Tenperaturak nabarmen jaitsiko dira eguerditik aurrera
Hainbat egunetan Euskal Herri osoan bero itogarria izan ondoren, badator aldaketa, eta eguerditik aurrera tenperaturak nabarmen jaitsiko dira, batez ere, EAEn.
Euskalmetek iragarri duenez, eguerdi inguruan edo arratsaldeko lehen orduetan haizea bat-batean mendebal/ipar-mendebaldera aldatuko da kostaldean, bolada gogorrekin, eta tenperatura nabarmen jaitsiko da. Aldaketa Bizkaiko kostaldean nabarituko da lehenbizi, eta ondoren ekialdera eta barnealdera hedatuko da. Ordutik aurrera, hodeiak ugarituko dira, eta ezegonkortzera egingo du; litekeena da hainbat txokotan ekaitzak jotzea. Ekaitzak izaten diren tokietan, haize-bolada oso gogorrak izan daitezke eta kazkabarra egin dezake.
Nafarroan aldaketa ez da horrenbeste nabarituko. Gaur, larunbata, alerta laranja foru erkidego osora zabalduko da. 41 graduko maximoak espero dira Erriberan; 40 gradukoak, erdialdean; 39koak, isurialde kantauriarrean eta 37koak, Pirinioetan.
Ipar Euskal Herrian, alerta laranja indarrean egongo da larunbatean zehar ere. Meteo Francek kanikula edo uda minagatik aktibatu du alerta laranja Pirinio Atlantikoetako departamentu osoan.
Baso-sute arriskua
Euskalmetek alerta laranja aktibatu du larunbaterako barnealdean, sute arriskuagatik. Gainera, aktibo mantenduko da abisu horia, kostako sute arriskuagatik.
Ildo beretik, Nafarroako Gobernuak zuhurtzia eskatu du sute arriskuaren aurrean, eta barbakoak debekatu ditu erkidegoko hegoaldean. Lau baso-sute hondamena eragiten ari dira Nafarroan, ostegunetik (Leire, Tafalla, Larraga eta Olleta).
Beroaren ondorioak, han eta hemen
Gipuzkoako Mendietako eta Natura Inguruneko Foru Zuzendaritzak larunbat osoan zehar barbakoak edo parrillak erabiltzeko debekua ezarri du, sute-arriskua prebenitzeko ezohiko neurri gisa.
Bestalde, Bizkaiko Foru Aldundiak 2022ko ekainaren 18rako antolatutako Eskola Kiroleko Programako ekintza guztiak bertan behera utzi ditu, surf jarduera izan ezik.
Gainera, beroaren ondorioz, 15 eta 16 urteko 50 gazte inguru matxuratutako autobus batetik atera behar izan dituzte ostiral honetan, Villabonan (Gipuzkoa). Ibilgailua Bartzelonara bidean zihoan. Hiru bidaiari eta bi ertzain artatu behar izan dituzte osasun zerbitzuek.
Hona hemen beroaren ondorioak prebenitzeko eta eguzki-erradiazioaren kalteak saihesteko aholku-sorta.
Zure interesekoa izan daiteke
Honela dago trafikoa AP-8 autobidean, Eibar eta Elgoibar artean, Maltzagako istripuaren ondoren
Errei bana ireki dute noranzko bakoitzean eta auto-ilarak erabat desegin dira. Hala ere, ezkerreko erreia itxita dago bi noranzkoetan, garbiketa lanak direla eta. Ezbeharra izan duen zisterna-kamioia kentzeko lanetan ari dira.
"Esperientzia eta konpromiso handiko" foruzainak: Hala deskribatzen dituzte Elgoibarko istripuko bost hildakoak
Fermin Sola, Jesus Maria Vidaurreta, Miguel Crespo, Juan Martin Dominguez eta Miguel Antonio D'Entremont Iurretara zihoazen, Ertzaintzarekin prestakuntza ikastaro bat egitera.
Lau pertsona artatu dituzte Gasteizko zabortegi batean izandako sutearen kea arnasteagatik
Sua asteazken honetako 17:00ak aldera piztu da, eta ez dago sugarrak baso-eremura zabaltzeko arriskurik.
Bost hildako eta zauritu bat AP-8an, Elgoibarren, furgoneta baten eta kamioi baten arteko istripuan
Hildakoak furgonetako bidaiariak ziren, Nafarroako foruzainak denak; Iurretan praktikak egitera zihoazen. Kamioi gidaria da zauritutakoa. Errepidea guztiz itxi dute, hasieran, bi norabideetan; geroxeago errei bat zabaldu dute Irunerako noranzkoan, baina arratsaldean zehar kamioia erretiratu arte, beste errepide batzuetatik bideratuko dute trafikoa.
Epaimahaiak errudun jo ditu Lukas Agirre hiltzeaz akusatutako bi gizonak
Hala ere, aringarria ezarri dio akusatu nagusiari drogak kontsumitzeagatik. Bigarren akusatuaren kasuan, erantzukizun penalaren aldaketa bikoitza erabaki du buruko nahasmendu bikoitzagatik eta estupefazienteak kontsumitzeagatik. Epaitutako hirugarren akusatua ere erruduntzat jo dute, beste biak estaltzeagatik.
Osasun Sailak tenperatura kaltegarrien atalaseak eguneratu ditu: 25,7 gradutik Gipuzkoako kostaldean 36,9 gradura Nafarroako Erriberan
Gehiegizko Tenperaturak Osasunean dituen Eraginak Prebenitzeko Jardueren Plan Nazionala asteazken honetan aurkeztu da, eta irailaren 14ra arte egongo da indarrean.
?fmt=webp-alpha&qlt=80)
23 pertsona atxilotu dituzte Iruñerrian, Vito Quilesen ekitaldi baten harira izandako istiluengatik
Espainiako Polizia Nazionalaren operazioak irekita jarraitzen du eta atxiloketa gehiago izan daitezke.
Nafarroako Gobernuak adierazpen instituzionala onartu du, hildako bost agenteen heriotzagatik samina agertzeko
"Herritarrak babesten eta zaintzen aritu diren bost zerbitzari publiko galdu ditugu. Gure aintzatespena, errespetua eta esker ona haientzat, erakutsi duten konpromisoagatik eta zerbitzurako bokazioagatik", dio testuak.
Asier, Maltzagako istripuaren lekukoa: "Larrialdi zerbitzuak oso azkar mobilizatu dira"
Radio Euskadin azaldu duenez, ez du istripuaren unea ikusi, baina bai berehalako ondorioak. Gertatutakoa azaldu du: kamioi bat galtzada batetik bestera igaro da, eta erdibitzailean geratu da, iraulita; istripuaren ondorioz, furgonetak kalte larriak izan ditu.
Hamar urteren ostean, Eibarren zezen-ikuskizunak atzera programatzea gaitzetsi du Haiekin elkarte animalistak
Elkartearen iritziz "atzerapauso handia" da, herriko San Joan jaietan hiru sokamutur saio programatzea, eta ohartarazi duenez "2016an PSE-EEk berak hartutako konpromiso ofizialen kontra doa".