Arabak euskarari bideak zabaldu dizkio, Laudion
Laudio Ikastolaren 50. urteurrenaren atarian, Araba Euskaraz jaialdia herrian bertan ospatu dute, "Zabal bideak" lelopean. Pandemia tarteko, eguneko ekintzetan parte hartu nahi izan dutenek hitzordua hartu behar izan dute.
10:00etan, irekiera ekitaldiko diskurtsoarekin hasi dute eguna Araba Euskarazen antolatzaileek, herriko plazan, erakundeetako ordezkarien eta gizarte eragileen babespean. Bertan, Aiora Murga Laudio Ikastolako bozeramaileak azaldu du, momentu latzetan ere, "gure kultura bizirik mantentzeko indarra eta kemena" erakutsi dutela.
Ildo beretik, Jokin Bildarratz Hezkuntza sailburuak ikastolaren ibilbidea goratu du, duela 50 urte landatutako "zuhaizka txiki bat" enbor mardul bilakatu dela azalduz. Hala, sailburua eskertuta agertu da hezkuntza komunitatearekin, ikasturtea behar bezala amaitzeko erakutsi duten ardura eta esfortzua goraipatuz.
Ramiro Gonzalezek, Arabako ahaldun nagusiak, familiek eta ikastolek lurraldean euskara bultzatzeko egin duten lana azpimarratu du. "Familiak ikastolen habeak, zutabeak eta hezurdura" izan direla gogorarazi du Gonzalezek, inaugurazio ekitaldian.
Haurrentzako tailerrez, musika emanaldiez, kirol ekitaldiez eta beste hainbat ikuskizunez gozatzeko parada izan dute gaur Laudiora gerturatu diren euskaltzaleek. Ekintzok antolakuntzak bereizitako hiru guneetan egin dituzte; Euskararen Plazan, Euskararen Basoan eta Azoka Gunean, hain zuzen ere.
Aurtengo edizioaren aurkezpenean Jon Bengoetxea Laudio Ikastolako zuzendariak azaldu duenez, Araba Euskarazen bueltan bildutako dirua "ikastolak, Hezkuntza eta komunitate euskalduna biziberritzeko" erabiliko dute. Hala, Bengoetxeak berak berretsi zuenez, Aiaraldeak "euskarari, parte hartzeari, euskal kulturari eta eraldaketa pedagogikoari" zabaldu nahi dizkio bideak.
Albiste gehiago gizartea
Polemika, Nafarroako Unibertsitatearen campusa zeharkatzen duen errepidean izandako aldaketengatik
Azpilagañatik Arostegi etorbiderantz, norabide bakarrean eta 30 km/h-ko abiaduran bideratuko da trafikoa. Zizur Nagusiko alkateak elkarrizketarik eza kritikatu du, eta noranzko bakar horrek ehunka pertsonari eragingo dizkien mugikortasun-zailtasunez ohartarazi du.
116.123 ikaslerekin hasi da ikasturtea Nafarroan; % 67,8, sare publikoan
Ikasturte honetan eskolara hasiko diren 3 urteko haurren % 30 B eta D ereduetan hasiko dira.
Gernika-Palestinak oso positibotzat jo ditu Vueltako mobilizazioak eta ostiraleko protestetan parte hartzeko deia egin du
Bihar, irailak 5, 130 udaletxeren baino gehiagoren aurrean egingo dituzte protestak, aipatu ekimenak deituta. Hamaikagarren etapa "Palestinak" irabazi zuela defendatu dute Gernika-Palestina plataformaren ordezkariek.
Oscar Guerrero, Israel-Premier Techen zuzendaria: "Ez dugu borondatez Vuelta utziko"
Israelgo taldearen zuzendariak esan du bazekiela Euskal Herrian ibiltzea "gogorra" izango zela, eta gaineratu du kirol zuzendari gisa bere ibilbideko egunik txarrenak ari direla izaten.
Laredotik atera da Vueltako 12. etapa, Israelen aurkako protesta artean
300 pertsona inguru bildu dira bertan Israel-Premier Tech taldea txirrindulari probatik kanporatu dezaten aldarrikatzeko. Palestinako bandera ugari eta hildakoen argazkiak izan dira ikusgai, eta hainbat aldarri bota dituzte, "Israel, genozida" eta "Stop genozidioa", besteak beste.
11 hildako izan dira EAEko errepideetan uda honetan, 2024an baino hiru gehiago
Trafikoko udako operazioetan, hamaika pertsona hil dira Euskadin ekaina eta abuztua bitartean, iazko udan baino hiru gehiago. Halere, istripu eta zauritu larri eta arinen kopuruak behera egin du.
Radio Vitoriak argi eta soinuzko ikuskizun handia prestatu du 90. urteurrena ospatzeko, eta zuzenean jarraitu ahal izango da GUAUn
'Batzen gaituen ahotsa' izeneko ikuskizunak azken 90 urteetako gertaera garrantzitsuenen errepaso bisuala egingo du, irratiaren soinuaren bidez, dantza eta musika emanaldiak bilduko dituen taularatzea eginda. Gonbidatu izango dituzte, besteak beste, Ramiro Gonzalez Arabako ahaldun nagusia, Maider Etxebarria Gasteizko alkatea eta Andoni Aldekoa EITBren zuzendari nagusia. Ekitaldia zuzenean jarraitu ahal izango da irrati bidez eta GUAU plataforman, 21:00etatik aurrera.
Pedrosa: "Segregazioaren aurkako lantaldea datorren astean bilduko da, Hezkuntzaren etorkizunari buruz hausnartzeko"
"Maiatzerako prozesua amaitu eta oinarriak ezarri nahi ditugu. Hezkuntzan etorkizunari begiratu behar zaio beti, eta adostutako erabakiak hartu egin behar dira, erronka demografiko eta aldaketa sozial oso handiak baititugu Euskadin", esan du Hezkuntza sailburuak.
13 urteko mutiko bat larri zauritu da Villatuertan, quad-istripuz
Ezbeharra landa-bide batean gertatu da, goizaldean, Regacho de Arantzadia paraje inguruan.
Palestinarekin Elkartasuna plataformak elkarretaratzea deitu du arratsalderako Bilbon, Vueltako protestetan atxilotutakoei babesa adierazteko
Israelgo txirrindulari-taldearen aurkako protestek Vueltako helmuga hiru kilometro aurreratzera behartu zuten atzo Bilbon Kale Nagusian. Palestinarekin Elkartasuna plataformaren hitzetan, "Palestinak garaitu du", eta "IPT talde sionista kanporatzeko lehen urratsa" izan daiteke. Era berean, Bingen Zupiria Segurtasun sailburuak "Palestinaren aldeko ekintzak kriminalizatu izana" deitoratu du.