55 urtetik gorako herritarrek gaurtik eskatu ahal izango dute errefortzu-dosia jasotzeko hitzordua
55 eta 59 urte bitarteko pertsonek gaur arratsaldetik aurrera eskatu ahal izango dute hitzordua Osakidetzaren webgunean covid-19 txertoaren errefortzu-dosia jasotzeko, Gotzone Sagardui Osasun sailburuak gaur jakitera eman duenez.
Herritarrei txertoa hartzera joateko eskatzearekin batera, eskatu die Osakidetzaren aginduei jarraitzeko eta "bihar arratsaldera arte itxaroteko webgunearen bidez hitzordua eskatzeko".
Sailburuak Legebiltzarreko batzordean egindako asteroko agerraldian egin du iragarpena, eta azaldu du bere saila lanean ari dela AstraZenecarekin immunizatutako pertsonentzako errefortzu-dosiak jartzeko antolaketan.
Emandako datuen arabera, 60 urtetik gorakoen % 79,6k badu dagoeneko errefortzu-dosia. 6 eta 11 urte bitarteko neska-mutikoei dagokienez, joan den asteazkenean hasi ziren haiei txertoa jartzen, eta 15.269 dosi jarri dituzte jada, lehen dosia jaso duten horietatik 1.644k dosi bakarra beharko dute, gainera, infekzioa pasa dutelako dagoeneko.
Sailburuak nabarmendu duenez, txertaketa martxa onean doa, eta "eguneko albiste on bakarra da planifikatutakoaren arabera" doala. Izan ere, egunero 1.000 positibo baino gehiago diagnostikatzen jarraitzen direla gogorarazi du, igande honetan 1.607, hain zuzen ere.
"Ez dago aitzakiarik txertoa ez hartzeko, kutsatzeak saihesteko ezarritako neurriak ez betetzeko, eta ebidentzia zientifikoak eta esperientziak gomendatzen dituzten gomendioak ez betetzeko", azpimarratu du.
Zure interesekoa izan daiteke
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".
Euskal eskola publikoen "itxierak eta bat-egiteak" itunpeko ikastetxeei "artifizialki eusteko" direla salatu du Sumarrek
Sumar Mugimenduak, Ezker Anitza-IUk eta Berdeak Equok "Hezkuntza publikoaren aldeko frontea" ekitaldia egin dute larunbat honetan Santurtzin, EAEko hezkuntza publikoaren egoera aztertzeko.
Osakidetzak iaz jarritako 168.000 txerto berrikusiko ditu, balizko gorabeheren bila
Gripeari eta COVID-19ari aurre egitekoak izan ezik (seguru dakite horiek ez zeudela iraungita), 2025ean inokulatutako guztiak aztertuko dituzte, badaezpada.
Elurrak eta izotzak zirkulazioa zaildu dute zenbait mendatetan larunbat honetan
Bernedoko mendatea itxita dago, errepidean elurra pilatu baita. Azazetan, Kurtzetan, Herreran edo Urduñako mendatean arreta handiz ibili behar da, eta Opakuan eta Izaban kateak behar dira.