Apirilaren 20tik aurrera maskarak ez dira barrualdean derrigorrezko izango
Musukoa ez da derrigorrezkoa izango barnealdeetan apirilaren 20tik aurrera, hau da, Aste Santuko jaiegunen ostean, Carlina Darias Osasun ministroak Lurraldearteko Osasun Batzordearen ondotik iragarri duenez. Bezperan, hilaren 19an, onartuko du arau berria Ministroen Kontseiluak.
Edonola ere, maskara nahitaezkoa izango da pertsona zuargarriak egon daitezkeen eremuetan: osasun-zentroetan, zentro soziosanitarioetan eta garraio publikoan.
Osasun zentroetako eta adinekoen egoitzetako langileek musukoa erabiltzen jarraitu beharko dute, baina egoiliarrak salbuetsita egongo dira, beste pertsona batzuekin konpartitutako eremuetan izan ezik.
Garraioan ere beharrezkoa izango da musukoa. Alabaina, dekretu berria argitaratzen dutenean zehaztuko dituzte zeintzuk izango diren baldintzak.
Ikastetxeetan jada ez dute maskararik erabiliko, egoera zaurgarrian egon daitezkeen irakasleei jartzea gomendatuko bazaie ere.
Lan-zentroetan, berriz, laneko arriskuen prebentziorako zerbitzuek erabakiko dute nola jokatu aurrerantzean. Hala ere, agintariek maskara erabiltzea aholkatu dute, baldin eta lana pertsona arteko 1,5 metrotik beherako distantzian egin behar bada eta ezin bada espazioaren aireztapen egokia bermatu.
Erabilera publikoko espazio itxietan ere musukoa erabiltzea gomendatu dute, hala nola saltokietan (merkataritza-zentroak, supermerkatuak edo saltoki txikiak); pertsonak jan eta edan gabe denbora ematen duten eremu itxietan (zinemak, antzokiak, kontzertu-aretoak eta museoak); eta pertsonak jaten eta edaten denbora batez egoten diren espazio itxietan (tabernak, jatetxeak eta gaueko aisialdirako lokalak).
Horrez gain, familia-ingurunean, lagunen bileretan eta ospakizun pribatuetan ere aholkatu dute maskararen erabilera.
Arratsaldean egindako agerraldian, Carolina Dariasek esan du "pandemiaren egoeraren arabera" hartu dituztela beti erabakiak, eta erantsi du "immunitate-maila oso altua delako eta osasun egoera ona delako" arindu dutela orain musukoaren erabilera.
Euskal Autonomia Erkidegoak bat egin du proposamenarekin, baina Gotzone Sagardui Osasun sailburuak bere desadostasuna agertu du dokumentua Lurraldearteko Kontseiluari helarazteko moduari dagokionez; izan ere, "behin betikotzat eman da Alerten Ponentzian egindako zirriborroa, lehenago autonomia-erkidegoetara bidali gabe eta atzo egindako Osasun Publikoaren Batzordetik igaro gabe".
Albiste gehiago gizartea
Nagore Laffage oroitu dute Iruñean, hil zutenetik 17 urte pasa direnean
Duela 17 urte hil zuen Jose Diego Yllanesek Nagore Laffage, honek 20 urte zituenean. Hura oroitzeko elkarretaratzean, dozenaka lagun bildu dira Astelehen Lilak elkarteak deituta, Asun Casasolari, Nagore Laffageren amari, babesa erakusteko. Musikaz jantzitako ekitaldian, besteak beste, Unai Hualde Nafarroako Parlamentuko presidentea, Joseba Asiron Iruñeko alkatea eta UPN, PSN, EH Bildu, Geroa Bai, PPN eta Contigo-Zurekin alderdietako ordezkariak ere izan dira.
Giako Andre Mariaren eguna ospatu dute Portugaleten
Ohitura den legez, uztailaren 1ean milaka pertsona gerturatu dira Portugaletera Giako Andre Mariaren eguna ospatzera. Egun osoko egitarau oparoa antolatu dute: prozesioaz gainera, jaitsierak, musika, herri-kirolak eta jokoak izango dira giroa alaitzeko.
Abian dira aldundiek eskaintzen dituzten udalekuak
Bizkaia, Araba eta Gipuzkoan 4.000 plaza baino gehiago eskaintzen dira 7 eta 13 urte bitarteko neska-mutilentzat. Horrez gain, 14 eta 17 urte bitarteko gazteentzat ere eskaintzen dira oporretako egonaldiak.
Argi berdea, sarreren birsalmentan prezioa igotzea debekatzen duen arauari
Espainiako Gobernuak argi berdea eman dio ikuskizunetarako sarreren birsalmentan prezioa igotzea debekatzen duen arau bati. Helburua da birsalmentan aritzen diren plataformek eta enpresek sortzen dituzten gehiegizko onurak eta espekulazioa geldiaraztea.
ELAk Bilboko Udala salatuko du, lan eskaintza publikoetan euskara maila jaisteagatik
Udalak %70etik %40ra jaitsi du 35 deialditan euskarazko hizkuntza eskakizunak egiaztatzeko baldintza eta, kasu batzuetan, erabat kendu du baldintza hori.
Nola eragiten die beroak gailu elektronikoei?
Tenperatura altuen eta bero-boladen ondorioak pairatzea ez da soilik gizakion kontua. Askotan, gailu elektronikoek, gure egunerokoan hain beharrezkoak direnek, funtzionatzeari uzten diote beroa dela eta.
Gasteiz eta Bilboko aireportua lotzen dituen autobus linea berria abian da
Lehenengo autobusa 4:30ean irtengo da Gasteiztik, eta, azkena, 21:45ean. Loiutik lehen eta azken zerbitzuak, berriz, 6:30ean eta 23:30ean izango dira, hurrenez hurren.
Aske utzi dute apirilean Bilbon gizon bat indarkeriaz hiltzeaz akusatutako gizona, kautelazko neurriekin
Ertzaintzak atzo atxilotu zuen 30 urteko gizasemea, hilketaren ustezko egilea zelakoan. Baliteke atxiloketa gehiago egitea, jakinarazi dutenez.
Gizon bat espetxeratu dute Donostian emakume bat jo eta bortxatzeagatik
Gertakariak larunbat gauean izan ziren, Udaletik baieztatu dutenez.
TAO zerbitzua, udan: Bilbo, Donostia, Gasteiz eta Iruñean izango diren aldaketa nagusiak
Bilbon, larunbatetan eta jaiegunetan zerbitzua bertan behera geldituko da, eta abuztutik arratsaldetan gauza bera gertatuko da. Gasteizen, abuztuaren 4tik 31ra bitartean ez da zerbitzua ordaindu beharko. Aitzitik, Donostian larunbat arratsaldeetara eta igande eta jaiegunetara zabalduko da, eta Iruñean, sanferminetan, eguneko 24 orduetan ordaindu beharko da.