GPBaren aurkako txertoak % 87 murriztu du umetoki-lepoko minbiziaren tasa
The Lancet aldizkariak gaur zabaldutako ikerketa baten arabera, umetoki-lepoko minbiziaren tasa % 87 murriztu da giza papilomaren birusaren (GPB) aurkako txertoa jaso duten emakumeen artean Ingalaterran.
Emaitza horiek lortzeko, GPBaren aurkako immunizazio-programa bat erabili da Cervarix txerto bibalentea erabiliz. Ingalaterran 2008an hasi ziren txerto hori ematen.
Ikerketen arabera, 12 eta 13 urte bitarteko adinean txertoa hartu zuten emakumeen zerbixeko minbizia tasak % 87 txikiagoak ziren immunizatu gabeko biztanleen artean baino.
Ikerketaren arabera, 2019ko ekainerako 450 minbizi kasu gutxiago eta 17.200 kartzinoma gutxiago zeuden Ingalaterran txertoa jaso zuten emakumeen artean.
Umetoki-lepoko minbizia prebenitzeko munduan zehar txerto bibalentea erabili den ikerketetan lortutako lehen ebidentzia zuzena da.
Ikertzaileen arabera, zerbixeko minbizi kopuruak % 62 egin du behera 14 eta 16 urte artean zituztenean txertatutakoen artean, eta % 34 txertoa, 16 eta 18 urte artean zituztenean jaso zutenen artean.
GPBaren aurkako txertoa 100 herrialdetan hasi ziren ematen, Mundu Osasun Erakundeak (MOE) minbizi mota hori desagerrarazteko egindako ahaleginen barruan.
Ingalaterran txerto bibalentea erabiltzen da gehien, eta umetoki-lepoko minbizien % 70 eta % 80 artean eragiten dituen bi GPB motetatik babesten du.
"Nahiz eta aldez aurretik egindako ikerketek erakutsi duten txertoak balio duela Ingalaterran GPB bidezko infekzioa prebenitzeko, umetoki-lepoko minbiziaren prebentzioaren ebidentzia zuzena mugatua zen", adierazi du Peter Sasienik, Londresko King 's College zentroko ikerlanaren egileetako batek. "Ikusitako eragina modeloek aurreikusten zutena baino handiagoa da", gaineratu du.
Erresuma Batuko Osasun Segurtasunerako Agentziako Kate Soldanek azaldu duenez, ikerketa "aurrerapauso garrantzitsua da umetoki-lepoko minbiziaren prebentzioan".
Zure interesekoa izan daiteke
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.