Euskal Herria abisu horian jarri dute berriro euriagatik eta elurragatik
Astearteko atsedenaldi laburraren ostean, euria eta elurra bueltan dira Euskal Herrira. Hala, muturreko bi fenomeno meteorologiko horiengatik abisu horiak ezarri dituzte Eusko Jaurlaritzako Segurtasun Sailak Euskal Autonomia Erkidegoan (EAE) eta Aemet Espainiako Meteorologia Agentziak , Nafarroan.
EAEn, prezipitazio iraunkorrengatik ezarritako abisu horia eguerdian sartu da indarrean eta biharko 12:00etara egongo da indarrean. Euskalmeten iragarpenaren arabera, baliteke 24 ordutan metro koadroko 50-60 litro baino gehiago pilatzea Bizkaiko eta Gipuzkoako hainbat tokitan. Halaber, egunaren amaieran trumoi-ekaitzak jo eta txingorra egin dezake.
Nafarroan ere, isurialde atlantikoan, abisu horia ezarri dute eta bihar, osteguna, 12:00ak arte egongo da indarrean. 80 mm-ko prezipitazioa pilatu daiteke 24 orduko epean.
Eguraldiaren iragarpenaren arabera, hodeiak ugarituz joango dira eta zerua estaltzen joango da. Arratsaldeko lehen orduetan, aldaketa barnealdera zabalduko da, eta arratsalde-gaua grisa eta euritsua izango da. Tenperaturak ere egingo du behera, maximoak ez dira 12 gradutik pasatuko eta minimoak -1 eta 8 gradu artekoak izango dira.
Gainera, ostegun gauerditik aurrera elur kota jaisten joango da, eta 1000 metrotik behera egin dezakeela eta, abisu horia ezarri du Segurtasun Sailak Bizkaiko eta Gipuzkoako barnealdean eta Araba osoan. Abisua 18:00ak arte egongo da indarrean. Elur maila 1000 metro inguruan egongo da; goizaldean jaitsi egingo da, 900-800 metrora kokatuta, noizbehinka beherago. Arratsaldean, ordea, gora egingo du (1000-1100 metrora). 1.000 metrora 5-15 cm-ko lodierak pila daitezke.
Nafarroan isurialde atlantikoan eta Pirinioetan egongo da indarrean elurrarengatik ezarritako abisu horia. Isurialde atlantikoan, 600 metrotik gora metatzea espero da, eta baliteke 24 orduan 4 zentimetroko lodiera harrapatzea. Nafarroako Pirinioetan, elurrak 10 zentimetroko lodiera harrapatuko du 24 orduko epean 1.000 metrotik gora. Bi abisuak abenduaren 3ko gauerdian (00:00) indargabetuko dira.
Pirinio Atlantikoetan, zonalde menditsuetan, abisu horia ezarri dute 06:00etan elur-jausiengatik, eta abisu hori osteguneko 06:00ak arte egongo da indarrean.
Zure interesekoa izan daiteke
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.