Eliza barruan sexu-abusuak jaso dituztenak aitortuko dituen legea erregistratu dute Nafarroako Parlamentuan
Nafarroako Parlamentuan erregistratuta dago jada Eliza Katoliko barruan sexu-abusuak jaso dituzten biktimak aitortzeko lege-proposamena. Biktimei erantzuna, babesa eta onarpena ematea eta gizartearen kontzientziazioak gertatutakoa errepikatzea eragoztea ditu helburu.
Proposamena Navarra Suma ez beste taldeen sinadurekin eta Gobernuaren babesarekin erregistratu dute. Eduardo Santos Migrazio Politiketarako eta Justiziarako kontseilariak testu honetara eraman duen prozesu "bizia" goraipatu du. Horretan zehar gai honi taldeek "tratu bikaina" eman diotela esan du.
Gogora ekarri duenez, prozesua biktimek eurek hasi zuten. 60tik gora biktimak salatu dute ikastetxe katolikoetan, 1950eko eta 1970eko hamarkadetan, sexu-abusuak jaso zituztela. Santosek esan duenez, "ahotsa altxatu" eta Parlamentura jo zuten "erantzun" baten bila.
Eskaera horretatik abiatuta, bere egoeraren azalpen "ausart eta konprometituarekin", ekimen-kate bat hasi zen: lanaldiak, topaketak, kazetaritza-ikerketak, eztabaida politikoa eta NUPen ikerketa bat. Horrek "neurri handi batean ezkutuan zegoen lehen mailako arazo sozial baten aurrean geundela" pentsatzera eraman zuen.
Horregatik, Santosek ondorioztatu duenez, orain aurkeztutako proposamenak "Parlamentutik eta Administraziotik erantzuna ematen dio eskaerari; giza eskubideen alde egiteko, egia bilatzeko, justizia bilatzeko, memoria eskatzeko, biktimek zer transmititu ziguten jakiteko eta horrelakorik berriro ez gertatzeko desioari".
Zure interesekoa izan daiteke
Parapentista bat larri zauritu da Baigura mendian, Lapurdi eta Baxe Nafarroako mugan
25 urteko gaztea erori eta maldaren kontra jo zen larunbat goizean. Lekuko batek eman zuen istriparen berri eta larrialdi zerbitzuek erreskatatu ondoren, Baionako ospitalera eraman zuten larri zaurituta.
Izurde bat hilda agertu da Zumaiako Itzurun hondartzan
Goizean goiz hondartzan paseatzen ari ziren lagun batzuek eman dute abisua. Dirudienez, egunak zeramatzan hilda bi metro luze inguru zituen izurdea, eta azken egunetako itsaso zakarrak eraman du hondartzaraino.
'Errespetua' ekimena abiatu du Bizkaiko Foru Aldundiak Eskola Kirolean, gurasoen jarrera desegokiak goraka doazela ikusita
Larunbat honetatik aurrera, eskubaloi, futbol eta saskibaloi partiden aurretik, “Errespetua” leloa duen pankarta erakutsiko dute Eskola Kirolean parte hartzen duten neska-mutilek. Familiei tentsioa baretzeko deia egin nahi diete horrela, sarritan gurasoen aldetik baitatoz jokabide txarrak. Irain gehienak epaileek jasotzen dituzte.
Herritarrek eta erakundeetako ordezkariek ozen salatu dute Sarrigurengo hilketa matxista
Eguesibarko Udalak deituta, ehunka pertsona bildu dira arratsaldean Tatianaren hilketa gaitzesteko. Ustezko hiltzaileak, 30 urteko bikotekideak, amari (biktimaren amaginarreba) ere eraso zion. Zorionez, ez dago hiltzeko arriskuan.
J'accuse kanpainako ekintzaileek migrazio politiken biktimak omentzeko horma-irudia egin dute
Bestalde, duela bi urteko Korrikaren lehen egunean 36 pertsona migratzaileri muga igarotzen laguntzeagatik auzipetutako 7 lagunen absoluzioa txalotu dute, "garaipen ederra" izan delako.
Festa giroa Valentzian, Kosner Baskoniari Kopa irabazten laguntzeko helburuarekin
Ospakizun gaua igarota, txarangaren erritmora esnatu dira zaleak. Kosner Baskoniak gaur gauean jokatuko du Errege Kopako finalerako txartela eskuratzeko partida erabakigarria, Bartzelonaren aurka.
Ibilgailu batek su hartu du Arantzazun, biribilgune baten ondoan matxuratuta
Ibilgailu batek su hartu du larunbat goizean Arantzazun, biribilgune baten ondoan, matxura mekaniko baten ondorioz. Ez da inor zauritu, baina garrek inguruan zeuden edukiontziak kiskali dituzte.
Sarrigurengo hilketa matxista salatzeko elkarretaratzea egin dute Iruñean
Itaia talde feministak deituta, dozenaka pertsona elkartu dira Iruñeko Udaletxe plazan, Sarrigurenengo hilketa matxista eta "indarkeria matxista egiturazkoa" dela salatzeko.
Gizon batek emaztea hil du eta ama larri zauritu Sarrigurenen
Hilketa matxista ostiral arratsaldean jazo da, bikotearen etxean. Eguesibarko Udaleko Bozeramaileen Batzordeak hilketa gaitzetsi du, eta hiru dolu egun ezarri ditu eta elkarretaratzea deitu du gaurko.
Eguesibarko Udalak Sarrigurengo hilketa salatzeko hiru dolu egun ezarri ditu eta gaitzespen bilkura deitu du gaurko
Bozeramaileen Batzordeko talde guztiek adierazpen instituzionala onartu dute hilketa matxistaren kontra, baita indarkeria matxista adierazpen ororen kontra ere. Gertatutakoa "erabat gaitzetsi" eta euren haserrea adierazi dute. Elkarretaratzea 17:00etan egingo dute udaletxearen aurrean.