Santi Coca berez hil zela baztertu du adituen txosten berri batek
Gipuzkoako Fiskaltzak eskatutako adituen txosten berri baten arabera, Santi Coca Donostian jipoitutako 17 urteko mutilaren heriotzak "jatorri traumatikoa" izan zuen, hots, giza hilketarekin bateragarria.
Santi Coca ospitalean zendu zen bi egun koma egoeran egon ostean. Adingabea borroka baten nahastu zen 2019ko apirilaren 26an, Donostiako diskoteka baten ondoan. Zazpi gazte atxilotu eta sei espetxeratu zituzten auziagatik, iaztik horietako bost libre dauden arren.
Bizkaiko Auzitegiko Patologiako Zerbitzuak egin du txosten berria, eta EFEk bertan irakurri ahal izan duenez, horrek baztertu du, "arrazoizko zalantza oro gaindituz", gazteari heriotza eragin zion odoljarioa "berezkoa" izan izana, eta aukera hori "nekez" gertatu zitekeela iritzi dio. Hori horrela, "jatorri traumatikoa" lehenetsi du.
Izan ere, ministerio publikoak beste txosten bat eskatu zuen Cocaren heriotza eragin zuen garuneko odoljario subaraknoideoaren inguruan zeuden "ondorio ezberdinen" aurrean. Zehazki, txoten histopatologikoak ebatzi zuen odoljarioa "jatorri traumatiko batekin bateragarria" zela, baina autopsiak "berezko zein jatorri traumatikoa", biak, "posible" zirela ondorioztatu zuen.
Bizkaiko Auzitegiko Patologiako Zerbitzuak nabarmendu du kasu horrek jatorri traumatikoko odoljario baten "irizpide" guztiak betetzen dituela: "aurpegian edo lepoan traumatismo arin edo ertain bat jaso izana, heriotza edo koma egoera berehala edo ia berehala gertatu izana, beste arrazoirik egotea eta alkohol intoxikazioa egon izana".
Era berean, azpimarratu du hildakoak zituen lesioak "gertakarien kontakizunarekin bateragarriak" zirela.
Agentziak aipatutako iturri judizialen arabera, auziaren instrukzioa amaituta dago, eta laster has daiteke epaiketa. Hori baino lehen, dena den, aldeek euren kalifikazioak aurkeztu beharko dituzte eta Auzitegiak erantzun beharko die defentsek aurkeztutako helegiteei.
Albiste gehiago gizartea
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.