Guardia Zibilak "arrazoi sentimentalak argi ikusi" zituen Ardinesen krimenean
Javier Ardines IUko zinegotziaren hilketaren ikerketan, Llanesen (Asturias), parte hartu zuten Guardia Zibileko UCO taldeko zenbait agentek adierazi dutenez, "arrazoi sentimentala argi ikusi zen hasieratik". Llalnesko zinegotziaren etxetik, Belmonte de Priako parrokiatik, gertu hil zuten Ardines 2018ko abuztuaren 16an. Bestalde, ustezko sikarioetako bat galdeketan behartu izana ukatu dute guardia zibilek.
Oviedoko epaitegietan bosgarren saioan, UCO taldeko teniente batek eta sarjentu batek deklaratu dute. Horien esanetan, Ardinesen ingurune soziolaborala eta auzoa ikertu zituzten aurrena, eta ez zuten "inolako kriminalitate zantzurik" aurkitu.
Ondoren, IUko zinegotziaren bizitza pertsonala ikertzen hasi ziren, eta "lerro sentimentala argi ikusi zen lehen ikerketetatik", azaldu du guardia zibil batek.
Abiapuntua Pedro N. A. ustezko eragileak bere mugikorrarekin 2017ko abenduan jatetxe batean grabatu zuen audioa izan zen. Haren emazteak, zinegotziaren emaztearen bigarren lehengusuak, eta Ardinesek sekretuan harreman bat zuten susmoak baieztatu zituen horrela hilketaren ustezko eragileak.
Pedro N. A. jelosiak itsututa, "erotuta", zegoela azaldu zuten ikertzaileek atzoko saioan, desleialtasuna "ezin zuelako burutik kendu".
Akusazioen arabera, 2018ko uztailean, Pedro N. A. auzipetuak egitasmoa aurrera eramateko erabakia hartu zuen, bere emazteak uda Belmonte de Prian, Ardinesen etxetik gertu, pasatu behar zuela jakinda, eta Jesus M. akusatuarekin harremanetan jarri zen horretarako, diru truke lan egingo zuten sikarioak bilatzeko.
Horietako batek, Djilali B.k, epailearen aurrean aitortu zuen berak eta Maamar K. herrikide aljeriarrak bakoitzak 25.000 euro kobratu zituztela, eta bitartekariak 10.000 euro jaso zituela. Maamar K. Suitzan atxilotu zuten, beste hiru akusatuak ez bezala.
Atxilotu ostean, Djilali B. auzipetuak esan zuen enkargua zinegotziari "jipoi bat ematea" izan zela, baina ikertzaileek ez zioten sinesgarritasunik eman, Ardines itota hil zutelako; beraz, hiltzeko asmoa zuten, UCOko tenientearen iritzian.
UCOko sarjentuak, aldiz, Djilali B. galdeketan "presionatu" edo "behartu" izana ukatu du. Auzipetuak behin baino gehiagotan eten du guardia zibila oihuka. Hiru aldiz ohartarazi ostean, epaimahaiko presidenteak Djilali B. aretotik kanporatu du.
UCOren arabera, ez dago zalantzarik 2018ko uztailaren 27an hilketaren plangintza egin zutela. Pedro N. A. eta Jesus M. Belmonte de Priara joan ziren, Djilali B.rekin eta Maamar K.rekin batera, Ardinesen ordutegien eta ohituren berri emateko.
Albiste gehiago gizartea
"Odol-ilargia" hemen da: Ilargi-eklipse osoa igande honetan izango da ikusgai
Fenomenoa begi hutsez ikusi ahal izango da, inolako tresna optikorik ezta iragazkirik behar izan gabe, ez baitu inolako arriskurik suposatzen. Eklipsearen maximoa 20:11n izango da.
EAEko Justizia Auzitegi Nagusiarentzat "diskriminatzailea eta legez kanpokoa" da Egogaingo (Eibar) zaintzaile lanpostu guztietan euskara eskatzea
Euskara eskakizuna ez egiaztatzeagatik Egogain egoitza publikoko zazpi langile egonkortzeko ezohiko prozesutik kanpo uztearen deuseztapena berretsi du azken epaiak.
Bikote bat epaituko dute Donostian, bi hilabeteko haurra astinduz haren bizia arriskuan jartzea egotzita
Zazpi urte eta zazpi hilabeteko espetxe-zigorra eskatu dute bikotearentzat. Haurrak lesio larriak jasan zituen 2023ko urrian jasandako astinduengatik.
Hasi da Lekeitioko Antzar Eguna!
Hasi da Lekeitioko Antzar Eguneko Antzar Jaiaren 2025eko edizioa. Gozatu festa osoaz, zuzenean, ETB1en eta eitb.eus-en.
Markina-Xemeingo zesta-punta komunitateari omenaldia eginez ospatuko du Eusko Jaurlaritzak Euskal Diasporaren Eguna
Mikele Irazusta diasporako artista argentinarrak diseinatutako mural bat sortuko du astelehenean bertan Markina-Xemeinen, dantza tradizionalak, stand kulturalak eta herriko eragileen eta Saint-Pierre eta Mikeluneko dantza taldearen partaidetza bilduko dituen jardunaldiaren barruan.
Hiru pertsona atxilotu dituzte Iruñean, etxebizitza abandonatu batean beste bati erasotzea egotzita
Akusatuak, 20, 21 eta 25 urtekoak, aske geratu dira. Ostegun goizaldean jazo zen istilua, Errotazar kalearen eta Arantzadiko Inguruneko kalearen arteko etxebizitza batean.
Justiziak Hondarribiko Alardea arautzen duen udal dekretua babestu du
Hondarribiko alkateak epailearen erabakia errespetatzeko eskatu du, tentsioak saihesteko.
Hainbat iruzur saiakerak alertan jarri dituzte Bizkaiko loteria-administrazioak
Joan den astean Bilboko Ledesma loteria-administrazioari 10.000 euroko iruzurra egiten saiatu ziren, Gabonetako 500 dezimo erosita. Horrelako iruzurrak egiteko, iruzurgileek transferentzia bat egiten dute hackeatutako kontu batetik, eta bankuak edo kontuaren jabeak eragiketa ezeztatu aurretik jasotzen dituzte dezimoak. Ledesma loteria-administraziotik Bizkaiko Loterien Ordezkaritzari ohartarazi zioten, gainerako administrazioei gertatzen ari zenaren berri eman ziezaieten.
Pertsona bat atxilotu dute Irunen etxebizitzetan gauez lapurtzeagatik
23 urteko lapurra etxebizitzetara sartzen zen bertan bizi zirenak lo zeudela. Lapurra hainbat aldiz atxilotu dute antzeko delituengatik.
Radio Vitoriak argi, irudi eta soinu ikuskizun hunkigarri batekin ospatu du bere 90. urteurrena
'Batzen gaituen ahotsa' lana azken 90 urteetako gertaera garrantzitsuenen atzera begirako ikuskizun erakargarria izan da, irratiaren soinuaren bidez, dantza eta musika emanaldiak biltzen dituen eszenaratzeaz lagunduta.