Tximino-baztanga hainbat herrialdetan zabaldu da eta MOEk paziente susmagarriak isolatzea gomendatu du
Tximino-baztanga pixkanaka-pixkanaka munduan zabaltzen ari da eta dagoeneko hainbat herrialdetan baieztatu dituzte kasuak, tartean Espainian, Portugalen eta Ameriketako Estatu Batuetan (AEB).
Gaixotasunen Prebentziorako eta Kontrolerako Zentroak atzo jakinarazi zuen lehen kasua detektatu dutela AEBn. Espainian, zortzi kasu baieztatu dituzte, denak Madrilen. Portugalen 20 bat lagun kutsatu dira eta Suediak gaur iragarri du lehen kasua eta gehiago izan daitezkeen ikertzen ari dela.
Bestalde, Eusko Jaurlaritzak zehaztu du oraingoz ez dela tximino-baztanga kasurik agertu Araban, Bizkaian eta Gipuzkoan.
Gauzak horrela, Munduko Osasun Erakundeak arretaz aritzeko eskatu die herritarrei, oro har, eta osasun zentroei, zehazki.
Hala, positibo baten kontaktu estuei jarraipena egiteko eta kutsatuta egon daitezkeen pazienteak isolatzeko gomendatu du.
Sintoma arinak eta ez oso kutsakorra
Judit Villar Bartzelonako Mar ospitaleko nazioarteko osasun unitateko koordinatzaileak azaldu duenez, tximino-baztangak sintoma arinak eragiten ditu eta kutsatzeko ezinbestekoa da bi pertsona denbora luzez harremanetan egotea.
Horrez gain, zehaztu du covid-19a baino gutxiago kutsatzen dela eta sekrezioen bidez transmititzen dela, eta aerosolen bitartez.
Ildo horretan, Villarrek azpimarratu du oraindik ez dagoela frogatuta sexu harremanak izateagatik kutsatu daitekeen.
Albiste gehiago gizartea
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan erregistratutako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.