Helio puxikekin zintzilikatutako dantzari batek Eguberriei hasiera emango die Donostian
Eguraldiak horretarako beta ematen baldin badu, Urumea ibaiaren gainean helio puxikekin zintzilikatutako dantzari batek Donostiako Eguberriei hasiera emango die azaroaren 26an. Gainera, Gabonetako azokak 41 kaseta izango ditu, eta 180.000 bonbilla baino gehiagok hiria argiztatuko dute.
Eguberrietako beste ikuskizun batzuk izango dira Gipuzkoako hiriburuan: argizko ibilbideak, 240 arkuren bidez, zenbait bola, 170 farola eta apaingarri mota ezberdinak, 140 kaletan, erdialdean zein auzoetan, argi sabaiak Alde Zaharrean zein Alderdi Ederreko noria erraldoian.
Erakunde publikoen zein entitate pribatuen "esfortzu partekatuari esker Gabonetako magia berreskuratuko du Donostiak", adierazi du Marisol Garmendia Bultzada Ekonomikorako zinegotziak Udalbatza aretoan.
Zinegotziak jakitera eman duenez, argiteriaren aurrekontua 410.000 eurokoa da aurten (2019an baino % 4 gehiago, eta 2020koaren bikoitza). Horietatik 230.000 euro babesleen ekarpena izango dira. Garmendiaren ahotan, "esfortzu garrantzitsua da", baina merezi du "nolabaiteko normaltasunarekin ospatuko diren lehen Eguberriak direlako". Merkataritza, ostalaritza eta turismoa "suspertzeko" helburua dute, erantsi duenez.
Ospakizunak datorren ostiralean hasiko dira; Paraddax konpainiako dantzari batek ibaiaren gainetik hegan egingo du helio puxikekin, koreografia ezberdinak eginez, Mari Kristina Zubi inguruan.
Hala ere, euria egiten badu edo haizearen ufadek 20 kilometroko abiadura gainditzen baldin badute ez da dantzaririk izango segurtasunagatik. Ikuskizuna 300 puxika biodegradagarri askatuz amaituko da. Ondoren Urumea ibaitik su artifizialak jaurtiko dituzte.
Eguberrietako azoka
Gabonetako azokak berriz zabalduko ditu ateak. Frantzia Pasealekuan 27 kaseta izango dira, eta beste 14 Ramon Labayen plazan, Maria Kristina hotelaren alboan. Jendea zenbatzeko dispositibo batek eta beste irtenbide adimendun batzuek publikoaren sarrera kontrolatuko dute, pandemiaren bilakaerak okerrera eginez gero, aforoari mugak jarri ahal izateko.
Era berean, azokak bertsio digitala izango du iaz bezalaxe, www.dssmarketplaza.eus atarian, % 15eko beherapenekin eta % 30eko hobariarekin 20 euroko gutxieneko gastua eginda. Gainera, etxera doan bidaliko dute erositakoa.
Argiteria
Argiteriari dagokionez, hiriko irudi ikonikoek errepikatuko dute, hala nola, Kontxako baranda, Chillidaren Haizearen Orrazia edo Basterretxearen eskulturak, baita Urumea ibaiaren gaineko kuboak ere, arkuak erdialdeko zubietan eta Alderdi Ederreko bola erraldoiak.
Kursaal zubiko farolak argiz jantziko dira, baita Alde Zaharreko kale batzuk ere, argi "sabaiak" izango dituzte. Bitartean, 36 metroko noriak hiriko ikuspegi ezin hobeak eskainiko ditu berriro, iaz ez baitzuten jarri.
Zure interesekoa izan daiteke
Bilboko Udalak ez du atxilotuen jatorria argitaratuko "ekarpenik ez duelako egiten" eta "delituzko jarduera ez duelako justifikatzen"
Bilboko Udaleko osoko bilkurak PPren proposamen bat eztabaidatu du ostegun honetan, atxilotuen nazionalitatea publiko egitearen alde egiten zuena, eta Elkarrekin Bilbaoren beste bat, hori saihestea eskatzen zuena. Testu horien ordez, gobernu taldeak (EAJ-PSE) porposatutako aldaketa-zuzenketa bat onartu da -EH Bilduk babestu du, PPk aurka bozkatu du eta Elkarrekin abstenitu egin da-, zeinak gobernu taldeari eskatzen dion segurtasun-politika eta bizikidetza indartzeko, segurtasun itunaren esparruan.
Adingabeen aurkako sexu-indarkeria digitaleko kasuen epaiketak gehiegi luzatzen direla salatu du Save the Childrenek
GKEak salatu duenez, prozesuen % 60 baino gehiago hiru urte edo gehiago luzatzen dira, eta Interneten haurren aurkako sexu-delituengatik jarritako salaketak % 13 hazi dira bi urtean.
Futbol emankizunak pirateaturik ematen dituzten tabernak salatzea 50 eurorekin sarituko du Ligak
Futbol emankizunen legez kanpoko emisioen aurka borrokatzeko estrategian, klub profesionalen patronalak salaketa-kanal "azkarra, intuitiboa eta konfidentziala" eskainiko du, kontsumitzaileek ostalaritza-establezimenduak salatu dezaten, 50 euroren truke.
"Datuetan oinarrituta, kronifikazio patroi bat identifikatzen bada" erabakitzen da ikastetxe bat fusionatzea edo ixtea, Pedrosaren hitzetan
Euskadi Irratiko Faktoria irratsaioan egindako elkarrizketan Begoña Pedrosa Hezkuntza sailburuak azaldu duenez, matrikulazio datuak urtetik urtera murrizten doazen ikastetxeak itxiko dira, besteak beste, eta "aldaketa estruktural hori" ikastetxe horien zuzendaritzarekin adosten dira beti.
Ikastetxe publikoen itxierak "lanpostuen amortizazioa" duela helburu salatu dute sindikatuek
Steilasek, ELAk eta CCOOk adierazi dutenez, Eusko Jaurlaritzak hurrengo ikasturtean ikastetxe batzuk fusionatu eta itxi nahi izatea "Hezkuntza Sailak azken urteotan darabilen utzikeriaren isla da". Gainera, gogor kritikatu dute Segregazioaren aurkako Mahaia "ekiteko asmorik" ez duela, lau aldiz bildu den arren.
Albiste izango dira: iraungitako txertoak, traktoreak kalera Bilbon, Gasteizen eta Iruñean eta Iran eta AEBren arteko tentsioa
Gaurkoan Orain-en albiste izango direnen laburpena, bi hitzetan.
Zer bide egiten du txerto batek inori jarri aurretik?
Osasun sailburuak onartu du iraungitako txertoen kasua "errakuntza" baten edo "errakuntza kate" baten ondorio dela, hainbat kontrolek huts egin dutelako. Hauxe da txerto batek egiten duen bidea, laborategietara eskatzen denetik injektatzen den arte.
Chemsex praktikaren arrisku bikoitzaren aurrean "prebentzio konbinatua" gomendatu du Osasun Sailak
Drogen kontsumoa eta sexu harremanak uztartzen ditu, eta horren aurrean "prebentzioa giltzarri da", "STIak gero eta ugariagoak" direlako, gainera.
Osakidetzak "lehenbailehen" beste txerto bat jarriko die abenduan eta urtarrilean iraungitako txertoa jaso zutenei
Osasun sailburuak azaldu duenez, 103 pertsonari jarriko diete beste dosi bat; abenduaren 1etik urtarrilaren 15era bitartean iraungitako lote bateko txerto hexabalentea jaso zuten pazienteek hartuko dute txerto hori, eta ia denak haurrak dira.
Zarauzko Masta Tabernako Javier Ochoa eta Garikoitz Arruabarrena 2026ko Sukaldari Berri Onenak izendatu dituzte
Bederatzi hautagaitza iritsi dira finalera. 32 eta 33 urteko sukaldariek saria "harriduraz, emozioz eta esker onez" jaso dute eta ziur agertu dira aitortza horrek "bultzada izugarria" emango diela.