Murrizketarik gabeko lehen asteburua EAEn, baina herriko jairik gabe
EAEn osasun larrialdi egoera bertan behera geratu ondoren, lasaitasunez hasi da murrizketarik gabeko lehen asteburua eta ostiraletik larunbaterako gauen ez dira aurreko asteburuetan kale edanari lotutako istilu jendetsuak eta atxiloketak izan, Segurtasun Sailak jakitera eman duenez. Hori bai, bi liskar garrantzitsu izan dira Irunen eta Gasteizen, eta pertsona bat larri zauritu dute Arabako hiriburuan.
Pandemia aurreko egoera batean, San Fausto jaiak hasiko ziratekeen Durangon eta Basaurin, Bizkaian, baina aurten "ez da ez festarik ezta ez festarik ere" udal ordezkariek gogorarazi dutenez. Udalek neurriak zorroztea erabaki dute jendetza zein botiloiak ekiditeko eta "garbitasun gehiago, polizia gehiago eta isu gehiago" iragarri dituzte.
Gainera, terrazetako mahai eta bestelakoak erretiratzeko eskatu diete ostalariei, itxiera ordutegiak errespetatzeko eta kutsaketak saihesteko protokoloak betetzen direla bermatzeko laguntza eskatu diete. Radio Euskadik galdeketa egin du herritarren artean eta oso zatituta aurkitu dute jendea festak egitearen edo ez egitearen inguruan.
Durangoko Udalak Tabira auzoa itxi du istiluak ekiditeko eta bozgorailuekin dabiltzanei isuna jarriko dietela iragarri du. Gainera, politziaren presentzia areagotuko dela ere iragarri du.
Ima Garrastatxu Durangoko alkateak Radio Euskadiko Ganbaran gogoratu duenez, "irailetik Jai Batzordeak San Fausto jaiak bertan behera uztea erabaki zuen. Oso argi genuen, ez zen San Faustorik egongo, baina bai udaberri osoan landu den programazioa ".
Basaurin ere Udaltzaingoak eta Ertzaintzak koordinatuta lan egingo dute asteburu luze honetan zehar eta alkoholemia kontrolak izango dira noiznahi.
Poliziaren errefortzu horiek etorkizunean desagertzen joango direla iragarri du asteon Josu Erkoreka Eusko Jaurlaritzako Segurtasun sailburuak osasun egoera berria egonkortu ahala.
Gipuzkoan, Santa Fe jaiak ziren berez aste honetan Zaldibian, baina Bizkaian bezala, hemen ere ez da ospakizunik aurten. Jaien ordez agenda kulturala oparoa antolatu dute udazkenerako.
Jaiak Nafarroan
Nafarroan, ordea, badira jaiak. Pilarreko Zubi honetan herriko festak dira Lekunberrin eta Zarrakaztelun. Ekintza ugariz osatutako programazioarekin ospatuko dira festak. Atzo txupinazoarekin hasi ziren jaiak Lekunberrin eta pandemia osteko lehen entzierroa ospatu zen Zarrakaztelun, baita kontzertuak ere gauean. Utzitako irudiak normaltasun zaharraren antzekoak dira.
Hori bai, "zentzuz jokatzeko" eskatu dute alkateek, kezka baitute jendetza bilduko ote den.
Maria Chivite Nafarroako alkateak ere antzeko eskaria egin du: "ondo pasa dezagun, baina zuhurtziaz".
Zure interesekoa izan daiteke
Basauriko hilketa matxista salatzeko elkarretaratzea egin dute ostiral arratsaldean, talde feministek deituta
2026an bi dira jada Euskal Herrian hildako emakumeak, eta horrek agerian uzten du, euren ustez, indarkeria matxistak jarraitzen duela gizarteko gaitz nagusietakoa izaten. Basauriko Asanblada Feminista eta Emakumeok Bat Koordinadora (Basauriko Emakume Elkarte eta Elkarte Feministen Federazioa) talde feministek deitu dute elkarretaratzea.
Itzurun hondartza, mikroplastikoz beteta
Azken egunotako denboraleen ondorioz, mikroplastikoz beteta agertu zen atzo Zumaiako Itzurun hondartza. Naiara Malave Euskal Kostaldeko Geoparkean lan egiten duten Begi Bistan-eko kideak azpimarratu du arazoa mundu mailakoa dela, eta azken hamarkadetako plastikoaren gehiegizko erabileraren ondorioetako bat.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen. EITBk galdetutako ikerketaren iturrien arabera, atxilotuak askotan urratzen zuen urruntze agindu bat zegoen.
Asier Iragorri, Basauriko alkatea: "Gaur egun ere entzuten dira indarkeria matxista existitzen ez dela dioten diskurtsoak"
Basauriko alkateak "irmo" gaitzetsi du udalerrian gertatutako hilketa matxista, eta deitoratu du oraindik ere herritarren artean diskurtsoak entzuten ari direla indarkeria matxista "ez dela existitzen" edo arazoari garrantzia kentzen diotela esanez. Horregatik, uste du arlo guztietatik lan egin behar dela gaiari heldu ahal izateko.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.