19 urteko beste gazte bat atxilotu dute, Zornotzako jipoiarekin lotuta
Ertzaintzak 19 urteko gazte bat atxilotu du asteazken honetan Bilbon, Zornotzako jipoiarekin lotuta dagoelakoan; hortaz, guztira, 13 lagun eraman dituzte atxilo, eraso horrekin zerikusia dutelakoan. Segurtasun Sailak jakitera eman duenez, Ertzaintzak, Zornotzako Udaltzaingoarekin elkarlanean, jipoian parte hartu zuten pertsona guztiak identifikatzeko lanetan jarraitzen du.
Ordu batzuk lehenago, Durangoko Epaitegiak jipoiarekin lotuta asteartean Bilbon atxilotutako 18 urteko gaztea espetxeratzea agindu du. Bitartean, Barakaldon asteartean ere atxilo hartutako 16 urteko nerabea Adingabeen Fiskaltzaren esku geratu da, Ertzaintzak jakinarazi duenez.
Biak ala biak atzo atxilotu zituzten 23 urteko lemoar bati egindako eraso basatian parte hartu zutelakoan. Gaztea oso larri dago Gurutzetako Ospitalean. Guztira, 13 pertsona atxilotu dituzte orain arte, sei adingabe tartean. Ikerketaren arabera, urteotan Bizkaian tankerako erasoak egiten ibili omen den Koala Anaiak talde oldarkorreko ustezko kideak dira.
Ertzaintzak uztailaren 25ean Bizkaiko udalerrian gertatutakoa ikertzen jarraitzen du. Atxilotutakoen erdiak adingabeak dira, eta Fiskaltzaren esku daude jada. Gainerakoan, asteazkenera arte, adinez nagusi diren lau gazte kartzelan daude, eta bosgarrena aske dago, baina astero etxetik gertuen daukan epaitegira joan behar du sinatzera; hortaz, 18 urteko gaztea kontuan izanik, bost lagun espetxeratu dituzte dagoeneko.
Zure interesekoa izan daiteke
Hiru hildako eta gaixotu bat ustez hantabirusagatik kruzero batean
Osasunaren Mundu Erakundeak (OME) adierazi duenez, "kutsatze-arriskuak txikia izaten jarraitzen du" eta "ez dago aztoratzeko arrazoirik".
Eric Courdyren heriotzagatik auzipetutako boxeolari ohiak barkamena eskatu eta bere gain hartu du hilketa
"Egindakoa onartzen dut eta barkamena eskatzen diot biktimaren familiari", esan du lehen saioan. 09:00etan hasi dira Verin epaitzen, hilketa gertatu zenetik ia bi urtera.
Bikotekideak 13 labankada eman zizkion Maialen Mazoni, "hiltzeko asmoarekin", fiskalaren arabera
45 urteko espetxe zigorra eskatu du Fiskaltzak hiltzailearentzat, Zigor Kodeak baimentzen duen zigorrik handiena. Zehazki, 25 urte azpikeriaz eta ankerkeriaz egindako hilketagatik (emakumea labankadaz hil zuen), 8 urte bi abortu delituengatik eta 4 urte adingabea (onik atera zen 2 urteko alaba) abandonatzeagatik.
34 urteko gizon bat atxilotu dute Iruñean, sexu-erasoa egotzita
Atxiloketa Nafarroako hiriburuko Udaltzaingoak egin zuen, igandeko lehen orduan.
Datorren ikasturtean Lanbide Heziketako 74.963 plaza eskainiko dira EAEn, inoiz baino gehiago
Berrikuntza gisa, Lanbide Heziketako plazen % 50 emakumeentzat gordeko dira 2026-2027 ikasturtetik aurrera.
Lehiaren Euskal Agintaritzak isunak jarri dizkie eskola garraioko 31 enpresari, Hezkuntza Sailari boikota egiteagatik
2023-2024 ikasturterako lehiaketan, Gipuzkoako ibilbideak baino ez ziren esleitu. Horregatik, Eusko Jaurlaritzak agindu bat argitaratu zuen, aurretik Bizkaian eta Araban esleipendun izan ziren enpresak zerbitzua betetzera behartzeko.
Aldentze aginduen inguruan zeukan protokoloa aldarazi zion Ertzaintzari Maialen Mazonen hilketak
Maialen "arrisku handiko" biktima zen indarkeria matxistarekin lotutako kasuak aztertzen dituen Estatuko VioGen sistemaren arabera. Ertzaintzak, ordea, "arrisku txikiko" biktimatzat jo zuen. Antza denez, Polizia Nazionalaren VioGen sistemako eta Ertzaintzaren EVA sistemako artxiboak ez zetozen bat. Bestalde, Ertzaintzak berak kasuaren inguruan egindako balorazioak ere huts egin zuen.
2025ean 13.297 haur jaio ziren EAEn, 2024an baino %2,8 gehiago
2025eko azken hiruhilekoan, 3.438 jaiotza izan ziren Euskal Autonomia Erkidegoan, hau da, iazko aldi berean baino % 6,1 gehiago, Eustaten datuen arabera.
Bi pertsona atxilotu dituzte Donostiako Herrera auzoko pabiloi batean izandako suteagatik
Sua goizaldean piztu da, Zardoya fabrika zaharreko gela batean. Ondorioz, lau pertsona zauritu dira eta horietako bat Donostia Ospitalera eraman dute. Hiru lagun tokian bertan artatu dituzte, kea arnasteagatik. Lehen ikerketen arabera, sutea nahita piztu dute.
Leioak gauerdira arte luzatu du TAOaren ordutegia
Udalbatzak erabaki hori hartu du arratsalde-gauean Leioako hiru TAO guneetan (Pinueta, Lamiako eta Ibaiondo) aparkatzeko arazoak izaten direlako, Getxoko bizilagun askok hor uzten dutelako autoa.