Neguko eguraldia asteburuan: tenperaturak jaitsi egingo dira, euri asko egingo du eta 400 metrora zurituko du
Asteburu honetan neguko eguraldia izango dugu Euskal Herrian, tenperatura hotzekin, zeru estaliarekin eta, batez ere, prezipitazio askorekin, txingor moduan izan daitezkeenak, eta itsasoan ezegonkortasun handiarekin, EITB Mediaren Eguraldia zerbitzuaren iragarpenaren arabera.
Ostiralean euri gutxiago egingo du, baina euria egiten jarraituko du, batez ere Kantauri isurialdean. Hodeiak ugariak izango dira eta tenperaturak ez dira aldatuko edo apur bat jaitsiko dira. Haizeak ipar mendebaldetik joko du, baina arratsaldean mendebaldetik finkatuko da, eta boladaka ibiliko da kostaldetik gertu. Elur kota, 1.000 metro inguruan, 1.200 metrora igoko da gauean.
Larunbatean negu-eguna izango dugu. Prezipitazioak oso ugariak izango dira, batez ere ipar partean; gainera, ekaitzak eta txingorra ere bota dezake, batez ere egunaren bigarren partean. Horri ipar mendebaldeko haize gogorra gehitu beharko zaio, bolada gogorrekin eta oso gogorrekin haizeguneetan, batez ere itsasertzean. Tenperaturak apur bat behera egingo du; maximoak 8-9 gradu ingurukoak izango dira kostaldean eta 5-6 gradu ingurukoak barnealdean. Elur kota jaisten joango da, eta 800-900 metro inguruan kokatuko da goizaldean, 600-800 metro inguruan eguerdian, eta 400-600 metro inguruan egunaren bigarren partean. Gainera, ekaitz-guneetan elur kota puntualki baxuagoa izan daiteke.
Larunbatean Euskalmetek abisu horia ezarri du prezipitazio iraunkorrengatik Kantauri isurialdean egun osoan zehar. Gainera, beste abisu hori bat ezarri dute barnealdean egun osoan zehar, elurragatik; eta, azkenik, beste abisu hori bat indarrean egongo da itsasaldeko arriskuagatik, nabigaziorako lehen bi milietan, egun osoan ere.
Igandean ezegonkortasunak bere horretan jarraituko du. Zerua oso hodeitsu edo estalita egongo da, eta prezipitazio txiki-ertainak egingo ditu; Kantauri isurialdean oso ugariak eta iraunkorrak izango dira, eta trumoitsuak izateko eta txingorra egiteko probabilitatea dago. Elur kota 400-600 metro inguruan kokatuko da, eta egunaren amaieran 1.000-1.200 metro inguruan kokatuko da. Ipar mendebaldeko haize bizia ibiliko da, bolada gogorrekin eta oso gogorrekin haizeguneetan. Tenperatura apur bat jaitsiko da eta izotza egingo du mendi inguruetan eta Araban.
Eguraldiaren inguruko informazio eguneratua izateko, eitb.eus-en ikus dezakezu noiznahi, eta zure argazkiak bidali.
Zure interesekoa izan daiteke
Teruelgo aireportua hegazkinez beteta dago, ezin direlako Ekialde Hurbilera itzuli gerraren ondorioz
Ostiral honetan 10 hegazkin komertzial lurreratu dira, gehienak Qatar Airlines konpainiakoak. Teruelgo aireportua 140 hegazkinen aparkaleku izan zen pandemian.
Athleticek gaitzetsi egin ditu Jon Uriartek jasotako mehatxuak eta bere “babes osoa” adierazi dio
Erakundeak adierazi duenez, "errespetua irmo aldarrikatuz baino ez dugu gizarte eta Athletic hobea eraikiko".
Martxoaren 23an irekiko dute Osakidetzako EPErako izen-ematea
Probak ekainaren 19an, 20an eta 21ean egingo dira, eta horietan LEP eredu berri bat ekarriko du: test motako azterketak egingo dituzte eta nota hurrengo deialdietarako erreserbatuko da.
Euskal Herrian Euskarazek CCOO sindikatuaren mehatxua salatu eta mobilizatzeko deia egin du
Euskal Herrian Euskarazen agerraldia. Argazkia: EITB Media
Ramadanaren amaiera jendetsua Euskal Herrian
Ehunka musulman bildu dira Gasteizen eta Zumarragan islamaren hilabeterik sakratuenari agurra emateko. 2026ko otsailaren 17tik martxoaren 19ra arte, musulmanek abstinentzia egin dute egunez. Argia egon den orduetan, ez dute jan, ez dute edan (ezta urik ere), ez dute erre eta ez dute sexu-harremanik izan.
Athleticeko presidenteak jazarpena eta mehatxuak salatu ditu
Jon Uriartek Ertzaintzaren aurrean salatu duenez, futbolarekin lotutako gazte erradikalak bere etxeko atarian sartu dira eta mezu iraingarriak utzi dizkiote.
Luzaiden dantzan, Korrikaren lekukoa eskuan!
Arnegitik Luzaiderako bidean, Luzaideko Bolantak taldeak dantzan hartu du Korrikaren lekukoa. 126. kilometroan izan da, 04:00ak aldera. Azken urteotako tradizioari eutsiz, dantzan jarri dira lekukoa hartu dutenean.
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.