Nafarroak 23 positibo zenbatu ditu hildakorik gabeko egun batean
Nafarroan 23 positibo berri atzeman dituzte ostegun honetan, Foru Gobernuak emandako datuen arabera. Gainera, ez da inor hil eta erietxeetako egoera egonkor mantendu da: 42 pertsona daude ospitaleratuta, eta horietatik 13 larri ZIUetan.
Bezperan baino bost gehiago dira, baina 30eko langatik behera geratu dira zortzigarren egunez jarraian. Duela astebete zenbatutakoak baino bost gutxiago dira, eta duela 14 egun baino 25 gutxiago. Positibotasun tasa % 1,3n dago.
Ostegun honetan pertsona bat eraman behar izan zuten Osasunbideko ospitaleetara, koronabirusak jota haren osasun egoerak okerrera eginda. Hortaz, 42 pertsona daude erietxeratuta, eta horietatik 13 larri. Zorionez, ez da inor hil azken orduetan eta pandemia hasi zenetik hildakoak 1.243 dira.
Udalerri eta osasun guneei dagokienez, aipagarriak dira Burgin atzemandako lau kasuak. Gainerakoan, Iruñeko Arrotxapea eta Txantrea auzoetan eta Beran bina positibo hauteman dituzte. Azkenik, kutsatzeren bat atzerman duten gainerako herrietan kasu bakarra atzeman dute.
Albiste gehiago gizartea
Andre Maria Zuriaren balantze oso positiboa: gasteiztarrek jaiak bizi, ospatu eta gozatu dituzte
Maider Etxebarria Gasteizko alkateak Andre Maria Zuriaren jaien balorazio "oso positiboa" egin du. Izan ere, herritarrek jaiak ospatu, bizi eta gozatu dituzte, parte-hartze handiko egunekin. Testuinguru horretan, bizikidetza izan da nagusi. Gainera, delinkuentzia ia % 30 jaitsi da, eta ia ez da gertakari aipagarririk izan. Sexu-eraso larrien protokoloa ez da aktibatu, baina sexu-askatasunaren aurkako zortzi salaketa egon dira. Orkestren kontzertuek eta musika emanaldiek 148.000 pertsona bildu dituzte, iaz baino 18.000 gehiago.
Altzan atxilotutako gizon batek erasotako biktimak Gipuzkoako Foru Aldundiaren tutoretzapean daude
EITBk jakin ahal izan duenez, atxilotua ez daerakundeko gizarte hezitzaile bat, foru erakundetik kanpoko pertsona bat baizik. Halaber, Gipuzkoako Foru Aldundiak hasiera-hasieratik aktiboki lan egin du Ertzaintzarekin.
Jendetza bildu da Andre Maria Zuriaren plazan, Zeledon agurtzeko
Zeledonen igoerak eman die amaiera Gasteizko jaiei, alaitasuna nagusi izan den sei egunen ostean. Jendetza bildu da goizaldean Andre Maria Zuriaren plazan, blusa eta nesken kuadrillekin elkartutako txarangen ondoan. Hala, Zalduondoko baserritar maitatua San Migel elizako dorrera itzuli da, datorren urtera arte.
22 urteko bi pertsona hil dira eta bat larri zauritu da Berantevillan izandako trafiko-istripu batean
Zauritua Txagorritxuko Ospitalera eraman dute.
Airez eta lurrez ari dira lanean Zarrakaztelun piztu den baso-sutean
Suhiltzaileekin batera, sei helikoptero eta lau hegazkin ari dira lanean, horietako bat koordinazio lanetan. Oraingoz, ez dago arriskurik herritarrentzat. Gauean, lurretik aritu dira sua itzaltzeko lanetan.
Kanoikadaren eztandarekin, lehertu da Donostiako Aste Nagusia
Elikagaien Bankuaren eta Amara Berriko Auzo Elkartearen kanoikadak hasiera eman dio musikaz eta 380 jarduera baino gehiagoz beteriko zortzi eguneko jaiari; eta, nola ez, Su Artifizialen Nazioarteko lehiaketaren 60. edizioa izango dugu aurten.
Adingabe bat atxilotu eta hamar ikertzen ari dira uztailaren 20an Azpeitian izandako istiluengatik
Desordena publikoak eragitea eta agintaritzaren agenteen aurkako atentatua egitea egozten diete guztiei. Atxilotua, 16 urtekoa, aske utzi dute, beharrezko polizia-eginbideak bukatutakoan.
Beroak hauspotuta, zimitz izurritea Gorraitzen
Gorraitz herrian sekulako amesgaiztoa bizi dutela salatu dute bizilagunek. Beroak hauspotuta, astebete baino gehiago da zimitz izurrite batek herria hartu duela. Egoera horren aurrean, fumigatzeaz gain, prebentzio-neurriak ere exijitu dituzte herritarrek. Bideoan, Javier de Arbizu eta Ane Irigoien bizilagunek azaldu dute egoera.
Gasteiztarrak jaien amaiera borobilaz gozatzen ari dira, Zeledoni agur esan aurretik
Kalejirek eta txarangek hiriko kaleak girotu dituzte egunean zehar, aurreko egunetan bezala, eguraldia lagun zutela. Goizaldean, egunerokora itzuliko dira, txokolatea eta bizkotxoak hartu ondoren.
Ehunka lagun bildu dira Bilbon Palestinaren alde
Bilbo-Palestina herri ekimenak elkarretaratzea egin du Plaza Biribilean, Palestina askatzea eskatzeko eta Netanyahu "gizateriaren aurkako krimenengatik" salatzeko.