132 eta 80 positibo zenbatu dituzte Bizkaiako eta Gipuzkoako adinekoen egoitzetan
Bizkaiko eta Gipuzkoako adinekoen egoitzetan 132 eta 80 positibo aktibo daude, baina azken egunetan ez da inor hil koronabirusagatik. Bizkaiaren kasuan, kutsatzeak hirukoiztu egin dira hiru egunetan eta 20 pertsona ospitaleratu behar izan dituzte. Gehienek aurretiazko patologiak ere badituzte. Gipuzkoan, 34 egoiliar daude koronabirusaren erreferentziazko zentroetan.
Bizkaiko Foru Aldundiak jakinarazi duenez, 132 kasu aktibo zeuden Bizkaiko adinekoen egoitzetan abenduaren 30ean. Horietatik, 13 pertsona ospitaleratu behar izan dituzte. Hala ere, azken egunetan ez da inor hil.
Duela urtebete, 2020ko abenduan, Bizkaiko egoitzetan 120 positibo zeuden, aurten baino 12 gutxiago; 31 ospitaleratuta zeuden, eta 20, berriz, aurten. Epe horretan bi pertsona hil ziren iaz.
Gaur egun, Bizkaiko adinekoen egoitzen sarean dauden 154 zentroetatik 29tan sartu da birusa.
Gipuzkoako adinekoen egoitzetan 80 positibo zenbatu dituzte eta ez da inor hil, atzo Gipuzkoako Foru Aldundiak emandako datuen arabera.
Hauek dira positiboak dituzten egoitzak: Zumaiako San Juan (15), Donostiako San Ignacio (14), Aldakonea (8) eta Rezola (2), Mutrikuko San Miguel (6), Zestoako San Juan (3) Errenteriako Sagrado Corazon (2), Zumaiako Otezuri (1), Tolosako Uzturre (1), Lasarteko Atsobakar (1) eta Donostiako Berra (1).
Albiste gehiago gizartea
Kanoikadaren eztandak 'lehertu' egin du Donostiako Aste Nagusia
Elikagaien Bankuaren eta Amara Berriko Auzo Elkartearen kanoikadak hasiera eman dio musikaz eta 380 jarduera baino gehiagoz beteriko zortzi eguneko jaiari; eta, nola ez, Suen Nazioarteko lehiaketaren 60. edizioa izango dugu aurten.
Adingabe bat atxilotu eta hamar ikertzen ari dira uztailaren 20an Azpeitian izandako istiluengatik
Desordena publikoak eragitea eta agintaritzaren agenteen aurkako atentatua egitea egozten diete guztiei. Atxilotua, 16 urtekoa, aske utzi dute, beharrezko polizia-eginbideak bukatutakoan.
Beroak hauspotuta, zimitz izurritea Gorraitzen
Gorraitz herrian sekulako amesgaiztoa bizi dutela salatu dute bizilagunek. Beroak hauspotuta, astebete baino gehiago da zimitz izurrite batek herria hartu duela. Egoera horren aurrean, fumigatzeaz gain, prebentzio-neurriak ere exijitu dituzte herritarrek. Bideoan, Javier de Arbizu eta Ane Irigoien bizilagunek azaldu dute egoera.
Gasteiztarrak jaien amaiera borobilaz gozatzen ari dira, Zeledoni agur esan aurretik
Kalejirek eta txarangek hiriko kaleak girotu dituzte egunean zehar, aurreko egunetan bezala, eguraldia lagun zutela. Goizaldean, egunerokora itzuliko dira, txokolatea eta bizkotxoak hartu ondoren.
Ehunka lagun bildu dira Bilbon Palestinaren alde
Bilbo-Palestina herri ekimenak elkarretaratzea egin du Plaza Biribilean, Palestina askatzea eskatzeko eta Netanyahu "gizateriaren aurkako krimenengatik" salatzeko.
Bizkaiko hondartzak, karabela portugesik gabe
Larunbat honetan Bizkaiko kostaldeko hondartza guztietan bainua hartzeko aukera izango dugu, marmokarik gabe.
Auto-gidari bat hil da Tolosan, autobus batekin talka eginda
Lurraldebusek aldi baterako eten du zerbitzua Ibaiondo kaleko 1. eta Larramendi kaleko 8. atarien pareko geralekuetan.
30 bat pertsona etxetik atera dituzte Elgoibarren, eraikin batean piztutako sute baten ondorioz
Sua 00:30 aldera piztu da, San Bartolome kaleko eraikin batean, eta ez da inor zauritu. Kaltetutako pertsona gehienak goizean itzuli dira etxera.
Mozketak N-1 errepidean, Ordizia parean, pantaila akustikoak jartzeko obrengatik
Obrek eragina izango dute eskuineko erreian eta Gasteizko noranzkoan sartzeko adar batean, larunbat goizetik igandera arte.
Gizon bat atxilotu dute Donostian, hainbat adingaberi sexu-erasoak egitea egotzita
Gizon horrek 27 urte ditu, eta epaileak behin behinean espetxeratzeko agindu du, adingabe batzuen sexu-askatasunaren aurkako delituak egotzita.