Udatik aurrera kerik gabeko 144 eremu izango dira EAEn
Datorren asteartean, maiatzak 31, Tabakorik Gabeko Mundu Eguna ospatuko da eta Osasun Sailak, foru aldundiekin eta udalekin batera, Euskadiko Kerik Gabeko Guneen Sarearen sustapena areagotu du, bizi-ohitura osasungarriak sustatzeko eta ingurumena ke eta zigarrokinen kutsaduratik babesteko eremuak sortzea helburu duen ekimena.
Gotzone Sagardui Osasun Sailburuak, Osasun Publikoaren eta Adikzioen zuzendari Itziar Larizgoitiarekin batera eskainitako prentsaurrekoan, gogorarazi du tabakoaren kontsumoa dela munduan saihestu daitekeen lehen heriotza-kausa, eta nabarmendu du tabakismoa, norberarentzat ez ezik, kearen eraginpean dauden ororentzat ere mehatxu dela.
Beraz, tabakoaren adikzioaren inguruko kontzientziazio-lan horretan, iaz esperientzia pilotu gisa kerik gabeko 7 gune jarri ziren martxan eta, Larizgoitziaren arabera, "oso esperientzia positiboa" izan zen. Aurten, lan horretan sakondu eta, 41 udalerritan, 144 espazio izatera igaroko dira, hala nola hondartzetan, eskola-inguruneetan, haur-parkeetan, plazetan edo kirol-inguruneetan.
Oraingoz, Araban kerik gabeko 6 gune egongo dira 4 udalerritan; Bizkaian 126 gune izango dira 24 udalerritan, eta Gipuzkoan gutxienez 12 espazio 13 udalerritan (oraindik zehaztu gabeko espazioak daude).
144 gune horietatik, kerik gabeko 16 hondartzak seinaleztatuko dira lehenik: 1 Araban, 10 Bizkaian eta 5 Gipuzkoan.
Kerik Gabeko Guneen Sare hori handituz joango da pixkanaka, udalerriak edo mankomunitate sarera gehitu ahala.
Sailburuak argitu duenez, sarean dauden gune hauetan ez dago tabakoaren edo ordezko produktuen kontsumoa debekatzen duen legerik, eta, beraz, ez dira neurri hertsatzaileak edo zigorrak, "gonbidapena" baizik, herritarrei beren osasunean eta osasun kolektiboan pentsatzeko.
Horregatik, Tabakorik Gabeko Munduko Egunarekin bat eginez, Osasun Sailak konpromiso irmoa hartu du tabakoaren eta nikotinaren arriskuei buruzko informazio- eta sentsibilizazio-lana sustatzeko politikak indartzen jarraitzeko eta jokabide osasungarriak sustatzeko, tabakoaren kearen kontsumoa eta herritarren esposizioa murrizteko.
Era berean, Osasun Sailaren webgunean atal berezia du sare honek. Webgune horretan, kanpainaren edukiak eta irudia, parte hartu duten udalerrien zerrenda eta sareko gune geolokalizatuak eta Kerik gabeko Euskadi estrategiari buruzko informazio orokorra aurkitu ahal izango dira.
Erretzeari uzteko laguntza
Iaz (2021) 4.929 pertsonak hasi zuten tabakoa uzteko tratamendua; horietatik % 58k 45 eta 64 urte bitartean zituzten. 2019an 2.059 izan ziren tratamendua hasi zutenak. Hala, % 139 igo da erretzeari uzteko tratamendua hasi dutenak, bi urtean ia bikoiztu egin da.
Osakidetzak hainbat kanal ditu erretzeari uzten laguntzeko. Taldeko online tratamendua eta APP bidezko tratamendu konbinatua dira gehien erabiltzen ari diren tresnak. Webgune honetan dago bide horiei buruzko informazio guztia.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.