Bildarratzen ustez gazteak txertatzea "jauzia" litzateke hezkuntza arloarentzat
Jokin Bildarratz Eusko Jaurlaritzako Hezkuntza sailburuak adierazi duenez, 12 eta 16 urte bitarteko ikasleei covid-19aren aurkako txertoa jartzeak hezkuntza prozesuarentzako "jauzia" ekarriko luke.
Horrela mintzatu da Bildarratz Carolina Darias Espainiako Osasun ministroak Hezkuntza Sektorialaren bilera egin ostean atzo egindako iragarpenaren harira; izan ere, ikasturtea hasi aurretik 12 eta 16 urte bitarteko gazteei txertoa jartzeko aukera aztertzen ari direla iragarri zuten atzi, Lurraldearteko Osasun Kontseiluak hala erabakitzen badu, Sendagaien Europako Agentziak erabakitzen duenaren zain.
Ikasleak txertaketa-estrategian sartzeak maskarak eraman behar izatea, distantziak mantentzea edo burbuila multzoak mantentzea bezalako neurriak lasaitzeari atea irekiko liokeela adierazi du sailburuak, baina "aurrerago" izango litzateke, sailburuak zehaztu duenez, gai honetan "tentuz eta zuhurtziaz" jardun behar baita.
Sailburuak berretsi duenez, Hezkuntza Saila lanean ari da Osasun Sailarekin eta ikastetxeekin datorren ikasturtean aurrez aurreko eskolak mantendu ahal izateko behar diren neurri guztiak jartzeko, oraingo ikasturtean gertatu den bezala.
Hezkuntza Saila, bestetik, datorren ikasturterako jardunaldi zatitua ezartzeko lanean dihardu, pedagogiaren eta kohesio sozialaren ikuspuntutik "ikasleen beharrak askoz hobeto osatzen dituelako", Bildarratzen esanetan.
Halaber, adierazi du "60.000 ordenagailu" erosiko direla Lehen Hezkuntzako bosgarren mailatik Batxilergoko bigarren mailara bitarteko ikasle guztiek gailu horietako bat izan dezaten, "baita irakasleek ere".
Bildarratzek Espainiako Hezkuntza Ministerioak atzo egindako proposamenak ontzat eman ditu, eta azpimarratu du autonomia bakoitzari dagokiola egoeraren araberako neurriak hartzea, erkidegoen errealitateak desberdinak direlako eta ikasturtea antolatzea autonomia erkidegoen eskumena delako.
Zure interesekoa izan daiteke
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Ia 28.000 korrikalarik hartuko dute parte eta milaka izango dira ikustera hurbiltzen direnak ere. Donostiako Udalak garraio publikoa erabiltzeko gomendatu du. 09:45etik aurrera, ETB1en eta eitb.eus-en jarraitu ahal izango da zuzenean.
"Irabazi arte", "Generación Click" eta "Los Williams" saioek Telebista Akademiaren Iris sarietako izendapena jaso dute
Sariak banatzeko ekitaldia 2026ko otsailaren 16an egingo dute, Madrilen, Teatro Real antzokian.
"Palestinarekin bat, konpromiso bat" ekimena aurkeztu dute, Gernika-Palestina sareak deituta
Gernika-Palestina herri ekimenak euskal gizartearen konpromisoa eskatu du larunbat honetan, "Palestina babesteko eta elkartasun aktiboan urratsak emateko", bai arlo ekonomikoan, bai arlo humanitarioan. Hainbat "eragile politiko eta sozialen" babesarekin eman du konpromisoaren berri, Donostian egindako prentsaurreko batean, eta Israelekin harremanak haustea eta "nazioarteko zuzenbidea errespetatzea eta aplikatzea" eskatu du.
Xabier Agote (Albaola): "Euskaldunek mundu mailan puntako itsas teknologia garatu zuten duela 500 urte"
EITBk Albaolako presidentearekin hitz egiteko aukera izan du San Juan baleontzia uretaratu eta biharamunean. Pozik eta hunkituta agertu da, baina aurretik lan handia dutela esan du; izan ere, belak eta mastak egin behar dituzte oraindik. Astelehenetik aurrera, lanean jarraituko dute, ontzia ekipatu eta udaberrian berriz ikusgai jartzeko.
Hodi baten hausturak ur-hornidura arazoak eragin ditu Ezkerraldean
Matxura konpondu dute jada, baina txorrotak ireki eta urari isurtzen uzteko gomendatu dute, oraindik zikin egon daitekeelako.