Munduko tenperatura 2,7 gradu haziko da 2100erako
Negutegi efektuko gasen isuria bere horretan mantenduz gero, munduko tenperatura 2,7 gradu haziko da 2100erako, NBEko klima aldaketari buruzko gobernuarteko aditu taldearen (IPCC) txosten berri baten arabera.
Hazkunde horrek areagotu egingo ditu muturreko egoera klimatikoak, hala nola lehorteak, uholdeak edota bero boladak.
Parisko Akordioak ezarritako helburutik (1,5 gradu) gora dago hazkunde hori. Izan ere, oraingo egoerari eutsiz gero (industriaurreko garaian baino 1,1 gradu gehiago), 2040rako 1,5 graduko igoera egongo litzateke, eta 2100erako, 2,7koa.
Gizakia da erantzulea
Txostenak ez du zalantzarako tarterik uzten: gizakia da berotzearen erantzule nagusia, eta kliman izandako aldaketek ez dute "aurrekaririk" azken mende eta milurtekoetan.
Ikuspegi ezkorrenean jarrita, adituek aurreikusi dute karbono dioxido eta negutegi efektuko beste gasen isuriak bikoiztu egingo direla, eta, ondorioz, lau graduko igoera izan genezake 2100erako.
Tenperaturak igotako gradu bakoitzeko prezipitazioek % 7 egingo dute gora, eta, beraz, ekaitzak, uholdeak eta bestelako hondamendi naturalak ugaritu egingo dira.
Beroaldiak sarriagoak izango dira. Industriaurreko garaian hamarkada batean behin gertatzen ziren, baina gaur-gaurkoz 10 urtean birritan baino gehiago (2,3) jazo dira. Bada, tenperatura lau gradu igoko balitz, 9,4 aldiz gertatuko lirateke 10 urteko epean (ia urtero, hortaz). Muturreko tenperatura baxuak, hotz boladak tartean, "gero eta gutxiagotan izaten dira", ohartarazi dute.
Hori horrela, berotze globalaren ondorio asko, tartean ozeanoetan eta poloetan atzemandakoak, "konponezinak dira", txostenaren egileen arabera.
Adituen ustez, isuriak murriztuta ere, gutxienez bi hamarkada itxaron beharko genituzke tenperaturan ondorioak igartzeko. Kutsatze atmosferikoari dagokionez, arinago sumatuko lirateke onurak.
Itsas maila, goraka
IPCCren arabera, itsas mailak igotzen jarraituko du, eta mende amaieran 28-55 zentimetro egingo du gora. Emisioak halako bi balira, 1,8 metroko igoera izan liteke.
Datozen 2.000 urteetan, itsasoaren maila bi metro eta hiru metro artean igoko da, betiere Parisko Akordioak gomendatutako 1,5 graduko tenperatura igoera badago. Bost graduko hazkundea izanez gero, ordea, 20 metro egin lezake gora itsasoak.
Zure interesekoa izan daiteke
%20EFE?fmt=webp-alpha&qlt=80)
Denboraleak hildako bat eta milaka pertsona etxetik kanpo utzi ditu Andaluzian, eta orain Marta iritsiko da
Larunbat honetarako euri-jasa handiak espero dira berriro. 11.000 pertsona etxetik atera dituzte eta ehun bat errepide itxita daude.
Denboraleak atsedena eman du Andaluzian, hildako bat eta etxetik kanpo 8.000 pertsona utzita, baina okerrena iristear dago
Leonardoren ostean, Marta depresioa iritsiko da asteburuan, emariaren atalase gorrian 15 ibai baino gehiago dituen eremu batera.
Gizon bat atxilotu dute Gasteizen etxeko indarkeriagatik eta arma zuriz mehatxu egiteagatik
Gizona etxean gotortu da senide batzuekin eztabaidan izan ondoren. Emakume bat arin zaurituta eraman dute ospitalera.
Bilbo Handiko errepideak kolapsatuta egon dira, hiru autok eta kamioi batek talka egin ostean
Txorrierriko igarobidean gertatutako istripuaren ondorioz, bi errei itxi dituzte Donostiarako noranzkoan, eta ilarak BI-10 errepideraino iritsi dira.
Indarkeria zantzuak dituen gizon baten gorpua aurkitu dute Ganguren gainaren inguruan
Ertzaintzaren lehen ikerketei esker jakin dutenez, Barakaldoko 60 urteko gizon bat da, eta asteazkenetik zegoen desagertuta.
Denis Itxasok 200 zuzkidura-bizitoki iragarri ditu Loiolako Erriberetarako, alkateak 400 iragarri ostean
Etxebizitza eta Hiri Agendako sailburuak "lanerako hipotesi gisa" planteatu ditu zenbaki horiek. Jon Insausti Donostiako alkateak bezperan adierazi zuten eraiki beharreko pisuak halako bi izango zirela.
Gizon bat atxilotu dute Madrilen, alaba adingabeari sexu erasoak egin eta sarean zuzenean emateagatik
Atxilotuak material pornografikoa eskaintzen zuen aplikazio batean, txanpon birtualen truke. Epailearen aurretik igaro ondoren, baldintzarik gabe espetxeratzeko agindu zuen, haur pornografia eta sexu erasoak leporatuta.
Pertsona bat atxilotu dute Arrontegiko zubitik oinez zihoala
Atxilotuak uko egin dio bertatik alde egiteari eta bere burua identifikatzeari, nahiz eta arrisku handia izan berarentzat eta gidarientzat.
Gorpu bat aurkitu dute Malagan, emakume bat ibaira erori zen tokitik gertu
Guztira, 8.000 pertsona ebakuatu dituzte Andaluzian Leonardo depresioaren ondorioz. Aurreko egunetan baino euri gutxiago egin du gaur, ostirala, baina asteburuari begira Marta izeneko depresio batek euri zaparrada mardulak eragingo ditu.
32 urteko emakume bat hil da N-121 errepidean, Bardean, auto batek eta kamioi batek elkar jota
Talkaren ondorioz, kamioia erabat erre da, baina gidaria onik atera da. Auto-gidaria, Tuterako 32 urteko bizilagun bat, berriz, oso larri eraman dute Nafarroako Unibertsitate Ospitalera, eta bertan hil da.