltzaingoko Buruen Elkarteko (EUBE-AJEPLE) presidenteak gaur goizean Radio Euskadiko Boulevarden esan duenez, Udaltzaingoa "atsekabetuta" dago aurreko finalaren atarian agertutako arduragabekeria indibidualagatik, eta azpimarratu du dispositiboak "ondo ateratzen" direla "herritarrak egoeraren jabe direnean".
Josu Bujanda Ertzaintzako burua Egun On Euskadi programan elkarrizketatu dute eta adierazi du, Ertzaintzak egin dezakeenaz aparte, garrantzitsuena "herritarrek egin dezaketena" dela, eta arduraz jokatzeko deia egin du. Gaurtik izango da Ertzaintza Lezaman jende pilaketak saihesteko zereginean. Gaineratu duenez, Bilbon oinezko patrullak ohi baino ugariagoak izango dira partida egunean, pilaketak saihestu eta jendeak osasun neurriak betetzen dituela ziurtatzeko, baina ez da kale-mozketarik aurreikusten.
CONTENIDO NO ENCONTRADO
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.