Beste adingabe bat atxilotu dute, Zornotzako jipoiagatik, eta asteazkenean atxilotutakoa espetxeratu dute
Ertzaintzak, ostegun honetan, beste adingabe bat atxilotu du Barakaldon, Zornotzan uztailaren 25ean gazte batek jasotako jipoiarekin lotuta. Atxiloketa hori zenbatuta, 14 lagun eraman dituzte atxilo jada. Gainera, asteazkenean Bilbon atxilotutako 19 urteko gaztea espetxeratu dute, epaileak hala erabakita.
Ertzaintzak, Zornotzako Udaltzaingoarekin elkarlanean, irekita du operazioa, erasoan parte hartu zuten persona guztiak identifikatu eta atxilotzea helburu (20 bat izan ziren). Orain arte, 14 atxiloketa egin ditu; horietatik zazpi adingabeak dira. Sei gazte sartu dira kartzelan, oraingoz.
Testuinguru horretan, asteazkenean, jipoiarekin lotuta asteartean Bilbon atxilotutako 18 urteko mutila espetxeratzeko agindu zuen auziaren ardura duen Durangoko epaitegiak. Bitartean, Barakaldon egun berean atxilotutako 16 urteko mutila Adingabeen Fiskaltzaren esku geratu da, Ertzaintzak jakinarazi duenez.
Biak ala biak, gainerako 12 pertsonak bezala, 23 urteko lemoar bati egindako eraso basatian parte hartu zutelakoan atxilotu zituzten; biktima oso larri dago Gurutzetako Ospitalean. Guztira, 14 gazte atxilotu dituzte orain arte, sei adingabe tartean. Ikerketaren arabera, urteotan Bizkaian tankerako erasoak egiten ibili omen den Koala Anaiak talde oldarkorreko ustezko kideak dira.
Ertzaintzak uztailaren 25ean Bizkaiko udalerrian gertatutakoa ikertzen jarraitzen du. Atxilotutakoen erdiak adingabeak dira, eta Fiskaltzaren esku daude jada. Ostegunera arte, adinez nagusi diren sei gazte kartzelan daude, eta zazpigarrena aske dago, baina astero etxetik gertuen daukan epaitegira joan behar du sinatzera.
Albiste gehiago gizartea
"Busti Zaitez" esklerosi anizkoitzaren gainean sentsibilizatzeko kanpainak 25 urte bete ditu
Esklerosi anizkoitza duten pertsonei elkartasuna adierazteko eta euren errehabilitazio-zentroetarako dirua biltzeko helburuz, ehunka pertsona "bustitu" dira Getxoko Ereaga hondartzan.
Eusko Legebiltzarraren 45. urteurrena ospatzeko emanaldi berezia izan da Donostiako Kursaalen
Imanol Pradales lehendakariak eta Bakartxo Tejeria Legebiltzarreko presidenteak Ganberatik igaro diren legebiltzarkide ohi guztiak eta egungoak ikuskizunera gonbidatu dituzte.
Palestinarekiko elkartasun mezua "esan behar" zuela dio txupinazoko protagonistak
Yala Nafarroa Palestinarekin plataformako ordezkariek "Stop genocide" eta "Free Palestine" oihukatu dute sanferminetako txupinazoan, protokoloa hautsiz. Bat-bateko ekintza horrek ordezkari politikoen erreakzioa ekarri du.
Elkartasunaren txupinazoak eman die hasiera 2025eko sanferminei
Palestina gogoan, Yala Nafarroako ordezkariek kufiyak lepoan zituztela bota dute suziria. 12:01 zirenean, Palestinaren askatasunaren oihuarekin batera lehertu da suzia Iruñeko zeruan, eta horrekin batera egin du eztanda festak.
Pertsona bat atxilotu dute sanferminetako txupinazoaren aurretik, Udaltzaingoak Santo Domingon kargatu ostean
Udaltzainek esku behar izan dute gazte-talde handi bat Udaletxe Plazara indarrez sartzen saiatzen ari zelako, polizia-hesia apurtuz eta sarbidea itxita zegoenean. Atxilotutako pertsonari desordena publikoak eta agenteen aurkako atentatua leporatu diote. Radio Euskadik grabatutako irudiak.
Panticosako bainuetxeko errepidea berriz ireki dute
Ostegunetik zegoen itxita, errepidera harriak eta lurra erori baitziren, ur-zaparrada batek eraginda.
Herriko saltokien aldeko txupinazoarekin hasi dira Lesakako sanferminak
Gurekin Zerbitzu Elkarteak bota du aurtengo txupinazoa, Udalaren hitzetan, "urtean zehar denda eta zerbitzu txikiek egindako ekarpena eskertzeko". Uztailaren 12ra arte luzatuko dira Lesakako sanferminak.
Deban N-634 errepidean itxitako erreietako bat astelehenean irekiko dute
Errei bat irekiko dute, semaforoz araututa txandaka pasatzeko. Hala ere, aurreikuspenen arabera, azaroan irekiko dute erabat bidea, lanak amaitutakoan.
204 orduko etenik gabeko festa abiatu du txupinazoak Iruñean
Kostata baina txupina bota du aurten Palestinaren aldeko Yala Nafarroa plataformak. 2025eko sanferminak uztailaren 14ra arte luzatuko dira, tradizioz, musikaz eta kulturaz betetako egitarau zabala eskainita.
Pertsona bat atxilotu dute Portugaleten, beste bat birritan sastatzeagatik
Biktima Gurutzetako Ospitalera eraman dute. Ertzaintzak jakinarazi duenez, atxilotua 24 urteko gizonezko bat da.