Ehunka lagun bildu dira Donostian, "covid pasearen inposaketa" salatzeko
Bizitza plataformak deituta, jende andana bildu da gaur arratsaldean Donostian, "covid pasearen inposaketa" salatzeko. Izan ere, neurri horrek "diktadura esparru bati bidea irekitzen" diola eta "diskriminazioa eta jazarpena eragiten" dituela uste dute.
17:00etan abiatu da Boulevardetik Eusko Jaurlaritzaren covid neurrien kontra protesta egiteko manifestazioa. "Osasunaren eta askatasunaren alde", "Osasunaren alde? Inposizioa diskriminazioa da", "Eskoletan arnastu" zioten pankartak ikusi dira eta antzeko leloak entzun dira, gaztelaniaz gehienak.
Euskal Herri osoko 35 elkarte biltzen ditu Bizitza plataformak eta aurrez ere egin dituzte hainbat protesta, maskaren erabileraren kontra, besteak beste.
"Txertoa hartu dutenen eta hartu ez dutenen artean ez dago kutsatze desberdintasunik", adierazi dute antolatzaileek, eta, hori dela eta, covid pasea "kontrol soziala" eta "hainbat eta hainbat lege" urratzen dituen neurria dela uste dute.
Ibilbidea hasi eta gutxira, Bizitzako ordezkariak bildutakoei zuzendu zaizkie, eta covid paseak gizartea "banatu" eta "aurrez aurre" jarri nahi duela salatu dute.
Plataformak "baliabideak" behar dituela esan du Bizitzako ordezkari batek eta euren helburua "komunikabide propioak", "osasun-sistema propioa" eta "hezkuntza propioa" sortzea dela gaineratu du.
Gaur egun Euskal Herri osoan eskatzen da covid pasaportea hainbat esparrutan: ostalaritzan, kultur zein aisialdi jarduera handietan, gimnasioetan etab. Administrazio bakoitzak ezartzen du bere erabilera:
- Covid pasaportearen erabilera EAEn
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.