Iruñerriko gizon bat espetxera bidali du epaileak, adingabekoak galbideratzea leporatuta
Iruñerriko gizon gazte bat espetxera bidali du epaileak, sare sozialen bidez adingabekoen galbideratze delitu baten ustezko egilea delakoan.
"Child groomin" kasu baten salaketa jaso zuen Foruzaingoak eta berehala atxilotu zuen Foruzaingoak. Adin txikikoekin sare sozialen bidez edo bestelako komunikazio bideetatik (char aretoak, mezularitza kanalak edo tankerakoak) erabiliz kontaktua egin eta haiengana hurbiltzea du xede delitu modalitate honek, kontaktu sexuala lortzeko gero.
Foruzaingoak azaldu duenez, Delitu Informatikoen Taldeko kideek susmagarriaren etxebizitza miatu zuen eta hainbat elementu elektroniko eta ebidentzia atzeman zituzten, gizonezkoa kontaktua egindako neska gazteekin lotzen zituztenak.
Poliziaren diligentzien instrukzioa eginda, Iruñeko 3. Instrukzio Epaitegiaren esku utzi zuten, eta epaileak espetxera bidali zuen. Hautemandako gailuak ikertzen jarraitzen du Poliziak.
Operazioan parte hartu dute Foruzaingoko Delitu Informatikoen Taldeko kideez gain, Laguntza Brigadako eta Informazio Alorreko kideekin lankidetzan.
Zer da "groominga"?
Poliziak azpimarratu duenez, sare sozialetako "groominga" da adingabeek gailu digitalak erabiliz nabigatzen dutenean aurki dezaketen mehatxu nagusietako bat, sexu-jazarle horiek haietan ezkutuan jarduten baitira beren helburuak lortzeko.
Delitu-modalitate honetan, ziber-harrapariak hainbat taktika eta trikimailu erabiltzen ditu espazio birtualean, adinbegeekin hitz egin eta haien konfiantza lortzeko. Oro har, jazarlea adingabeekin aurrez aurreko topaketa bat egitera behartzen saiatzen da, elkartzean abusuak eta sexu-izaerako beste ekintza batzuk egiten saiatzeko
Foruzaingoko espezialistek horrelako jokabideak ugaritzen ari direla detektatu dute, batzuk 12 eta 13 urte arteko biktimekin, eta, beraz, horrelako gertakariak prebenitzeko beharra nabarmendu dute, oinarrizko jarraibide batzuei jarraituz.
Gainera, azpimarratu dute gisa honetako tekniken biktima izan denak salaketa jartzea funtsezkoa dela, gertakariak ikertu ahal izateko. Salaketa aurkezteko unean, funtsezkoa izango da ikerketan lagunduko duten era guztietako frogak edo dokumentuak aurkeztea, hala nola elkarrizketak, pantailen argazkiak, edo jasotako edo partekatutako multimedia-edukia.
Albiste gehiago gizartea
MAKUSIren urteko jai erraldoia, haur eta gazteei zuzendutako jarduera-egitarau zabalarekin
EITBk haur eta gazteentzat euskaraz duen ekosistema eta plataforma digitalak egun handia du larunbat honetan. Izan ere, bigarrenez, MAKUSIren urteko jai erraldoia ospatzen ari dira egun osoan Barakaldon, BECen. MAKUSI unibertsoko protagonistek gune bereziak dituzte bertan.
Trafikoa bere onera itzuli da AP-8an Astigarragan, kamioi batek su hartu duelako itxita egon eta gero
Bilborako noranzkoan ere etenda egon da zirkulazioa larunbat goizean, baina bere onera itzuli da eguerdirako.
:eitb-banner?$eitb-banner$&fmt=webp-alpha&qlt=80)
'Alice' depresio isolatuak alerta egoeran jarri du penintsulako Mediterraneoko kostaldea
Alice goi-geruzetako depresio isolatuak euri-jasak eta uholdeak utzi ditu Mediterraneoko kostaldeko herri askotan, bereziki Valentziako Erkidegoan, Murtzian eta Balearretan. Valentziako Erkidegoa izan da kaltetuenetako bat, Gandiako (Valentzia) hainbat tokitan metro koadroko 110 litro baino gehiago pilatu baitituzte lau orduan. Estatuko Meteorologia Agentziak (Aemet) alerta aktibatu du, eta prezipitazioak astelehenera arte izango direla iragarri du.
Bost pertsona zauritu dira Gendulainen, kamioi baten eta auto baten arteko talkan
A-12 Iruñea-Logroño autobideak, Iruñerako noranzkoan, ohiko martxa berreskuratu du laster. Goizean, ordea, bidea itxi behar izan dute ezbehar horren ondorioz, eta NA-1110 Iruñea-Logrono errepidetik bideratu dute zirkulazioa, Foruzaingoak jakitera eman duenez.
100.000 biztanleko 15 psikiatrako ratioarekin, EAE da Estatuan arreta psikiatriko gehien ematen duena
Osasun mentaleko arretan, gizartean eragin handia duten arazo konplexuei aurre egiteko proiektu estrategikoak garatzen ditu Osakidetzak, hala nola suizidioaren prebentzioa, lehen gertakari psikotikoetan esku hartzea edo elikadura-nahasmenduen arreta.
Bilboko saltoki batek salgai dituen 65 telefono lapurtutakoak ote diren ari dira ikertzen
Ohar baten bidez, Udalak jakinarazi du Mariaren Bihotza plazan dagoen denda miatu ondoren, bi pertsona ari direla ikertzen, delitua egin dutelakoan.
Osasunaren kalterako baldintzetan prostituitzera behartuta zeuden bost emakume askatu dituzte Donostian
Sexu askatasunaren aurkako delituak jazartzeko ikerketa ekainean hasi zuten. Operazioan, hiru lagun atxilotu dituzte eta Donostiako Isabel II.aren hiribidean zegoen prostituzio etxe bat desegin dute.
Ikasleen ongizate emozionala zaintzeko ingurune positiboak sustatzen dituzte eskola askotan
Ikasleen ongizate emozionala gero eta garrantzitsuagoa da eskolan. Hori dela eta, txikitatik erabateko arreta eta emozioen autogestioa kudeatzen irakasten diete eskola-giroan, irakasleek haurren garapenean duten eginkizun eragingarria sustatzeko.
Alice depresioak 120 l/m2 utzi ditu Cartagenan eta 100 l/m2 Valentziako Erkidegoko toki batzuetan, baina ez du gorabehera larririk eragin
Murtziako 12 udalerritan bertan behera utzi dituzte eskolak, eta erkidegoko hainbat bide eta errepide itxi behar izan dituzte.
"Aldez aurretik salaketarik ez badago, Administrazioek ezin dute jarduera pribatuetan esku hartu"
Bernedoko udaleku polemikoen auzia mintzagai izan du Arabako Kultura eta Kirol foru diputatuak. Dagoeneko 18 salaketa jarri dira kanpaleku horietan sexu-askatasunaren aurka egin omen ziren delituengatik.