Bi mila pertsona inguruk "hiri eredua aldatzea" eskatu dute Donostian
2.000 pertsona inguruk manifestazioa egin dute larunbat honetan Donostian, 46 elkarte, talde eta gizarte- eta auzo-mugimenduk deituta, "hiri ereduaren aldaketa" aldarrikatzeko, eta donostiarren beharrak "interes merkantilisten" aurretik jartzeko.
Hala azpimarratu dute martxaren amaieran irakurritako manifestuan. Manifestazioa 18:00ak aldera abiatu da Arabako parkearen ingurutik, eta, Gipuzkoako hiriburuko erdialdeko eta Alde Zaharreko hainbat kale zeharkatu ondoren, 19:30ak aldera amaitu da, Alderdi Ederren, udaletxearen aurrean, egindako ekitaldi batekin.
Testuan, gainera, Udalaren "hirigintza-politika negargarriak" salatu dituzte, eta arduradunei "birbideratzea" eskatu diete, "hiria biztanleentzat berreskuratzeko" eta auzoen gabeziei erantzuteko.
Martxaren buruan "Hiri eredua aldatu!" leloa zuen pankarta bat egon da, baina beste batzuk ere ikusi ahal izan dira martxan, deialdia egin duten kolektibo batzuen aldarrikapen zehatzekin, hala nola Stop Desahucios, "etxebizitza libre eta eskuragarria" eskatzen zuena, Bizilagunekin plataformarena, "turismoaren beherakadaren" alde egiten zuena, edo Satorralaia mugimenduarena, Donostia erdialdeko metroaren eraikuntza gelditzea eskatzen zuena.
Manifestariek, EH Bilduko eta Elkarrekin Podemoseko udal taldeetako zinegotziak tartean, hotel gehiago irekitzearen eta Donostiako "salmentaren" aurkako oihuak eta kartelak eraman dituzte, baita Eneko Goia alkatearen aurkakoak ere, eta "Donostiarren pozoia" izatea leporatu diote.
Aipatutako erakundeez gain, ELA, LAB, ESK, Steilas eta CNT sindikatuak egon dira, baita hurrengoak ere: Ernai gazte erakundea, etxegabetzeen aurkako hainbat talde, auzo ezberdinetako bizilagunen elkarteak, Ancora eta Ondare, esaterako, eta migratzaileentzako Harrera Sarea, Eguzki eta Haritzalde ekologistak, Dendartean merkatari elkartea eta Bilgune Feminista.
Albiste gehiago gizartea
Auto-ilara luzeak sortu dira A-8 autobidean, Malmasinen, Donostiarako noranzkoan
Hiru ibilgailuren arteko istripua izan da tunelaren barruan, eta errei bat itxi dute.
Xabiertxok, 100 urte: "Uste dut gaur egungo hezkuntzak garai hartako ekosistema euskaltzale hori behar duela"
Duela 100 urte argitaratu zuen Ixaka Lopez Mendizabal tolosarrak “Xabiertxo”, haurrei euskaraz irakurtzen irakasteko liburua. Haritz Azurmendi Jakin Fundazioko kidea aritu da mendeurrenaren ospakizuna prestatzeko lanetan, eta liburuari buruzko bitxikeriak azaltzeaz gain, Xabiertxok Euskal Herriari egin dion ekarpenaren inguruan mintzatu da.
Milaka herritar atera dira kalera Palestinaren alde
Gazarako Mugimendu Globala Euskal Herriak deituta, Iruñean 18:30ean abiatu da manifestazio nagusia Merindadeen plazatik, eta Donostian, Gasteizen eta Bilbon, 19:00etan. Halaber, unibertsitateko ikasleek manifestazioak egin dituzte 12:00etan euskal hiriburuetan.
ES-Alert ohartarazpen sistema probatu du SOS Deiak zerbitzuak Balmasedan
Balmasedan zeuden mugikorrek ohartarazpen mezu bat jaso dute. Sistema honekin jakinaraziko zaio gizarteari hondamendiren baten arriskua. Balmasedan egindako probarekin eraginkortasun-maila ezagutu nahi izan da, behar izanez gero hobetu ahal izateko. Soinua entzun ondoren, euskaraz, gaztelaniaz eta ingelesez idatzitako mezu bat jaso dute gailuetan, probaren berri emanez.
Berriro gelditu dira Gatika eta Capbreton arteko interkonexio elektrikoko itsaspeko kablearen obrak, Butroe ibaian isuria izan da eta
URA agentziak zehapen-espedientea ireki du Red Electricaren aurka, eta Gatika inguruan egiten ari ziren zulaketa-lanetako bat geldiaraztera behartu du, Butroe ibaiko erreka batean isurketa izan delako. Toxikotzat hartzen ez den substantzia bat isuri da, bentonita, baina ekosistemari kalte egiten dio.
Hasi da gripearen aurkako txertaketa-kanpaina, eta 75 urtetik gorakoei txerto indartua jarriko diete
"Zu zara funtsezko pieza gripea saihesteko. Jarri txertoa" lelopean, Osakidetzak hitzordua eskatzeko deia egin die pertsona zaurgarriei. Astelehenean hasiko dira txertatzen. Kalteberatzat jo ez dituztenek azarora arte itxaron beharko dute txertoa hartu ahal izateko.
Palestinarekin Elkartasuna plataformak Sumud Flotillaren aurkako erasoa kaleetan salatzeko deia egin die euskal herritarrei
Plataformaren ustez, "ezinbestekoa da Israelen eta mendebaldeko konplizeen aurkako mobilizazioa eta borroka bultzatzen jarraitzea", eta bat egiten du Gazarako Mugimendu Globalak Euskal Herriko hiriburu eta udalerrietan egindako deialdiekin.
Renfek erabat berrezariko du Bilbo eta Santurtzi arteko larunbat eta igandeetako tren-zirkulazioa
Aste barruan, trenak ohiko ordutegiaren % 50eko maiztasunarekin dabiltza, behin-behinean, aldaketarik iragarri bitartean.
Elhuyarrek sei hizkuntzatan automatikoki bikoizteko plataforma sortu du
Elhuyar Fundazioak Euskal Herriko lehenengo bikoizketa automatikoko plataforma sortu eta martxan jarri du. Erreminta honekin ikus-entzunezko eduki bat sei hizkuntzatan (euskara, gaztelania, frantsesa, ingelesa, galiziera eta katalana) bikoiztu daiteke eta jatorrizko ahotsak imitatzeko aukera ematen du. Tresna berria Aditu plataforman integratu da. Horrela, plataforma hau azpitituluak sortzeko plataforma izatetik automatikoki bikoizteko aukera ematera igaro da.
Bingen Zupiriaren arabera, segurtasunaren arloan "hainbat gertakari larri" izan dira aurten euskal gizartean
Bingen Zupiria Eusko Jaurlaritzako Segurtasun sailburuak ohartarazi duenez, "arazo sozial oso garrantzitsua" dago, urtarriletik abuztura 10 hilketa izan baitira Euskadin, bai eta emakumeen aurkako "hainbat motatako eraso asko" ere. Gainera, nabarmendu duenez, Euskadin "arma zuriak erabiltzera ohituta dauden eta gatazka asko sortzen dituzten pertsonak" egon badaudela "egiaztatu" ahal izan dute.