Bidasoa ibaiko ur biziek Irunen desagertutako migratzailearen bilaketa lanak zaildu dituzte
Ukrainako gerrak errefuxiatuen drama lehen lerrora ekarri badu ere, tragedia aspaldiko kontua dela ez da zalantzarik. Irun eta Hendaia lotzen dituen bidea da horren lekuko. Larunbatean, beste pertsona migratzaile bat desagertu zen Irunen, Bidasoa ibaia zeharkatzen ahalegindu zenean, Lapurdira iritsi nahian. Harekin batera beste bi ahalegindu ziren bide bera egiten, eta horiek lortu zuten muga zeharkatzea.
Igandean, eguna argitzearekin bat, 08:00etan, berrekin diete bilaketa lanei, aurrez operatiboan parte hartu duten kide guztiek koordinazio bilera bat egin ondoren. Suhiltzaileak, ertzainak, guardia zibilak, Irungo udaltzainak, Gurutze Gorriko kideak eta Iparraldeko hainbat segurtasun-baliabide ari dira bilaketan parte hartzen. Larunbat arratsaldean, Santiago Zubiaren ingurua alderik alde miatu arren, ez zuten desagertutakoaren arrastorik aurkitu.
Azaldu dutenez hiru itsasaldi izan dira dagoeneko desagerpenaren berri izan zenetik eta, beraz, bizirik topatzeko itxaropena gero eta murritzagoa da.
Jose Antonio Fernandez 112ko eta Babes Zibileko teknikariak azaldu duenez, "gaur goizean, lanei berrekin diegunean, itsasbehera zegoen eta Bidasoa ibaia indartsuago zetorren, Nafarroan euria egin duelako, eta karga gehiago zeraman. Horrek zaildu egin du gure urpekarien lana", adierazi du.
Ertzaintzaren helikoptero bat batu zaie goizean desagertutako pertsonaren bilaketara lanei baina arratsaldeko lehen orduan bertan behera utzi dute saiakera.
Euskadi Irratian gaur goizean egindako elkarrizketan, Xabier Legarreta Eusko Jaurlaritzako Migrazio zuzendariak esan du "beste behin, bere aurpegiririk gogorrena" erakutsi duela Bidasoak. Horren hitzetan, inoiz baino beharrezkoagoak dira "giza-pasabide seguruak, bai Ukrainatik datozen errefuxiatuentzat, eta bai Afrikatik aspalditik datozenentzat ere". Eusko Jaurlaritza bide horretan lanean ari dela ziurtatu du.
Igande arratsaldeko 19:00etan eten dituzte bilaketa lanak eta astelehenean 08:00etan ekingo diote berriro bilaketari.
Larunbatean desagertutako pertsonaren heriotza baieztatuko balitz, 2022an Gipuzkoatik Lapurdirako bidean zeharkatu nahian zendu den lehendabiziko migratzailea litzateke. Iaz, beste hiru hil ziren Bidasoan itota, antzeko egoeran.
Halaber, iazko urrian hiru migratzaile hil ziren Ziburun, trenak harrapatuta, eta laugarren bat larri zauritu zen. Trenbidean lo zeudela, eguneko aldirietako lehendabiziko trenak harrapatu zituen eta bertan hil ziren.
Erakundeen "konpromisoa"
Hain zuzen, ostiralean Iñigo Urkullu lehendakariak eta Jean-Rene Etchegaray Euskal Hirigune Elkargoko presidenteak ekitaldi bateratua egin zuten Irunen, gerretatik ihesi dauden migratzaileak omentzeko eta arreta emateko baliabideak bisitatzeko. Iragarri zutenez, errefuxiatuei eman beharreko premiazko arretaren inguruko mahaian Ipar Euskal Herriko ordezkari bat egongo da.
Eusko Jaurlaritzak eta Euskal Hirigune Elkargoak migrazio-krisiaren aurrean "konpromiso humanitarioa" dutela berretsi zuten, azaroan sinatutako adierazpena gogora ekarrita, are gehiago "ukrainaren inbasiotik ihes egiten duten pertsonen etengabeko fluxua" ikusita.
Urkulluk azpimarratu zuenez, "Euskadi gerratik eta bidegabekerietatik ihesi doazen pertsonen ondoan egongo da''
Zure interesekoa izan daiteke
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.