Gijongo sexu-erasoak "ehizaldi bat" izan zirela salatu dute
Goreti Abello Gijongo Udaleko Berdintasuneko zuzendariak azaldu du asteburuko taldekako bortxaketako egileek "benetako tranpa bat prestatu, eta ehizaldi bat antolatu" zutela.
Espainiako Poliziak 20 eta 30 urte arteko lau gizon, turistak guztiak, atxilotu zituen larunbatean, Gijoneko ostatu batean 22 eta 23 urteko bi emakumeri, horietako bat Bergarakoa (Gipuzkoa), sexu-erasoak egiteagatik. Atxilotutakoek gaur deklaratuko dute epaitegian.
Radio Euskadiko "Boulevard Informativo" saioan egindako adierazpenetan, Goreti Abellok esan du erasoaren berri izan zuenean sexu-erasoen kontrako protokoloa aktibatu zutela. Hala, azaldu du bi biktimek laguntza psikologikoa eta juridikoa jaso dutela, eta Udalak "baliabide guztiak" jarri dituela haien esku.
Udaltzaingoaren lehen arreta jaso ostean, biktimek polizia-etxean salatu zuten bortxaketa, 06:30ean. Emakume gazteek adierazi zuten mutil bat ezagutu zutela Fomentoko pub batean, eta hotelera joatekotan geratu zirela. Bidean, haren lagun bat batu zitzaien, eta, gelara iristean, beste bi gizon zeuden. Salatu dutenez, guztiekin sexu-harremanak izatera behartu zituzten.
EITB Median egindako elkarrizketan, Ana Gonzalez Gijoneko alkateak gaitzetsi egin du erasoa, eta salatu du "gizon askok" oraindik ere sinesten dutela "gu bortxatzeko eskubidea" dutela.
Bestalde, Miren Elgarresta Gipuzkoako Foru Aldundiko Berdintasuneko zuzendariak aldarrikatu du "emakumeen duintasuna, sexu askatasuna eta integritate fisikoa eskubide urraezinak" direla, eta emakumeen aurkako bortizkeriaren aurrean "adi eta konprometituta, inoiz baino gehiago erne" jarraitzeko deia egin die herritarrei.
Fiskaltzak atxilotuetako bi kartzelatzea eskatu du
Fiskaltzak asteburuan atxilotutako lau gizonetako bi kartzelatzea eskatu dio gaur Gijongo 5. instrukzio epaitegiari. Izan ere, biktimek bi gizon horiek identifikatu dituzte bortxaketaren egiletzat.
Beste bi atxilotuentzat, Ministerio Publikoak behin-behinean aske uztea eskatu du, baina biktimengandik urruntzeko agindua ezarrita. Akusazio partikularrak ere bat egin du eskaera horiekin.
Lau gizonek gaur deklaratu dute epaitegian, eta orain epaileak kartzelatu edo aske utzi erabaki beharko du.
Gaitzespen-kontzentrazioa
Eraso matxistaren berri izan ostean, hainbat erakundek elkarretaratzea deitu dute Bergaran gaurko, Eraso sexistarik ez! Autodefentsa feminista! lelopean. Protesta San Martin Agirre plazan izango da, 19:00etan. Ildo horretan, Udalak ere mobilizazioetan parte hartzeko deia egin die herritarrei.
Zure interesekoa izan daiteke
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".
Euskal eskola publikoen "itxierak eta bat-egiteak" itunpeko ikastetxeei "artifizialki eusteko" direla salatu du Sumarrek
Sumar Mugimenduak, Ezker Anitza-IUk eta Berdeak Equok "Hezkuntza publikoaren aldeko frontea" ekitaldia egin dute larunbat honetan Santurtzin, EAEko hezkuntza publikoaren egoera aztertzeko.