Arabako, Bizkaiko eta Gipuzkoako ikastetxe batzuetako haurrak ostiral honetan itzuli dira ikasgeletara
Gabonetako oporrak amaituta, lehen eskola eguna dute gaur Arabako, Bizkaiko eta Gipuzkoako zenbait ikastetxetan. Hala ere, haur gehienak astelehenean itzuliko dira ikasgeletara. Nafarroan ere, astelehenean bueltatuko dira. Eskolak aurrez aurrekoak izango dira, baina osasun neurriak zorroztuta.
Oporren aurreko egoerarekin alderatuta, aldaketa nagusia da sei urtetik gorakoek maskara jantzi beharko dutela atzera jolastokian eta burbuila ikasgela izango dela berriro, ez ikasturtea. Gainera, eskola kiroleko lehiaketak bertan behera geldituko dira eta entrenamenduak soilik egingo dira. Hala ere, eskola kirolari buruzko eskumena foru aldundiena da.
Sukarra edo covid-19arekin bateragarria den beste sintomaren bat duen ikasleak etxean geratu beharko du, eta koronabirusean positibo emanez gero familiak jakinarazi beharko dio Osakidetzari, webguneko galdetegia beteta.
Itzulera honetan argitzeke dago ikasleren batek positibo emanez gero txertatu gabeko ikaskideek zenbat egunetako itxialdia egin beharko duten. Espainiako Osasun Publikorako Batzordeak gaur edo astelehenean jakinaraziko du koarentenaren inguruko ebazpena. Gomendioa emango du eta autonomia erkidegoek erabakiko dute.
Astearteko bileran hainbat autonomia erkidegotako Osasun kontseilarik eskatu zuten koarentena horiek malgutzeko. Gaur-gaurkoz, txertaketa pauta osoa ez duten eta ikaskide positibo baten hurbileko kontaktua diren haurrek zazpi eguneko berrogeialdia egin behar dute. Egungo protokoloaren arabera, positibo horrekin 15 minutu igaro dituzten guztiak izango dira kontaktu estuak.
Itxuraz, koarentena malgutzearen alde egingo du Osasun Publikorako Batzordeak. Gela osoak ez ixtea gomenda dezake, agerraldirik ez bada, eta 4 kasutik gora izan beharko dira agerralditzat hartzeko. Adituen gomendioari itxaron gabe, Madrilgo Erkidegoak eta Andaluziak ikasgela osoak ez ixteko erabakia hartu dute, aldebakarrez.
Koronabirusa tarteko, asko dira positibo eman dutelako edo kontaktu estu direlako oraingoz itzuli ezingo diren irakasle eta ikasleak.
Ipar Euskal Herrian dagoeneko amaitu dituzte Gabonetako oporrak, eta eskolara bueltan dira.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.