Jaurlaritzak uko egin die Arkamo mendilerroko eta Iturrietako mendietako parke eolikoei
Ekonomiaren Garapen eta Ingurumen Sailaren arabera, Arabako mendebaldean dagoen Arkamo mendilerroan eta ekialdean dagoen Iturrietako mendietan aurreikusitako parke eolikoek ez dituzte eskatzen diren ingurumen-baldintzak betetzen.
Jaurlaritzak asteazken honetan eman dio erabakiaren berria Aixeindarri, hau da, Iberdrolak eta EEE Energiaren Euskal Erakundeak (proiektuak sustatzen ditu) osatzen duten sozietateari. Ideiarekin aurrera egin lezakete, baina exekutiboak argi utzi die ez dituela beharrezko ingurumen-baimenak emango, eta, beraz, proiektuak bertan behera geratuko direla.
Orain arte mahai gainean jarri diren bi parkerik handienak ziren, guztira 34 aerosorgailurekin eta 170 megawatteko potentziarekin.
Arabako Aldundiak alegazioak aurkeztu zituen, animaliei eta paisaiari kalteak eragingo zizkiela argudiatuz, eta beste kolektibo eta ekologista talde batzuk ere gauza bera egin zuten.
Momentuz, hortaz, Arkamo eta Iturrietakoak zerrendatik kanpo geratu dira, baina Jaurlaritzak ez du oztoporik jarri eta aurrera jarraitzen du Labrazako (Arabako Errioxan) eta Azazetako (Mendialdean) parkeak izapidetzen.
Arabako Mendiak Aske elkarteak Azazeta eta Labrazako parkeei ere uko egitea eskatu du
Arabako Mendiak Aske plataformak, bestalde, Energia berriztagarrien Lurralde Plan Sektorial bat dagoela eta kokapena horrek markatzen duela gogorarazi du.
Gauzak horrela, Rebeka Gonzalez de Alaiza plataformaren bozeramaileak Radio Vitorian egindako elkarrizketan adierazi duenez, "Jaurlaritzak ez ditu kontzejuen erabakiak errespetatzen; izan ere, ez dituzte parke horiek babesten, ondare naturalaren aurka baitoaz. Plataformaren hitzetan, Eusko Jaurlaritzaren estrategia tranpatia da".
Hala, datorren urriaren 23an Araba Bizirikek lurraldearen defentsan Gasteizen egingo duen manifestazioan parte hartzeko deia luzatu die herritarrei Gonzalez de Alaiza bozeramaileak.
Energia berriztagarrien Lurraldearen Arloko Plana
Trantsizio energetikoaren prozesuari beste bultzada bat emateko asmoz, Jaurlaritzak, Energiaren Euskal Erakundearen bidez, energia garbia sortzea ahalbidetuko duten baldintzak eta formulak sortzen jarraitzen du. Gaur gaurkoz, Euskadik kontsumitzen duen energiaren % 8 sortzen du eta 2030erako % 32 sortu nahi du, Klimaren Europako Legean ezarritako helburuekin bat etorriz.
Joan den udaberrian amaitu zen Berriztagarrien Lurralde Plan Sektorialaren parte-hartze sozialaren lehenengo fasea, eta gaur egun bigarren partaidetza-fase bat planteatzen ari dira. Fase horretan, gizarteko hainbat eragilek eta erakundek ekarpenak eta alegazioak egiten jarraitu ahal izango dute, eta horien emaitza izango da behin betiko Lurralde Plan Sektoriala.
Plan horrek, Jaurlaritzaren arabera, etorkizunean Euskadin energia berriztagarrien instalazio berriak ezarri ahal izateko kokaleku berriak zehazteko bidea irekiko du.
Albiste gehiago gizartea
Zizurko Mugimendu Feministak indarkeria matxistaren aurkako egiturazko neurriak eskatu ditu
Talde feministak elkarretaratzea deitu du Zizur Nagusian udalerriko emakume baten hilketa gaitzesteko. Berdintasun Ministerioak gaur baieztatu du genero indarkeria kasu bat dela.
Zikloturista bat harrapatu eta ihes egin zuen gidari bat atxilotu dute Erandion
Istripua eragin ondoren, ihes egin zuen eta ibilgailuari su ematen saiatu zen, atxiloketa oztopatzeko.
Williams anaiek ukatu egin dute "inolako deliturik egin izana" luxuzko auto bat erostean
Erosketarekin lotutako ustezko iruzur bati buruz Agoitzeko epaitegi batean jarritako salaketa asteazkenean zabaldu zuten hedabide batzuek, Iñaki Williams Athleticeko kapitainak ultraeskuinari buruz egindako adierazpenen biharamunean.
Tigre-eltxoek kutsatzen duten chikungunya gaitzaren kasu bat agertu da Lapurdin
Hendaian bizi den gizon bat da gaixoa. Azken 15 egunetan ez du bidaiatu eta, beraz, bertan kutsatu dela susmatzen dute. Ez dago larri. Hendaiako Udalak iragarri du desinfekzio lanak egingo dituela larunbat gauean. Eusko Jaurlaritzako Osasun Sailak kontrol neurriak areagotzeko eskatu die Bidasoaldeko udalei.
Zaramagak horma-irudi berri batekin gogoratuko du 1976ko martxoaren 3a
30 pertsonako artista taldea ari da Gasteizko auzo horretan zegoen aurreko murala ordezkatuko duen irudi berria prestatzen.
42 urteko gizon bat atxilotu dute Gasteizen, bikotekide ohiari botilaz mehatxu egiteagatik
Biktimaren arabera, biek eztabaida izan zuten, haren etxebizitzan, eta elkarrekin borrokatu ziren. Gizonak mehatxu egin zuen eta liskarrak kalean jarraitu zuen, oinezko batzuek gizonari alde eginarazi zioten arte.
Berdintasun Ministerioak baieztatu du Zizur Nagusiko hilketa genero indarkeria kasu bat dela
Aldez aurretik ez zegoen indarkeriagatiko salaketarik ustezko erasotzailearen aurka. Espainiako Estatuan indarkeria matxistak aurten hildako emakumeak 23 dira dagoeneko, eta, guztira, 1.317 dira biktimak zenbatzen hasi zirenetik, 2003tik.
Sei haur gazatar artatuko dituzte Euskal Herriko ospitaleetan
Horietatik hiru Gurutzetako Ospitalera eramango dituzte, bi, Donostiako Ospitalera, eta seigarren bat Nafarroako Ospitalean artatuko dute. Zaragozako aireportu militarrera iritsiko dira arratsaldeko 18:00ak inguru, gaur goizean Jordaniako hiriburutik, Amanetik atera den hegaldi batean.
Amaitu egin da EuskarAbentura, Getxon, Euskal Herrian zehar hilabete eman ondoren
15 eta 17 urte bitarteko ehun gaztek baino gehiagok Euskal Herria oinez zeharkatu dute, euskararen erabilera sustatu, kultura ezagutu eta hizkuntzaren etorkizunarekin konprometitutako hiztun sarea eraikitzeko.
Jacob Elordi aktorearen aitona Ondarroatik Australiara joan zen, azukre-kanabera plantazioetan lan egiteko
1958 eta 1963 artean, Espainiako pasaportea zuten ia 8.000 langile Australiara joan ziren, azukre-kanaberaren plantazioetan lan egitera; 2.500, euskal herritarrak. Gaur egun, migratzaile haien ondorengoek eta harrezkero iritsitakoek komunitate sendoa osatzen dute Queenslanden. Joaquin Elordiren kasua da, Jacob Elordi aktore ospetsuaren aitona.