Gabonen atarian, koronabirusari aurre egiteko neurriak gogortzen hasi da Europa
Gabonak ate joka ditugula, eta omikron aldaeraren mehatxua dela eta, Europa neurriak gogortzen hasi da, besteak beste, ekitaldiak bertan behera uzten, edukierak murrizten, ostalaritza ixten edo bisitarientzako baldintza berriak ezartzen.
Irlandan adibidez, kutsatzeen olatua geldiarazteko asmoz, atzotik, ostatuak, zinemak eta antzokiak 20:00etan ixten hasi dira. Neurri horiek urtarrilaren 30era arte egongo dira indarrean.
Alemaniako Gobernua eskualdeko buruzagiekin bilduko da gaur, omikron aldaeraren aurrean zer neurri hartu adosteko. Atzo hedabideetara filtratutako zirriborro baten arabera, Olaf Scholz kantzilerrak eta eskualdeetako gobernuburuek abenduaren 28tik aurrera pauta osoa duten pertsonen arteko bilkurak hamar pertsonara mugatzea adostuko dute, eta, immunizatu gabeko pertsonen kasuan, familia nukleora.
Gainera, kutsatze kopuru handia duten eskualdeetan, dantzaleku eta diskotekak ixtea eta ekitaldi handiak bertan behera uztea aurreikusten da.
Erresuma Batuak zuhurtasunez jokatzeko eskatu die herritarrei Gabonetan egingo dituzten familia-bilkurei begira, baina baztertu egin du murrizketa gehiago ezartzea. Britainia Handiko Gobernuak berriki ezarri zuen derrigorrezkoa dela maskara eramatea garraio publikoan eta espazio itxietan, eta covid pasea aurkeztea, pertsona bat txertatuta dagoela edo test negatiboa duela frogatzeko, ekitaldi handietan sartzeko.
Hala ere, zientzialariak ez daude ados eta Gobernuak beste urrats bat eman behar duela eta muga gehiago ezarri behar dituela uste du, hala nola harreman sozialak hiru etxetako kideetara mugatzea edo abenduaren amaieratik aurrera diskotekak ixtea.
Danimarkan, hilabete itxi dituzte antzokiak, zinemak eta kontzertu aretoak, baita jolas-parkeak eta museoak ere, eta Herbehereetan konfinamendu zorrotz bat ezarri dute asteburuan. Urtarrilaren 14ra arte egongo da indarrean eta funtsezkoa ez den jarduera guztia itxita egongo da, baita ikastetxe eta unibertsitateak ere.
Frantzian, urte berri gauean egitekoak ziren kontzertuak eta su artifizialak bertan behera uzteko eskatu die Gobernuak alkateei.
Neurri horiez gain, hainbat herrialdek murrizketak gogortu dituzte edo zuzenean lurralde jakin batzuetatik etorritako herritarrei sarrera galarazten diete. Irlandak, Portugalek, Italiak eta Greziak adibidez, covid-19 proba negatiboa eskatuko diete bidaiari europarrei, baita txertatutakoei ere.
Italian, txertoa jaso ez dutenek bost egun igaro beharko dituzte berrogeialdian, eta EBtik kanpoko herrialdeetatik datozenek ere gauza bera egin beharko dute.
Zure interesekoa izan daiteke
Kontrolpean dute goizaldean Gueñes inguruetan piztu den baso-sutea
Sutea ez da handia, baina iristeko leku zailean dago, eta horrek zaildu egiten du egoera, baita boladaka oso gogor jotzen duen haizeak ere. Haizea dela-eta, oraingoz ezin izan diote suari airez aurre egin. Ez dago etxerik inguru horretan, eta ez da inor zauritu, baina Bi-3651 errepidea itxi dute Zaramillo eta Quadra artean.
Madrildik eta Alacantetik zetozen bi hegaldik ezin izan dute Bilboko aireportuan lur hartu haizeagatik
Madrildik zetorren hegaldiak 07:40an lur hartu behar zuen Loiuko aireportuan, baina Madrilera itzuli da. Alacantetik zetorrena, berriz, Forondara desbideratu dute.
Albiste izango dira: Gau Beltza, 'Arestiren etxekoak' hizketaldi musikatua eta Bizkaiko 2026ko Aurrekontuak
Gaurkoan Orainen albiste izango direnen laburpena, bi hitzetan.
Gau Beltza: Non gozatu urteko gau iluneneko jarduera beldurgarrienez?
Halloween baino zaharragoa den euskal tradizioarekin bat egiten dute Euskal Herriko herri askok: uztaren amaiera eta neguaren hasiera ospatzeko eta hildakoak oroitzeko festa zen Gau Beltza edo Arimen Gaua deiturikoa, eta azken urteetan indarrez itzuli da gurera.
Nola bizi dute Hildakoen Eguna Euskal Herrian bizi diren mexikarrek? “Mexikon heriotza alaitasunez ospatzen dugu”
Tapachula jatetxeko Kattyk, Mexikotik urrun, Hildakoen Eguna nola bizi duen kontatu digu: “Bertan ez daudenak alaitasunez gogoratzeko ospakizuna da”.
Santurtziko Udalak aurreikusi du ostiralean sartu-irteerak egin ahal izango dituztela hondoratze baten ondorioz euren etxebizitzetan konfinatutako auzokideek
Debido a la gravedad del suceso, el Ayuntamiento de Santurtzi, de forma subsidiaria, va a acometer los trabajos, ya que se trata de una zona privada. Las labores ya se han iniciado y se espera que mañana los vecinos puedan acceder a las viviendas.
Espetxera bidali dituzte sexu-erasoa egiteagatik Iruñean atxilotutako lau gizonak
El auto afirma que existe “riesgo grave de fuga y de ocultación de pruebas” y se les imputa un delito de agresión sexual y otro de robo.
Zallan trenak harrapatuta hildako gidaria banatzaile lanetan ari zen, ELAren arabera
Sindikatuak zabaldu dituen datuek diote aurten lanean hil diren pertsonen % 29 gidariak izan direla eta jasaten dituzten “lan erritmo altuak” salatu ditu.
Bilboko Aste Nagusia, noiz? Eztabaida puri-purian dago kalean
Bilboko jaiak, normalean, abuztuaren 15aren ondorengo lehen larunbatean hasten dira, eta hori dela-eta, aurten oso goiz izan dira, 16tik aurrerako astea. Horrek ondorio nabarmena izan zuen jendearen erantzunean: jende gutxiago ibili zen lehen egunetan, eta, besteak beste ostalariak oso haserre ziren. PPk eskatuta udalean aztertu dute jaiak beti azken astean izatea, baina proposamena ez da atera. Hori bai, afera kalean puri-purian dago.
Kamerak ikasgeletan: Sindikatuak kexu, Hezkuntzak dio helburu pedagogikoa dutela
Sindikatuek salatu dute hezkuntza komunitateak ez dakiela kamerak zein helbururekin jarri dituzten. Gainera, haien ustez, irakasleen gaineko kontrola handitu eta ikasleen intimitatea urratzen du. Hezkuntza Sailak oharra bidali du ikastetxeetara, azaltzeko helburua pedagogikoa dela, ikastetxe bakoitzak erabakiko duela zenbat kamera eta non jarri, eta irakasle bakoitzak izango duela kamera piztu eta itzaltzeko aukera.