14 apaiz ikertzen ari da Bilboko Gotzaindegia ustez sexu abusuak egiteagatik
Elizaren barruan 14 apaizek ustez egindako sexu-abusuak ikertzen ari da Bilboko Goitzaindegiak horretarako sortu zuen batzordea. Hala jakinarazi du, gaur goizean, Joseba Segura Bilboko gotzainak, Radio Euskadin eskaini duen elkarrizketan. Horren arabera, ikerketa batzordeak joan den apirilean egindako txosten batean 14 apaizen izen-abizenak jaso ziren, ustezko erasotzaileak zirelakoan. Kasu horietako batzuk biktimek salatutakoak izan zirela argitu du, eta beste batzuk, erasoen berri izan duten hirugarren pertsonek jakinarazitakoak.
"Kasu gehiago" egon direla ere ez dauka zalantzarik Segurak, eta ziur agertu da horietako asko inoiz ez direla argitara aterako, "biktimek hitz egin nahi ez dutelako edo bidean galdu" direlako.
Biktimei entzutearen garrantzia azpimarratu du, eta horren harira, biktimekin izandako elkarrizketak ekarri ditu gogora. "Biktimekin elkarrizketak izan ditut, eta haien lekukotzak entzun ondoren, bakar baten hitzak ere ezin ditut zalantzan jarri. Horregatik, oso garrantzitsua da biktimen istorioa entzutea, euren egia zalantzan ez jartzea eta izandako ausardia aitortzea", azaldu du.
Gazteluetako kasuari buruz galdetuta, Opus Deik epaiaren inguruan emandako iritzia errespetatzen duen arren, "hankamotz geratu" dela uste du. Halako kasuetan, Seguraren arabera, "egokiena" erasotzaileak egindakoa aitortzea eta familiari barkamena eskatzea dela uste du. "Epailearen ebazpena errespetatzen duela dio Opus Deik, baina abusuak egin zituen irakaslea egindakoa aitortzera ezin dutela behartu diote. Nik beste gutun bat idatziko nuke, irakaslea egindakoa aitortzera gonbidatuko nuke eta familiarengana gerturatuko nintzateke... baina, Opus Deik autonomia osoa du", gaineratu du.
Herri Defendadatzailea ere ari da, bere bidetik, Elizaren barruan izandako sexu-erasoak ikertzen, eta erakunde horrekin Bilboko Gotzaitegiak duen "elkarlana erabatekoa" dela esan du Segurak. Are gehiago, bere helburua gardentasuna eta iritzi publikoari "Elizak informaziorik ez duela ezkutatzen" argi helaraztea direla azaldu du.
Zure interesekoa izan daiteke
Bartzelonan, Madrilen eta Berlinen ere Korrika!
Korrikak ez duela mugarik erakutsi du berriz ere. Larunbat honetan ehunka lagun bildu dira Bartzelonan, Madrilen eta Berlinen euskararen alde korrika egiteko. Tradizio bihurtzen ari da Euskal Herritik kanpo ere korrika egitea eta auten 50 hiri handitan antolatu dute hitzordua. Ikusmin handia eragin dute inguruan zebiltzan herritarren eta turisten artean.
Ehun bat polizia atxilotu edo ikertu dituzte Espainian azken bost urteetan, narkotrafikoarekin lotura izateagatik
EH Bilduk egindako galdera bati erantzunez, Espainiako Gobernuak jakinarazi du 106 agente atxilotu edo ikertu dituztela 2021eaz geroztik, baina ez du zehaztu zein polizia zerbitzutakoa den ikertutako edo atxilotutako pertsona bakoitza.
Arrazismoaren aurkako martxa batek "faxismoaren gorakada" eta "zigorgabetasuna" salatu ditu Bilbon
Arrazagatiko Diskriminazioa Ezabatzeko Nazioarteko Eguna dela eta, ehunka pertsonak bat egin dute larunbat honetan Arrazakeriaren aurkako Bilboko M21 Asanbladak deitutako manifestazioarekin. "Faxismoaren gorakada" salatu, eta "talde neonazi eta supremazisten" jarduera eta diskurtsoen "zigorgabetasunaz" ohartarazi dute. 12:00ak jota zirenean hasi da martxa, Mariaren Bihotza plazan, eta San Frantzisko kalea Zabalbururaino zeharkatu eta gero, Bilboko udaletxearen aurrean amaitu da, manifestu bat irakurrita.
Edukiontziak erre dituzte bart Getxon eta Bilbon, eta ikerketa zabaldu du Ertzaintzak
Getxoko Areeta auzoan, 12 edukiontziri eman diete su, eta Bilboko Zorrotza auzoan, 3 erre dituzte. Ikerketa abiatu dute, eta Getxoko Udaltzaingoa susmagarri bat identifikatzeko lanean ari da jada.
Durango, Palestinaren alde
Musikari ez ezik, bertsolariei eta umoregileei ere ireki die leihoa Oihu bat Palestinara jaialdiak; izan ere, Maialen Lujanbio, Amets Arzallus, Txaber Altube eta Nerea Ibarzabal bertsolariek eta Antton Telleria eta Asier K. bakarrizketariek hartu dute parte.
Nafarroako Erribera luze-zabalean zeharkatuta, Iruñerako bidea hartuko du gauerdian Korrikaren lekukoak
13:23an iritsiko da igandean Korrika Nafarroako hiriburura, bere laugarren egunean. Euskararen aldeko pausoek Erribera hartu dute larunbat honetan, korri eginez eta euskaraz bizitzeko aldarria ahotan.
Ehunka lagun elkartu dira Bilbon, "Kuba bizirik. Blokeorik ez!" lelopean
Hegoak plataformak deituta, Kubaren aldeko elkarretaratzea egin dute gaur eguerdian Bilboko Areatzan, "EBk ezarritako itolarri ekonomiko eta energia blokeo politika arbuiatzeko". Habanara iritsiko den konboi solidarioaren alde ere agertu dira. Bilbon bezala, Iruñean ere mobilizatu dira plataforma horrek deituta.
47 urteko gizon bat atxilotu dute Ermuan, anaia sastatzea egotzita
Erasoa 06:00ak aldera gertatu da, San Pelaio auzoko etxebizitza batean. 46 urteko biktima larri eraman dute ospitalera, gorputzeko hainbat lekutan zauriak baitzituen.
Gizon batek alaba adingabea hil du Torreviejan
Guardia Zibila indarkeria bikarioko krimen gisa ikertzen ari da gertatua. Zantzu guztien arabera, 40 urteko gizonak 3 urteko alaba hil du eta bere buruaz beste egin du ondoren.
Preso bat hilik aurkitu dute Baionako espetxean
23 urteko gizonak bere buruaz beste egin du. Arazo psikiatrikoak zituen, eta bakarkako ziega batean zegoen preso.