SATSE: "Lehen Arretan presiorik ez dagoela esatea gezurra da"
Samantha Gonzalez SATSE Arabako ordezkariaren hitzetan, koronabirus kasuen igoera eragina izaten ari da Osakidetzaren Lehen Arretako zentroetan. Azaldu duenez, arakatzaileek atzematen dituzte positiboak, baina proba diagnostikoak "osasun zentroetan egiten dituzte". Ondorioz, anbulatorioak "gainezka" daude.
Egoera islatzen duen pasadizoa kontatu du Gonzalezek Radio Vitorian egin dioten elkarrizketan: "Lankide batek osasun zerbitzuaren beharra izan zuen aurrekoan, eta 20 aldiz deitu behar izan zuen osasun etxera, alferrik, ez baitzuen inorekin hitz egitea lortu. Anbulatoriora joan zen gero, eta administrazioko langile guztiak deiak etengabe hartzen topatu zituen". Sindikalista horren aburuz, "gainkarga horrengatik artatzen ez ditugun horiek ez dira presio asistentzialean agertzen, baina arazoa da ez ditugula artatzen".
Udan, ordutegi murrizketa eta pertsonal falta
Udan gaudela eta, Gonzalezek kritikatu du Osasun Sailak osasun zentroen ordutegia murriztu duela: "20:00etan ixten zituztenak, hiru ordu lehenago zarratzen dituzte, eta 17:00etakoak, 15:00etan". Ildo horretan, ohartarazi du koronabirusak "hor" jarraituko duela, eta hortaz, neurriak hartu beharko liratekeela birusa "berriro lehertu ez dadin".
Halaber, azpimarratu du beharrezkoa dela herritarrei, batez ere "gaixo kroniko eta adinez nagusi diren horiei", "zuzendutako "osasun sistema berreskuratzea. Izan ere, atzerapen handia dago ebakuntzetan.
Horretarako, baina, giza baliabideak behar dira, eta horren eskasia dagoela erantsi du Gonzalezek. "Oporrak tarteko, ordezkapenak egin behar dira, baina ez dago jenderik kontratatzeko", aitortu du. Erizainaren ustez, panorama hori aldatzeko estrategia moldatu behar da. Horrez gain, Osakidetzak erietxeetan duen udako politika jarri du jomugan Gonzalezek. Besteak beste, solairu osoak, 675 bat ohe, ixten direla aipatu du langileen oporrei aurre egiteko. "Itxaron zerrendak puzten doaz, urtez urte", ohartarazi du.
Zure interesekoa izan daiteke
Hemen da San Tomas, urteko feria nagusia
Bilbok eta Donostiak urteko azokarik garrantzitsuenetako bat ospatuko dute igande honetan. Aterkia ezinbestekoa izango da egunean zehar, fronte batek prezipitazioak utziko baititu.
Gabonetako azokak, bogan: zergatik dute horrenbeste arrakasta?
Gabonetako merkatuak ugaldu egin dira eta tokiko testuingurura egokitu dira. Nola azaltzen da boom hori eta zer esaten digu Gabonetako tradizioen eta erritualen eraldaketari buruz? Hainbat aditu eta profesionalekin hitz egin dugu eta jendearen iritzia jaso dugu.
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.