Beroaren ondorioak prebenitzeko eta eguzki-erradiazioaren kalteak saihesteko aholkuak
Datozen egunotan muturreko tenperatura altuak etengabe izango direla aurreikusten denez, Osasun Sailak eta Osakidetzak are gehiago gogorarazi nahi dute komeni dela beroaren eta eguzkiaren aurrean babesteko neurri batzuk hartzea.
Beroaren ondorioak prebenitzeko:
-Likidoak kontsumitzea: ura etengabe eta egun osoan zehar edatea, egarria izateko zain egon gabe. Izerdiak eragindako galeretatik berreskuratzen lagunduko du horrek.
-Kafeina, alkohola edo azukre gehiegi duten edariak ez kontsumitzea. Ez dute egarria asetzen eta gorputzeko likido gehiago galarazten dute.
-Entsalada, barazki eta fruta gehiago jatea, izerdiagatik galdutako gatz mineralak berreskuratzeko.
-Gantz edo koipe askoko janaririk ez jatea eta otordu oparoak ez egitea, berora egokitzea zailtzen baitute.
-Eguzkitan ez egotea eguerdian eta arratsaldeko lehen orduetan. Kalera irten behar baduzu, jantzi txapela, eguzkitako betaurrekoak eta azala eguzkitik babesteko produktua.
-Etxean: leihoak itxi eta pertsianak jaistea, eguzkiak jotzen badu. Bero gutxieneko uneak baliatzea etxea aireztatu eta freskatzeko. Zu zauden gelan haizagailu bat edukitzen saiatzea. Bero handia sentitzen baduzu, freskatu gorputza ur hotzarekin, aurpegia eta eskuak batez ere.
-Izerditan jarriko zaituen ahalegin fisiko handirik ez egitea, bero handieneko orduetan.
-Eguzkitan lan egin behar baduzu, burua txapelen batekin estaltzea, eta gorputza arropa arin eta transpiragarriarekin. Ur asko edatea, 2-4 edalontzi ur orduro.
-Pertsona ahulenak zaintzea: arreta berezia jartzea ume txikietan, adineko pertsonetan eta gaixo daudenetan.
-Inor SEKULA aparkatuta eta itxita dagoen ibilgailu baten barruan EZ GERATZEA, nahiz eta itzalean egon.
-Adineko pertsonek zailtasunak eduki ditzakete babes-neurriak hartzeko, batez ere bakarrik bizi direnek edo mendeko direnek; beraz, egunean behin, gutxienez, haiek bisitatzea komeni da.
Eguzki-erradiazioaren epe laburreko eta luzeko kalteak saihesteko, honako hauek kontuan hartu behar dira:
-Eguzkitan ez egotea eguerdian eta arratsaldeko lehen orduetan (12:00etatik 16:00etara); izan ere, eguzki-erradiazioa handiagoa da.
-Gure azal motarako eta aurreikusitako eguzki-intentsitaterako egokia den krema fotobabeslea erabiltzea, inoiz ez 15-20 baino babes-faktore txikiagoarekin, eta UVA eta UVB erradiazioetatik babesten duena.
-Eguzki-krema kantitate oparoan aplikatzea gorputzaren zati guztiak babesteko, esposizioa baino 20-30 minutu lehenago.
-Denbora-tarte jakin batean behin aplikazioak ematea (2 edo 3 orduan behin), eta bainu bakoitzaren ondoren, izerdi edo transpirazio biziaren ondoren eta toallarekin lehortu ondoren.
-Kapela erabiltzea, eguzkitako betaurreko homologatuak edobabes-arropa.
-Gogoratu sendagai batzuek erreakzioak eragin ditzaketela hartzen ditugun bitartean eguzkitan jartzen bagara.
-Eskuak hidrogelarekin ez garbitzea eguzkitan jartzean; izan ere, alkoholak erredurak eragin ditzake.
-Haurrak sentikorragoak direnez, haiekin zuhurtasun-neurriak areagotu behar dira, bizitzako lehen urteetan eguzkiaren gehiegizko esposizioa eta haurtzaroko erredurak saihesteko.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.